شُفت الجار قصاد الجار
كل واحد ما خد من الزقاق
البين بيوتهم خمسه امتار
وباقي الطريق ياساده
لو مطوه ..ما يمرر حمار
دي ازمة ضمير
ياساده ام ازمة عقار
والا الناس في بلادنا
اصبحو كلهم شطار
كمان في ناس عشان حفلة عرس
أو حتي لحظة طهار
أو حتي لو ساكت هظار
تقفل الشارع العريض
يومين تمام ليل ونهار
يا اخوانا ممكن نعذرم
لو الشارع دا
اصبح بيتهم او بيت ابوهم
لكن الشارع دا بيت حق الكتيره
للشافع المحموم وللبنت الصغيرة
وللعجوز الماشي ياخد حقنه
او يعمل جبيره وللحرمه العذيره
والا ايه افتونا يا العلما الكبار
ما نحن عايشين في الودار
والادا المثل البقول
(لو دار ابوك مخروبه
خد لك منها عود او طوبه)
يا اخوانا انحناضهبانين
ولا الصوره مقلوبه؟