انا من مواليد الهدى وبالتحديد من مواليد امي بت الكلي لها الرحمة والمغفرة
وعشت عمري فيها لحدي الثانوي العام وغادرتها 1979
لحدي الوقت داك ما كانت في نقطة بوليس ولسبب بسيط مافي مشاكل
لانو ما كان في اختلاف حتى في وجهات النظر تكاد تكون واحدة
الناس كلهم انصار وهلالاب
اها من وين تجي المشاكل ؟
زمان كان بجينا بوليس العقدة وبجي عشان اكتل الكلاب الضالة

ودالبوش
ودالهدى
وا اسفاي لو ماكنت من الهدى
وا اسفاي جدا لو ماكنت هلالابي
كل المؤشرات تدل على حب كبير لبك يالذيذ يارايق
وحقيقة ماخليت لينا طريقة الاختلاف بعد ان جمعت الصفتين أعلاه
انت هارف بمناسبة مافي مشاكل زمان في الهدى
جد عبدالقادر جابر ده لامه حسب الروايات
كان خارج الهدى وأول ما جاء سال من الناس كلهم دون فرز
قالو ليه الناس طيبين بس كان في مشكلة صغيرة بين فلان وفلان اتشاكلو
لكن الحمد لله الناس صالحو بيناتهم
عنك عليه الرحمة استغرب قال ليهم لاحول ولا قوة الناس تتشاكل لمن الناس يصالحوهم
الدنيا انتهت كان كدة اكتر من عشنا ان شاءالله مانعيش
قال ليك في نفس اليوم المساء مشى الخلا قرصو دبيب اتوفى علبه رحمة الله
شوف صفاء النية وحب الناس للعض
كونو الناس تتشاكل وتتصالح في نفس اليوم عند جدنا عبدالقادر جريمة كبيرة
ديل ناس كانوا محتاجين ليهم نقطة بوليس يابوش الأب او الابن
ياحليل ناس الهدى الزمان نحن باودالبوش عايشين على الريحة بس