المنا بر الاسفيرية او المنتديات ميدان فسيح للمواضيع والحوارات بعيدا عن عبارة الشلليات ( كما همس لى احد الاعضاء بان المتدى صار عبارة عن شلليات ) وعبارة الشلليات تفتقر للمعنى الواضح وتواجدها عندنا هنا معدوم تماما لسبب بسيط هو انو المادة المتواجدة اشبه باعمدة صحيفة تقرأ ما يروق لك وترسل تعليق لكاتب اعجبك مقاله اما منتقدا اياه او مشيدا بما سطره قلمه ...
تلك شهادة براءة لعبارة شللية التى كثيرا ما ارقتنى والتى دمر فهمها الخاطى كثيرا من المنابر 0
ولا يعنى ابتعادى عن مقالات عضو معين اننى لست من شلته..........

الكاتب المقتدر هو من يجذب القراء لمواضيعه فاختيار المادة والمضمون هى الفيصل وليس الشلة او الشللية .

تحيه
نعم نحن اهل ومجموعون للنقاش
والتحاور بدون قيود بل بحدود
اشكرك
[ندعوك للتسجيل في المنتدى أو التعريف بنفسك لمعاينة هذه الصورة]
لله الحمد والمنة

الاخ صلاح رمضان كريم
وكل عام وانت بخير
ياخي انت فعلا زول راقي خلاص والتعاليق بتاعة الشلليات دي موجودة في معظم المنتديات وقريتها في اكتر من موقع ابتداء من سودانيز اونلاين اوالحلاوين ومنتديات رفاعه ولكن في راي الشخصى الموضوع والكاتب وصياغة اللغة هي التي تفرض نفسها على المتلقي
لكن ياصلاح انت راجل عركتك الحياة من بدري عشان كدة فهمت الحياة صاح ومفروض نحن نتعلم منك
وزي ماقال زاكي الدين خالد والكلام للزاكي نحن زمان لما كنا صغار صلاح الشيخ كان يجي قاشر ويحب في فربقنا
عشان كدة انت صاحب قشرات وقلب ينبض حبا للجميع
دمت كما عودتنا

والله ياعادل استاذ زاكي الدين خالد ما جاب خبر ونحن من زمان بنقول عمنا دي بمشي قدام كتير كدا مالو وهسع سكن قدام وخلانا :::

الأخ صلاح ودهنونة
شكرا ليك يارائع وانت تجمل هذا المنتدى بأشيائك الجميلة الممتعة . الشلليات شىء مهم في حياة الناس ولابد منها لأن كل انسان يجد من هو اقرب له وجدانيا وفكريا وروحيا .. انت علق واكتب في اي موضوع ترى بأنه عجبك واذا رد عليه صاحب الموضوع يعتبر هذا تلاقح افكار واذا طنشك فيبقي العيب فيه هو وليس انت فما تهتم وخليك ريلاكس كما يقولون ..

الاخ طارق لك التحية
اتفق مع في الجزء الاول في اهمية وجود الشلة في حياتنا و تقارب الافكار ولكن هذا لا يعني مناقشة فكر الاخرين والا حدث الانغلاق الفكري وعدم تلاقح الافكار
واختلف معك في من لم يرد علي احد فهذا ليس عيبا فيه كما ذكرت ربما لا يعجبه الموضوع او ليس في دائرة اهماماته او لا يملك خلفية عن الموضوع اري عدم الرد افضل من الرد من اجل المجاملة (زي ما بقولو كسير تلج او تلميع دا رآى شخصي )

الحبيب صلاح
متعك الله بالصحة والعافية
هكذا هى حال المنتديات
تمثل المجتمع سلبا وايجابا
هى ليست (شلليات)وانما هى مجموعات
المنتدى عبارة عن افكار ومعلومات واخبار
وهى تمثل (الداتا)المطروحة ليتناولها الجميع
بمختلف توجهاتهم ..وياكل كل واحد مما يليه
كالشبكة العنكبوتية تماما كلما احتجت لموضوع معين
تبحث عنه..وايضا المنتدى جزء الشبكة
والداتا هنا تنقسم الى قسمين
الذى يطرح الموضوع..ويمتلك قدرا من المعلومات عنه
والذى يود المساهمة ايضا يمتلك قدرا من العلومات
وبالتالى ينطلق البوست كلما تعدد الذين يملكون معلومات عنه
واخرون ربما لا يجدون معلومات للكتابة فى موضوع نفسه
ويكتبون فى مواضيع تتناسب وتوجهاتهم وافكارهم ومعلوماتهم
وبما ان التطور والتقدم والازدهار نتاج طبيعى للاستقرار
والان المنتدى اصبح ياخذ شكل الاستقرار يوما بعد
ولكن هل ستتطابق نتائجة مع النظرية ام ستختلف
هذا ما سنراه لاحقا...

