شباب هذا الزمن ..
عجيب غريب
حتى في طرحه لأشيائه
متمرد على الحال ..
أوجد لينا مفردات غريبة . للتعامل اليومي ..
يافــردة .
ياحبــة ..
ترطيبة .. راتع .. لاقي ليهو جنينة حاتة ..
يا أخي دا ماســورة ساكت ..

واشياء غريبة . إن جيلنا هذا محتاج لقاموس لفك شفرة بعض المصطلحات .
أتحفونا .. أفيدونا ( مع الشرح لو أمكن ) .
ولكم التحية .
ابو وضاح .

شكرا يافرده علي الموضوع الفلته
وتحياتنا ليك يامان

أخونا حسن ..
ترطيبة وكــدا .. شكرا ليك يامان

ماسورة دى سامع بيها كتير لكن مهناها شنو ؟
وهل لها علاقة بسوق المواسير
مرحبا طارق

الحبيب صديق الماحي .

شكرا لمرورك يازول يارائع ..
وأنا والله العظيم .. ماعارف معناها شنو .. لكن واحد قبل يومين من كتابة هذا البوست قابلني .. قالها لي .. والبحرف الواحد قالي :
يا أخي إنت طلعت ماسورة ساكت . وفهمت من صياغة الكلام معناها طلعت زول أي كلام .. والله أعلم .
عشان كدا نحن كتبنا هذا البوست , للذين يعرفون مثل هذه المفردات تنويرنا .
ولك محبتي .
ابو وضاح

فكرة سديدة يا اخ طارق كونو نحاول
نعمل قاموس اشان اكون في تواصل للاجيال . ما خلاص نستسلم ونتعلم اشان نفهم .
نفهم هم بقولوا شنو
وانا ببدا ليك

الكلمة او الجملة الما بتعجب (كسير التلج) يعنى مصطلح اصبح معروف
ويعنى التؤدد الي المسؤلين لكي يقضي لك حاجة او يزكيك لي منصب او ترقية . . . . الخ
واحيانا يعني الفتنة
مثلا اقول ليك الزول دا كسرو ليو تلج
اي فتنوه مع المسؤل عنه

الحبيب عوض الله

شكرا ليك . وبداية طيبة عرفنا الآن كسير التلج يعني شنو
بالله المزيد .. ياعوض عشان مانكون مسطحيين .

أجدد لك التحية .
ابو وضاح