ناس العضة
اهلنا الخياراب
وحاصة اخونا عادل خيارى
حيفتكروا الحكاية فيها
كسرى بمرقيقة
بعد الضلع والذى منو
لكن
الحكاية دى مختلفة شديد
زمان لما اجى السودان زمن كنت طالب
يومين تلاتة
وتجينى ليك ملاريا تخلينى اهضرب
اشةف حصان البرامى ..ودى اسم سعيد اخوى
ارفستى ليك برجله الوراء
فت اصحى من النوم ومن الحمى
وتشوف الشجرة بتاعة الكبيرة الورى الهجرة ديك ماشة عليك
وتشوف نفسك ماشى فى الطريق
وتجى عربية ساكاك
كلما تلف منها يمين وشمال فى شكل دائرى تلف معاك عشان تدقشك
وتصحى من الحمى
وتشوف نفسك طالع فى راس البيت
وفجاءة البيت اجى واقع
دى حمى ...الملاريا
اها اجاركم الله انا جاتنى قبل يومين
حمى من زكام حاد ينتقل الفاسروس بتاعه
من الحجاج ربنا يتقبل منهم
الحمى دى اصابتنى ليلتين دسمتين
رايت فيهم العجب
تصوروا انى رايت مواقع الفيس بوك
اى والله الفيس بوك ذو اللونين المحببين لاخواننا فى العرضة شمال
اللون الابيض واللون الازرق
ورايت الاصدقاء من الذين ينشرون مواضيعهم بالموقع
ومواضيعهم المنشورة
معانو لى ثلاثة ايام ما دخلت الفيس الا اليوم
شفتو الحمى تطورت مع الزمن
ومع الواقع
وشفتو النت اثرن فينا
لحد وين
طبعا ده كلو من العقل الباطن
ولو فى خبراء فى علم النفس
وعلم الاجتماع ممكن يشرحوا لينا الحصل ده من ناحية
نفسية سايكلوجية
ولو فى واحد مثقف فى الجانب دى برضو يفيدنا

الحبيب زياده
كل عام وانت بخير
ما شفت بشه
تسلم من الامراض وربنا يداوم الصحه والعافيه

سلام ياقريبي وسلامتك
الود مسكتو حمة ام هضربة ديك اول مافتح   افتكروه بقى كويس قال ليها يمة أنا جيعاااان
قالت ليه اعمل ليك كسرة بي شطة وملح وطماطم  ودكوة وليمون عشان
خشمك يكون مسيخ
قال ليها لا لا  ا يمة داير لي بليلة بي ملاح خدرة
الام كوركت لي ولدها سوماعين تعال سوق اخوك ده رجعو الاسبتالية
اسه انت متأكد بقيت كويس ولا ننادي ليك سوماعين
ناس يهضربو بي شنو وناس بالفيس بوك والهلال طبعا الهلال ده حلم فعلا بالنسبة ليكم وده مناكم تحصلوه عشان كدة احلموا اقصد هضربوا بس
تمتياتتا ليك بدوام الصحة وفي ميزان حسناتك

الحبيب محمد الطيب
تسلم يا غالى
بشة ياتو فيهم
الحمد لله الاتنين ماا شفت واحد منهم
...............
تخريمة
الدمازين نفر ..

هههههههههههههه
عادل
بليلة بملاح خدرة
اها خدرة مفرومة
وله مفروكة
..........
عارف دى زى
المثل البقول ليك ليك
الجماعة ديل عاقلهم اتيرب بالبليلة
هههههههه
تحياتى