والله انا كمان اختلف معاك في عدم الرد دي
حتي لو كان مافي دايره اختصاصه او لم يعجبه الموضوع
عليه فقط بشكر صاحب الموضوع
يعني لو ماعاوز يرد رد في الموضوع يكفيه الزياره فقط وترك شكره
عشان صاحب الموضوع يحس انو علي الاقل زي ماهو تعب واجتهد في ناس برضو دخلو وقرو الموضوع بتاعو...
اما عدم الرد علي الموضوع فاعتبره عدم اهتمام

الاعزاء
بلال مامون
عادل خيارى
طارق مامون
هيثم الشيخ
زيادة عبدالباقى
حسن اسماعيل
عيدكم سعيد وكل سنة وانتم بخير
اولا اسف للتاخير نسبة لظروف زحمة العيد
اشكركم على الاضافات
يا عادل موضوع اخونا الزاكى ح نرجع ليهو وبالتفصيل
اما بالنسبة لموضوع الشلليات وطرحه فى بعض المنابر هذا شى طبيعى
لكن لا بد ان نقف على عثرات المتتديات حتى نتجنبها
احبابى الان منتديات الهدى بها من الاعضاء مئتان ونيف ومع هذا نجد الحضور من الاعضاء لا يتجاوز الخمس والزوار طاشرات واحبانا حضور الاعضاء صفر كبير والزائرين عدد مقدر هل هذا يعنى اهتمام الزائر اكبر من اهتمام الاعضاء ؟
طبعا شى اكيد نحنا حاضرين لكن خلف الكواليس قولوا معاى ليه كدا ؟؟؟؟؟؟؟؟؟؟؟؟؟

العم صلاح
عيدكم مبارك فعلا لماذا يتواجد الاعضاء خلف الكواليس ؟ الموضوع محتاج الي وقفة و لماذا انحصرت المشاركات في عدد محدود من الاعضاء ؟؟ لو وجدنا العذر للناس في الهدى من شح امكانيات الدخول فما عذر من يمتلك امكانية الدخول و يحتجب؟؟؟؟؟
( ما تنساني من الحلاوة ...)

العزيز / هيثم
مساك سعيد وعيد بخيت وعمر مديد وزواج قريب
اشكرك على الاسهام والوقوف على الموضوع
(( اما عن حلاوتك والله يا ابن اخى حتكون شبكة عينة اوع تكسر الشين وتفقد الشبكة ))

الاخ / عادل خيارى
كل سنة وانت طيب يا ابو الطيب
بخصوص موضوع الزاكى خالد له التحية من هتا
والله شوف انا فعلا كنت على طول فى حارتكم العامرة باهلها لانى بحس بوجودى معاكم
لكن باقى الكلام داك كلو ما حاصل ( احزر القطر فيهو مفتش )

صلاح الشيخ كتب:

الاخ / عادل خيارى
كل سنة وانت طيب يا ابو الطيب
بخصوص موضوع الزاكى خالد له التحية من هتا
والله شوف انا فعلا كنت على طول فى حارتكم العامرة باهلها لانى بحس بوجودى معاكم
لكن باقى الكلام داك كلو ما حاصل ( احزر القطر فيهو مفتش )

يا يا أبا الطيب عمنا دا يكون قاصد المفتش كرمبو ولا شنو ...

لك التحية الحبيب صلاح الشيخ .. صاحب الراكوبة .. والبوست المميز غيابكم طال.. اين انت غيابك طال ..
الآن وبعد ثورة 25 يناير المصرية اصبحت المنابر الإسفيرية والفيس بوك .. ليست للشلليات والونسة .. بل اصبحت ثورة للتحرر وتغيير لحقب تاريخية ومصير للأمة بأكملها ..

التحية لصاحب البوست
وصاحبو طارق
اين انت اخونا صلاح
غيابك طال وافتقدناك وافتقدنا قلمك