نحن اول شعب  قطع الرحط  وفتح الخشم  وعمل الصبحية ونحن
نحن اول  من اكل ام فتفت واستخدم الالتى  نحن اول من عاس الكسرة بالطايوق
ونحن من اخترع المعراكة والكراجاكة نحن اول من سمى ست الريد  وست البنات وست النساء وست ابوها
وعطا منو  وفرج الله  جبر السيد وعوض السيد ونحن اول من صنع الزير وحلق كارل لويس للحمير
نحن الحد ونحن الجد ونحن اول ساج العنقريب بالقد  نحن اول من نحن اول من شال الجنازة فى عنقريب
ونشف العدة فى نفس العنقريب  نحن اول من استخدم  راس البيت مخزن والحوش اوضة نوم
نحن اول من قال كلام ساكت و قام قعد  وكر عليك  وووب على وسجم الرماد وسجمى وسجم اللبتو امى

نحن اول من لعب شليل وغمديت وناس الصعيض انقرضو.................. ونقط نقط جاكم
نحن اول من لبس الجلابية بالاتجاهين
نحن اول من سوى علبة النيفيا حقة تمباك

سلام ودالبلة ياقديم من زمن الرحط
طبعا عملية الرحط وهو الخيط حول وسط المراة كما تقول احدى الروايات
ان هذا اصلا كان موجودا ايام الرق فياتي السيد بمجموعه بنات مربوطات بحبل

ويعرضن في سوق الله اكبر للبيع وعليك ان تختار وان كنت صاحب نصيب يقوم السيد
بقطع الحبل وحينها تصير تلك المرأة من نصيبك كل من يقطع الحبل او الخيط او الرحط
تكون من حلائله وتوارثت هذه العاده عند السودانيين كعرف تقطع الرحط تبقى المرأه ملك لك
وكان كتاب عقد النكاح لايخولك لذلك
المهم مواضيعك جميلة وخفيفة وطاعمة
لكن حقت علبة النيفيا دي بالغت فيها بصراحة
ههههههههههه

تحياتي لكم ودالبله ياعجوز قايتو زمن السوق والمرأة تربط رحط في وسطها دا ماسمعنا بيهو تب ههههه

نحن اول ...وانت اول