سودانيز سيستم
بيPencil عثمان مساعد ابوشيبه

اتو بتقولو  السلام عليكم ولا عليكن بتقولو آمين ولا يامين
البنت في فتره الخطوبه تقول ليك انا بحب الراجل الانيق في ايام الزواج الاولي غسيل ومكوه بعد شويه غير القميص ماماشي مع البنظلون بعد شويه اتو زاتو ماشي وين
و المكوه ليك شنو مابركه الغسلت ليك مع خدمه البيت الكتيره د
الناس لو لبست كويس في شنو يازول علي وين عافيه شنو اللبس دا؟
بري اتلبس كده الا كان داير اعرس في مرتو ماقبضنك متلبس

اول مايبوظ في الاوضه بعد العرس اي المفتاح من مفتاح النور بعادين بتبوظ اللمبه الاتنين قدم وبنخط في محلها تاني مفتاح الدولاب ومفتاح الاوضه بنستبدلو بالذي هو ادني ترباس
تاني مفتاح العربيه  تلقي عمك ادورها بسلكه
حتي الماسوره بتحلج وبتبقي ماسوره وبنربطا بي حبل
 المفتاح لو ماباظ ببقي لوري ههه نحن بنضيعو ولا نسيانهو جوه وصديقك صديق السوء اقول ليك فلسو نحن ابوابنا كلها مفلسه
ونحن شغالين تفليس وتكييف اتو قايلين الفلس دا جانا من شويه
اي غطاء او قرب غطاء من يرسو عليه الغطاء
قلت اي غطاء يا ضاع يا باظ من غطا الحله والبطاريه والريموت والموبايل بنربطو بي استيكه قروش عشان الرصيد مايروح ولا شنو
خليها سته الشنطه في كل عشره شنط في حداشر شنطه السوسته بتاعتني بايظه
في النهايه اقول ليك شباب ضايع وغلبونا في الزمن الضايع
وحتي اغانينا في الحالتين انا الضايع واقول ليك كل شي بتعوض الا الشاحن الاصلي
وهكذا السودانيز سيستم كلامنا ذاتو لمن تطلع منو هناي وبتاع ومش وقلت ليك ويا زول بضيع ساكت
Alarm clockمعليش ضيعت زمنكم بالموضوع الطويل دا هو زمنكم ضربه جزاء شايتا لاعب ناجح جدا في تضييعا
معووتمنياتي لكم باوالصحه
عثمان مساعد ابوشيبه

عثمان مساعد
النسمة في عز الهجير
تشكر يارايع جفيتنيي وانا ضايع على الاريحية

جفيتني وانا ضائع دي ماشة مع الريموت الضايه مش كدة