جسمي انتحل،والحيل برد
يا ناس ها ما تشوفو لنا حل
طول النهار اكل والوك
لامن خلاص حنكي انفتل
والحال اريتا هي حال عدوك
لاكرشه لاجضوم لاعضل
هو شنو الحصل؟ انا عارفو ليك؟
ورونا إنتو شنو الحصل؟
دا البنطلون القنا ضاق
الليله ووب يا ناس نصل
قلت الرغيف حلَي الوحيد
عسي يبقي فيهو الحل،لعل
,,,,,,,,,,,,,,,,,,,,
وبلعت كبسولات رغيف
عشرين علي الريق في عجل
لااسكتو الجوع السخيف
لاشالن الخوف لا الوجل
تاري الرغيف مدفوس سموم
بوتاسيوم برومايد ،اجل
والله جد لاكضبه لاحسد
سقط حجرنا وشاتناليك
ضفاري في قون الاجل
ما قلت ليك؟قيلنو كيك
طلع الكجيك اسمي واجل

والله ياود الطيب كلامك فى محلو
لكن الدنيا بتدور ليها ...اتلباجة
قراصتنا يازول ولا الرغيف الحلو
لا فيها بروميد ولا بتغلت عليك
إن بالكجيك ...اكلوها
وللضيف بالسمنة والسكر بس حلوها

يشكر يا ود الياس
لان مزروعاتنا ومصنوعاتنا كلها بها مواد كيميائيه هي المقتسه حجرنا