#الحوار الغلب سيدو#

ثقافة الحوار عندنا ماعندها مكان فينا
مابنعرف نتحاور
حتي في الكورة المهارة الفرديه في المحاورة مافي
لكن بنعرف نراوغ
ده نحن مراوغين درجه فوق الاولي
درجتنا اعلي بكتييير من الدرجه الفوق البنفسجيه
تاريخنا كلوووووووو مافيهو حوار
شغالين بالعين الحمراء بس
تعاين لي احدر ليك
تحدر لي اعفصك
حياتنا مجابدات
حواراتنا فيها نوع من المصالح البحتة
مابتكلم معاك الا تكون مصلحتي عندك
شفع المدرسه لو اتشاكلو وقلت للواحد تعال صالح اخوك
اول كلمة يقول ليك انت معاهو ولا معاي
شفت والله الشافع ده
في المواصلات الحركة دي كتيييير
اقل سبب تولع
المجتمع كلووو قائم علي كده
شغل الحكامات فيهو شئ من تهدئيه الامور
بس ماحوار ولا شاف حوار
اي مشكله تحصل يقول ليك انت معاي ولا معاهو
مافي حتي اعلام يوجه لافكار بديله
كل الاعلام موجة للطائرات الخاصه البنتقل جثامين فنانين
مافي حوار حقيقي حصل في البلد دي مما استقلينا
انفصال الجنوب كان حوار مصالح
ماقلنا ليكم
اي واحد تقول ليهو تعال نتحاور او كلمة يرد ليك بيها
يقول ليك انت ماعندك شغله
لو كان عرف انو العالم اتطور عشان عدم الشغله دي كان قعد
في نوع من الحوار كمان قبلي او جهوي
انا وانت ومعانا فلان نتحاور نتفق عشان ندمر فلان وفلان
الزوجه جابوها مطلقه لبيت ابوها
ناس البيت قامو وقعدو عشان احتواء الموقف
مافاضل ليهو الا يعملو مؤتمر صحفي
الاخ الاكبر جابو من المتمة والاصغر جابو من الجنينه
قالو نتقعد نتحاور ونطلع باتفاق واجنده واحده نتحاور بيها مع الزوج
وكتلة انباء الاسرة متمثله في ام الزوجه بالتعاوين مع بناتا
اعلنو انو حيقعدو مع العريس كيدا في واحده كده كانت عاوزاهو
يعني حوار بفهم
ماقلت ليكم
الحكومة السودانيه بعد 25 سنه وبعد كم سنه ماعارف بعد الاستقلال
عملت الحوار الوطني
90 حزب مشارك
تفتكرو ديل جايين من القمر
من مجتمع اصلا مابعرف ثقافة حوار نهاإاإاإائي
قبل الحوار مايبدا في ناس قاطعو
ماقلت ليكم
خطوة فيها امل
لالالا ما امل بس
امل وسعاد ومني وازدهار وحليمة وهيفاء وهبي كمان
احتمال يكون ده اخر هيفاء للخروج من الضياع اقصد اخر امل
انا بقول احتمال
الان الكل في المحك حتي الحركات المسلحه
نحن الان في اعلي نقطه في كيرف السودان اليوم
اما انهيار كامل شامل اذا فشل الحوار
او استعاده تاريخ وبلاد وشعب ضاع بما يكفي
مافي محطه وسطي
امسك لي واقطع ليك مافي
عاوزنو شفاف جرئ قوي
حركات مسلحه اخدت من الضمانات مايكفي
الشروط الاستباقيه دي بلوها واشربو مويتا
حتي المؤتمر الوطني سيد الحوار
بنقول ليهو تعال مستمع بس
كفايه انك بتتكلم 25 سنه
سمعناك وحفظناك
ممكن نقول ليك انت عاوز تقول شنو
خلينا نستمع للبقيه
اتفقو يرحمكم الله
اتفقو عليييييكم الله
الامل ضعيف بس موجوود
سيبو الامل يخدر فينا بعد نشاف
غشووونا سنه سنتين بس
وتعالو تاني للمربع الاول
ياخ اقول ليكم حاجه
عيشونا في الحلم ده سنه واختلفو تلاته سنه
سنه اتفاق وتلاته خلاف وحرب
خلونا نفتخر بيكم بعد ماعجزتو وكركبتو
خلونا نشرب معاكم شاي المغربيه تاني
خلونا نرجع لشجرة النيم ونعزمكم قهوة في تبروقه
مابعيده علي الله
اقعدو الله يهديكم
كفايه كفايه كفايه
رواندا بعد مجازر التسعينات الشهيرة عاشت السلام

يارييييييييت تحقق 10% من تطلعات شعب فضل من هذا الحوار
البشير ماقصر معاكم تب بعد ده
ضمانات اداكم
حرية اعلام اداكم
نشاط سياسي بدون قيود اداكم
اها انتو حتتدونا شنوووووووووووووووووووووووووووو

وتبقي هيفاء وهبي
اقصد وتبقي امل

سلام سيد حسن
وتشكر على الحضور المتميز المثمر

اول كلمة يقول ليك انت معاهو ولا معاي كتب:

كويس اسه انت معانا ما مع الخيانا

حوار الطرشان

ﺗﻔﻘﻮ ﻋﻠﻴﻴﻴﻴﻴﻜﻢ ﺍﻟﻠﻪ
ﺍﻻﻣﻞ ﺿﻌﻴﻒ ﺑﺲ ﻣﻮﺟﻮﻭد
الحمد الله املنا كان كبير
واتصافينا واتحلت المشكله