مياكل من حلال مرتاح نفسيا
كلمة قوية نهديها لمن اؤتمنوا على الامانة بالهدى خاصة والسودان عامة

راعى الغنم شغلك نضيف
انا الليلة اتكيفت كيف
فاق حد القيف
كلامك اسنا من حد السيف
وتلقائية وبساطة ماها زيف
وامانة حقو الناس عندك تقيف
يا منهج الامانة تفسير وتعريف
ما بتضيع عندك امانة ياعفيف
شوفو الورع عند الزول الشفيف
لو انطبقت السما على الارض
افرطت فى الامانة كيف
ومخافة الشبر ...ياليطف
دروس فى الامانة بى حكمة ياحصيف
اديت رسالة يا ظريف
رسالة من راعى واعى وشريف
انت عملة نادرة فى زمنا سخيف
زمنا مخيف
ناس تبيع لقمة المسكين والرغيف
وللمليارات تكدس وفى الحسابات تضيف
ناسين الموت والحساب العصيف