بنسمع الكلمة دي من نحن شفع وعارفين انها تعني زهجتنا او كرهتنا البلي زي مابقولو
ولكن في ونسة ناس السكري حماكم الله
لقيناها انو الزول لو اصريت عليه ياكل حلويات او انواع معينة وهو عارف انها مابتنفع معاه
يقول ليك دي بتطلع صليبنا اي السكري ح يرتفع صليب او صليبين يعني مانبذة شوفو الحكمة
حسب مقياس ريختر السكري
والصليب هنا يعني وحدة لقياس السكر في الدم

عارف طلغت صليبكم وعارف محمد الطيب صاحبك وصاحب عوض الله رئيس المنتدى وما بترضو فيه كلمة عشان كدة هو زاع ورئيس المنتدى زاف وانت ما ثادر تثول كلمة حث في منتدى يضيع حقه وهم وحسبنا الله ونعم الوكيل في قيمنا واخلاقنا وغاسدبن الهدى يلعبوا بينا الكورة
معليش يا عادل غضبان شديد في تراخينا اعذرنى
وشوغ لينا صاحبك البقدل في الفيس بالبدل وناسى لافتة المنتدى البدت ليهو مدرستو دى
كرهتونا وطلعتو صليبنا بجد

ابو وحيد المصادم
التحايا والدنيا صباح خت الرحمن في قلبك

عارف طلغت صليبكم وعارف محمد الطيب صاحبك وصاحب عوض الله رئيس المنتدى وما بترضو فيه كلمة كتب:

والله بقت عليك الفي قلبو ابو الحرقص
اي فعلا نحن مابنرضى في محمد الطيب او اي عضو من اعضاء المنتدى لو زول يغلط فيهم
وانت ماغلطت اسه ذكرت محمد الطيب باللافتة كونك تختار اسلوب قاسي او مرن
مرده لك وحدك حسب امتلاكك لناصية الكلم بما انك لم تسئ او تشتم طالب كما يحلو لك
لكن الزمان والكبر ما خلانا اخر مراجعه للطبيب طلع عندي انا عادل ارتفاع في الكوليسترول وايضا سكري من النوع الاول حماك الله ولازم تعرف عن السكري بعض المعلومات شي من الدكتور وشئ من النت وشوية من السكريين القدامى اصحاب الخبرات في كيفية التعامل مع هذا المرض
وبقى ان اقيس بجهاز معين تلاتة مرات في اليوم السكري في الدم ولاول مره اعرف تلك القراءات
بعد الاكل بساعتين يكون المعدل مابين ال 130 الى ال160
اول مايصل الى 180 معناها واحد صليب وكلما زادت درجات السكر في الدم زادت عدد الصلايب
عشان كدة ماتطلع صليبنا انت كمان
خلي الحرقص بعيد شوية من قلبك وراجع منتدى الحلاوين الذي لم يسجل فيه محمد الطيب حتى للعضوية
وبرضو لو غلطت في محمد الطيب مابنرضى منك

ههههههههههههههههههههههه ههههههههاى
قبلك وحدك
وربنا يكتب ليك الشفاء وابشر العساكر ديل كان كلامهم صاح اخترعوا ليهم جهاز بحلك من الامراض كلها وبحل الدنيا كلها بس ادعى معاى ما يكون خرمجة ساى
نحن ما زيك كدة برضو بقينا عقاب انسان وكبرنا وربنا يدينا حسن الخنام بس
لكن جبت كثافتك لى لحظات

يا جماعة السلام عايكم عساكم طيبين رغم انى ما فاهم حاجة لكن روقو المنقة والف سلامة ليك عادل
وربنا اشفيك منه اما محمد الطيب صاحب الكل وراجل تجده فى كل المواقف يا صديق سلامى ليك وللاسرة الكريمة

كفارة ليك يا عادل ... مرض السكر الجابو ليك شنو ؟ زول عايش في اغنى بلد ومرض السكر قالوا بجيبو الزعل والنفسيات التعبانة وهذه متوفرة في السودان فقط وبرضو والحمد لله ربنا حمانا منو رغم شغلنا في مصنع سكر ... بس يا عادل مسألة السكري دي حاااارة على زولا عابش في امريكا المليانة حلويات اشكال والوان ..