استانف العمل مرة اخري في نفرة المدارس بعد اتفاق اللجنة الشعبية وجمعيه الهدي وشباب النفرة وقد بدا العمل بمدرسة البنات واحد نتمني تضافر كل الجهود ونكران الذات من اجل الهدي ووفق الله الجميع وجمع صفهم
انتظرونا لمزيد من التفاصيل ياحلوين
أيدينا للبلد

بشارة الخير
اخي عثمان
مزيد من الترابط والتلاحم لأبناء الهدى
وفقكم الله وسدد خطاكم
تشكر عثمان على الاخبار الحلوة

شكرًا عادل خياري
على المرور ومتابعتك لأخبار الهدى
ان شاءالله سنوافيك بالأخبار على طول
اول بأول خليك جنب الرادي بس اقصد
النت

شكرا عثمان
ياريت المرة دى نستفيد من اخطاء الماضى ويتم التنسيق والتنظيم والاتصال بكل الناس والمابشيل طورية يدفع يومية اسطى والمابشيل طورية وما بدفع ياريت نقدر نقول له تبا لك وكلنا سواسية ومافيش حد احسن من حد
كل النفرات نسبة المشاركة فيها لا تتعدى 10% من سكان الهدى ومغتربيها ودة منتهى الظلم للهدى ناس ما شاركت وبكل وقاحة عايزة تستفيد من المدرسة ونحن ساكتين ليهم زى الهبل كل الناس لازم تشارك فى هذا العمل والمابشارك اعملوا عليه علامة فى السوق فى لستة كبيرة والشارك اكتبوهو فى لائحة شرف معلقة فى السوق وصدقونى الظلم الاجتماعى هو المودينا لى ورا

عندك تقريبا لو قلنا 500 نفر بس برة الهدى فى يومية عامل ولا اسطى حاتلقى نفسك ممكن نتعمل مدرسة جديدة والموجود فى الهدى وما عايز يجى يدفع برضو وهو حر ومحترم لكن لا تدفع وما تجى تشارك ونسكت عليك والله نفشل