التحيات الطيبات
لكل أبناء قبلة الأنظار .. أينما كانو وأيضا لرواد المتندي بمقاماتهم السامية
بعد طول غياب .. ليس القصد منه البعـد عن الهدى ولا منتداها .. فيهي دائما وأبدا
في الدواخل وفي الوجدان نحملها شيئا عزيزا وغالــي .. وإنما هي لظروف قاهرة خارجة
عن الإرادة ..
ولايخفى على الجميع .. لقد تأثرت كما تأثر غيري الكثيرين من إجراءات تصحيح الأوضاع
للمقيمين في السعودية .. وكنت طيلة الفترة الماضية لاهثا وراء تصحيح أوضاعي والتي
لم تمكن كذلك .. غير أن أبنائي الكبار تجاوزوا السنة القانونية والتي تحتم عليهم نقل كفالتهم
الى غيري حسب القوانين .. وإلا سوف تكون إقامة غير قابلة للتجديد .. وبالفعل سعيت
لهذا المسعي وهو نقل كفالة الأبناء الكبار ..والتى كلفتني غير المبالغ المادية جهد وتعب
وجري .. ولكن وبفضل الله تم تصحيح الوضع والحمد لله ..
لذا أعتذر لكل واحد منكم .. لغيابي وبعدي القهري عنكم ..
أجدد لكم التحية .. على أمل التواصل دون إنقطاع ..

سلام طارق
اولا حمدا لله على تصحيح الاوضاع دي براها سلامة كبيرة عايزه ليها كرامة كبيرة
في البارك حديقة عامه لزوم الشية وكدة البارد علينا
ومرحب بيك  وانت تزين صفحات المنتدى مفقود مفقود مفقود ياولدي

حمدا لله على السلامة
الكيزان ليهم 25 سنة يا يطردوك يا يكتلوك وابدا ما ختوا فى حساباتهم رجوع ميت او مطرود
كويس انك صححت اوضاعك عشان تصحيح الاوضاع فى السودان اصعب من السعودية بمراحل
انت عارف يا طارق ناس عمر البشير الا يخترعوا ليهم حرب زى حرب الجنوب تانى لو ناس السعودية بس لرجعوا السودان ناهيك من الدول التانية
بعد ما بدلونا بالحبش المساكين تجى السعودية تلخبط ليهم كل مخططاتهم

عادل خياري كتب:

سلام طارق
اولا حمدا لله على تصحيح الاوضاع دي براها سلامة كبيرة عايزه ليها كرامة كبيرة
في البارك حديقة عامه لزوم الشية وكدة البارد علينا
ومرحب بيك  وانت تزين صفحات المنتدى مفقود مفقود مفقود ياولدي

التحية يا ADMIN عادل
وربنا يقبل حمدك .. وبالفعل عملنا الكرامة .. وحقكم محفوظ ..

والمنتدى منور بيكم .. شكرا على المرور

صديق الماحي كتب:

حمدا لله على السلامة
الكيزان ليهم 25 سنة يا يطردوك يا يكتلوك وابدا ما ختوا فى حساباتهم رجوع ميت او مطرود  
كويس انك صححت اوضاعك  عشان تصحيح الاوضاع فى السودان اصعب من السعودية بمراحل
انت عارف يا طارق ناس عمر البشير الا يخترعوا ليهم حرب زى حرب الجنوب تانى لو ناس السعودية بس لرجعوا السودان ناهيك من الدول التانية
بعد ما بدلونا بالحبش المساكين تجى السعودية تلخبط ليهم كل مخططاتهم

التحية للعم صديق الماحي ..( طبعا إنت أكبر مننا سنا )) ..

الكيزان العملوا في البلد ماشوية منهم لله ..
عاثوا في البلد الفساد .. ولكن مهما طال الظلم .. فنصر الله قريب باذن الله
نسأل الله أن يصلح الحال ..
مشكور على المرور والإضافة ..

طارق انت عابر سكة فايت ولا جيت قاصد تزورنا
الف مرحب بيك حبيبنا حبيبنا
من يوم السلام ماشفناك تاني

حمدا لله علي السلامة
وان شاء الله دائما اوضاعك صاح
وتكون مرتاح

منتظرين