اولا بالتبادي بت علوبة دي حبوبتي عشان ما اجي واحد اسلبط فيها وارفع قضية
حبوبتي دي كريمة كرم لمن غشيمة
فجأة كدا جوها ضيوف كتار
لب لب ملت القداحة لقمة وبقت في طريقة الملاح كريمة لكن ما عندها شيتا كتير
قالت الليلة الضيوف ديل علا اكفيهم بملاح ام سامجي
ملاح ام ساجمي شنو يا حبوبة
ملاح ام سامجي كلما تضوقو تزيد مي
الحاضر اتبرد والغايب اغسل كرعي
اها بقت كلما تشوف الناس تجلبغو موية وهو اصلا فرطاقة ام شرورة قرفة بصلة ولشغة زيت
يا زول الناس جعانين والدنيا مطر وصقط خبتو اللقمة بملاح ام شعيفة الكتل المرة الضيفة خبت جد
وباللليل حبوبتي بت علوبة قالت لبتها انا جعانة جيبي لي عشاء
بتها لقت الحلة ملانة ملاح كبت ليها فوق راس اللقمة وجابتها ليها
حبوبتي قالت ليها دي بملاح شنو
قالت ليها ما باقي ملاحك العملتي للضيوف
قالت ليها يا بت هوي شيليني مني ما بدورو
وصارت مقولة متدوالة حصريا في حلتنا والحلول المجاورة ولم ترقى حتى الان كمثل سوداني شهير

ودالبوش سيد الحوش
سلام ومرحب بيك تاني وبي طلتك الكريمة بي عصيدتها وملاحها
افتقدتك الهدى
عشمنا انو تواصل الهدى من خلال صفحات المنتدى حتى نتنسم عبير كلماتك الحلوة وحلو معشرك

ودالبوش والله ليك وحشة
ومببروك عليك انت عارف وانا عارف
وكمان مبروك العام الجديد بالخير والبركة والرفاة والبنين
ياخ ماترمي لينا تلفونك هنا ولا في رسالة نتصل عليك نسمع صوتك

سلام ودالبوش
منور المنتدى
ياحليل ناس زمان وسنين زمان قول ليها ياحاجة لو تتذكري
شوف الكرم ده كيف الجود بالموجود بساطة وطيبة
ربنا يجعلها في ميزان حسناتها
لكن باقي ليك ملاح حبوبتك ده لي كلامك ده بكون لسه فيه باقي تحت العنقريب ولا المشلعيب
التحية لك اينما كنت

الحبيب عثمان مساعد
سلام واحترام
والله يا عثمان اخوي وماك طالبني حليفة هو في الزمن دا في زول بطلب ليهو زول حليفة
لكن دا تقعد حديس ساهي
ولكن قسما الهدى دي انا محل قبلت في الدنيا العريضة دي ما شفت اجمل منها كلو كلو
عندي ليها حب مقدس ساكن جوة في مسارب الروح محل ما اروح معاي اروح
لكن بس حاميني القيد منع
وشكرا جزيلا على هذا الاطراء الذي كبر لي عنقرتي جدا

اوووووو صديقي عادل خياري
سلاما وشوقا واحتراما
ياخي عجبني حرصك وتريثك حتى في امر كان معلن
ودي صفة الزول الوسيم في طبعو دائما هادي
.
.
الله ابارك فيك وعقبال جديد الوليدات
وياريت نسمع صوتك يا جميل
00966554009464

الحبيب ابايزيد خالد عوض الكريم
سلام واحترام
بالمناسبة الصديق خالد عوض الكريم دفعتي الكنبة بالكنبة
نقوم ونقع من كنبة لكنبة حتى افترقنا بعد ان اكملنا
مدرسة الهجرة الشعبية الثانوية العامة بالهدى
يا سلام اسم له ايقاع
.
.
فعلا يا حليلم ويا حليل المحنة الراحت مع القمل هههههههههههه
شكرا ابا يزيد على مرورك الكريم مع تحياتي