يجيك واحد في الاجزخانه يقول ليك اديني حبوب .حبوب شنو .حبوب احمر باصفر .تقول ياربي دي اسكيرت وبلوزه ولابشجع المريخ

واحد شايل صندوق فاضي يقول ليك اديني زي دا , تقول ليهو بتستعملوهو بستمرار او كتبو ليكم طبيب ,يقول ليك جارنا زمان اخدو وبقي كويس ..ادينا زيو ابوي عيان..

واحد يقيف ليك في الشباك ويقول ليك ادينا حبوب..حبوب شنو يقول ليك انت وكت ما عارفن المقعدك هنا شنو ..

واحد يجيك في الصيدليه يقول ليك اديني شراب موصي ليهو فتيلو بتاع تبخ ودواو بمبي .شراب اسمو شنو .ابعرفو وصوني ليهو وبس .طيب العيان عندو شنو .والله ما بعرفو في النهايه يقول ليك يا ابو الشباب دائر تديني ليهو ولا اشوف لي اجزخانه غيرك.
ناس تحير والله دي حقيقه