المنتديات عموما تعاني من الغياب التام او المتقطع لاعضاء كثر ..
لاسباب تبدو موضوعيه ..
اول ابابها واخطرها الفيسبوك

وفي الفيس لديك عالمك الخاص .. تكتب ماتشاء .. رقيبك فقط ضميرك واحساسك وصدقك
لديك صفحه تخصك .. تخصك وحدك ..تضيف من تشاء .. تحظر من تشاء
صفحه بتخليك تحس بعظمة نفسك

وعلي كيفك


كل المنتديات تاثرت بالفيس ... فكانت هذه الهجرة لديها اسبابها
والحضور الطاغي في الفيس لسهوله الدخول
من جوالك الخاص تخش علي صفحتك تنزل تعليق .. صورة .. اي حاجه بسهوله تااامة

والعكس تماما في المنتديات لو داير تحمل صورة بس الا تعمل ليها up load
وتخش موقع تحميل خاص .. وتحمل الصورة وتنسخ الرابط .. عشان بعد داااك تجي تنزلها في المنتدي برابطها

***

عشان كدا الجيل الجديد دا ماعندو علاقة بالمنتديات .. صحي من نومو ووجد قدامو الفيس

انا شخصيا مشترك في اكتر من 10 منتديات
لكن للاسف دخولي لها اصبح صفر كبير
حتي المنتديات التي احمل فيها صفه اشرافيه .. غياب تام

**

البحصل دا مابلغي دور المنتديات .. لانها تزخر بالراي والفكرة .. وتلقي ناس تدعم الفكره

او تضيف للفكره .. الاستفادة اكبر اكيد

**

لكن نجي لمشكله منتدانا .. وهي غياب المشاركه والتداخل ودي مشكله عااامه

تخش تلقي المنتدي فاااضي

تكتب موضوع تجي بعد شهر تلقي في مكانو

واحد حيقول لي لانك انت بتغيب .. لو بقيت متواجد كان اتغير الوضع

**

المشكله الكبيرة هي شبكتنا

لو داير تخش منتدي الا تجيب لابتوب وتعمل ليك اشتراك .. وتكون الشبكه فرفاااره

بالموبايل مابتقدر

**


خربشه

انا عارف صديق الماحي حريص علي المنتدي .. لكن النداء بتاعو للاسف حااد جدا

المنتديات لها روادها

ولها تعقيداتها .. ومااي واحد بستوعب العالم دا

وبستوعب الدعوه المغلفه بالشتيمه


**

انا شخصيا وصلت لقناعه انو اكون من زمره ناس الفيس لسرعه التواصل

***

المنتديات عموما اصبحت عندي من الاطلال

ومنتدي الهدي محتاج لينا اكيد

سلام ياعبدالرحمن
حمدا لله ع السلامة بالطلة

سلام ودمدثر الفاكي بخورو
شممينا عبق الكلام الطيب قلنا اكيد وراه خرباش
وفضلنا نعاين الشارع
ولو وشوش صوت الريح في الباب يسبقنا الشوق قبل العينين
وين ياحبيب منتظرين سيد البخور وليس حارق البخور

المنتديات والغياب ،،،
هي اكيد مشكله عامه زي م ذكر ابو منيب الاسباب لكن الاصل باقي والمنتدي ده حاجه ثابته والناس تمشي وترجع تاااااااااني ليه . وصراحه منتدي الهدي غير ملئي بالاساتذه يعني مهما الناس بعدت واتفرعت بعمل قروبات ف تطبيقات مختلفه اﻻ ان المنتدي اللي هو البيت الكبير موجود .