قال له ياخي كلمها في المستقبل وفي اهدافكم كلما في الاهداف
مشي قال ليها رايك شنو في هدف راجي
☑
امك لو قالت ليك بارك الله فيك وكتر خيرك دا عتاب ما معناها بتدعي ليك
❎
انتو بتقولو يرقان ولا قرقان ولا ارقان
لا عندو اسم ثابت لا علاج
زي الحب بظهر في العيون
علاجو الكي كيتا عليهو تشه ولا كاريكا

الكبسولات الزي فنايل كولمبيا دي التراسايكلين
بتعالج حاجات كتيره الا الشوق
الشوق لو كتر عليك البس نعلاتك
الشوق ذاتو زي السوق ابدا منتعش واخر الشوق تلقي الزول اتلفت زي مروحه التربيزه الخاتينها في الواطه

في ناس زي المسامير راسا قوي ما تمشي الا بالدق دق زي مااقول ليك
امك تسمع اغنيه جناي البريدو ولو قلت ليها داير اعرس تقول ليك تعرس برماد وشك اشبع ليك كسره
وات لا شبعت لا جابو ليك

القروش ما كل شي الجمله مثبته وليست منفيه زي السمح ما اكال
اكال منو
بالمناسبه مافي حاجه اسما لا سلام علي طعام دا كلام قالو واحد جعان

الشوق لو كتر عليك البس نعلاتك كتب:

سلام استاذ عثمان
والله انت زول جميل وراقي في كتاباتك
فخورين انك مننا
لكن ماقلت لي بعد تلبس نعلاتك تمش على وين
في ناس جنب الخط وصف ليهم

راجي منك بس اشاره

هههههههه
فعلا ناس راسها زى المسامير الا دقها عشان تمش عديل
رائع انت ياشاب ابو شيبة