امونة ياناس ماالفرح جوة الفريق

وكتين تناجى القمرة ليلات السعد

وكتين يطل مشوار هواك

فارد الامل

ممدود على كف الامانى

الديمة تحلم بالوصول

لوطن ماليه حد

انا قلت ارسم لوحة الفرحة

الماخدة من لون الشفق

اجمل شعاع

واوصف ملامح امونة

لناس الفريق

البت حليوة بتستحق كل المداد

البنبض دهشة بينات اليراع

البت نسيمة نديانة بريحة الدعاش

مسكونة بفرح الوصول

ممشوقة زى النخلة

فى كل الحقول

امونة عصفورة الامل

هجعة الزول الفتر

امونة هى الزاد والمتاع

هى البتنضح بالخجل

لمن يداعب سكتها همس النسيم

امونة هىىىىىىىىىى

جيتى من وين

جبت المطر من غير خريف

جبت من وين نسمة فرح

والدنيا صيف

وانت كنت هناااك

هناااك كانت كل الطفولة بتحتشد

وكت المطر دخل البيوت

دغدغ على عصب الامانى

الديمة تحلم بالهطول

سلم على كل الشوارع

والمزارع

والحقوول

كانت الساحة بتحتشد

مااللعبة حلوة

والمطرة ليها لونها ونكهتها

(كنيش .. كنيش .. يالله تجيب المطر والعيش )

ماالمطر فال العيون

ماالمطر اعلان حياة

لحظات تجلى واندهاش

ماالمطر ريحة دعااش

(كنيش .. كنيش .. يالله تجيب المطر والعيش )

والدنيا من غيرمطر

بتصير عدم

ومن غير طفولة

تكووون

ضياااع

وامونة ياناس

ماالفرح جوة الفريق

وكتين تناجىى القمرة

ليلات السعد

هاشم صدبق
وكت ساعة الدرس يا بوى يطير قلمى
ويزقرد سنو فى الكراس ...........
قدال
انت فى خوفك تكاتل رقة الطيروالحفيف
انت فى شوفك تحا تل عينة الجلب الخربف
مدثر
جيتى من وبن جبتى المطر من غير خريف
*********************
يا ود مدثر
واصل رحلة البحث عن الحقيقة

رائع يا ابومزن
عقب عقب

يسلام وانت نتذكرنا بالشعر الرصين
هنا العرب بتقول صحه لسانك
دمت يا ود مدثر