دعوة جميلة من اصدقاء مدارس , هدي المتقين , اساتذة وتلاميذ الاساس الذين هم بلا اثاث , اساتذة وطلاب الثانوي الذين يتطلعون لدور اولي , ادارة واندية لعيبة وجماهير بعد ان (ختوا الكورة في الواطة ) وسخروا اقدامهم لما هو اسمي , امهاتنا واخواتنا وهن يعدن لدورهن الطليعي , وناس في الغربة بكااية لحال مايل , ائمة مساجد وشيوخ ساهموا بالصوت واليد والقلم .. انها دعوة من كل المجتمع الهداوي الجميييل .. الجميل فقط .. من اجل ازالة قبح طال به الزمان وطاب له المكان .. لكن الليلة غير ..
يلا معانا
كونوا معانا
وابقوا حدانا
وشيلوا اللهفة الجووه عيونا
وادونا رضااكم
عشان مانقدر نفرز صورة الامل الساكن فيكم
من الزحمة الجاايطه عيونا
من السكة القاعدة تخوونا
من الغربة الساكنه صدورنا
نحن بنربط بين ايامنا وبين جواكم
بين احلامنا وبين واقعكم
نبضنا .. نبضكم
عزنا ... عزكم
عشقنا ... عشقكم
**
نبضنا ماسك (شارع الجامع )
بشتل شتله .. بردم حفر الحاصل
يبقي مواااصل
يقدر يحصل اي انساان
يقدر يوصل شعورو كمان
يخش البيت يلااااقي الناس
هااش وباااش
**
عزنا بييييكم
عزنا بكبر ساعة الناس تتلم
ساعة الامل اللسه بساسق يقوم ينجم
ساعة الحلم الجوووه قلووبكم
وجوووه قلوبنا يقوووم ينتم
**
عشقنا واصل المدرسة
ماسك شارع النبض اللسه بسلم جووه الحلة
عشقنا واصل (هدي ) البت الحلوة
فستانا الواحد قااام اتقطططع
نعلاتا قدييييمة يادوووب شايلاها
كراسها ملللتق .. جوز من جااي .. وجوز من جاااي
زعلت يوم من استاذها عشان قال ليها :
(انتي فستانك دا ماعندك غيرو )
وزعلت اكتر واكتر
لما الفصل كلو قااعد يضحك ويعاين ليها
ومن يوميييها
خلت (هدي ) ابت ترجع ليها
عشان فستانها
عشان نعلاتها
عشان كراسها
**
نحن بنربط بين النبض وبين العشق
وعشقنا كلووو محصل (هدي )
عشان تتعلم
عشان تتغلب علي احوالها
يلا معانا نمشي السوق
نشتري فستان .. نشتري نعلات
عشان ماترجع هدي للمدرسة
وعشان مانرجع ونفرح تاني
ونملا الدنيا عبير واغاني
ونستل رمل السكة اماني
يلا معانا
كونو معانا
وابقوا حدنا
شيلوا اللهفة الجووه عيونها
وادوناه رضاااكم
**
حاشية ..
الاستاذ الشاكل هدي دا الزمن
وناس الفصل البضحكو ديل من حولنا من تقدموا وتركونا خلفهم
الفستان اكيد بكوون بوماستك
والنعلات بتكون ارضية وفرشة اسمنتية
موضوع: يلا معااااانا 
الجمعة 31 يناير 2014 - 16:40
