على غير العادة تاتى مبارة الديربى (مسيخة )
لان الجمهور الهلالى هو الحلاوة .. هو الطعم الحقيقى للقمة
ولان حال الهلال اليوم لايسر عدو او صديق
مشاكل بالجملة
غيابات بالجملة
هزائم برضو بالجملة
والهلال هو الهلال
نهواه فى كل الظروف

يدخل صاحب المقام الرفيع مبارة القمة اليوم وهو فى حالة يرثى لها
لانتوقع ان يكون جديد طالما كانت المشاكل تحيط به من كل اتجاه
لكن فى حاجة كدا جوووه الجووووه
بتقول انو هلالنا غير امام المريخ

طبعا قلت اخش بوست حمى القمة البهناك
لقيتو كلو مواسير زى وارغو
قلت احسن اعمل تمرد بجاى
عشان نشوف المعانا منو

هنا نتلقى التهانى
بفوز سيد البلد ( ان شاء الله )

وفارق نقاط كادوقلى

ستكون فى الدورة الثانية جووووه الزريبة حقتنا




خربشة

يازيادة .. قلت لى (لب ) اكل الجدادة حية

ولو مااااااافى تهانى

انا عندى اورنيك مرضى لمدة اسبوع

ياعبدوش مافى داعى للخوف وسبت قلبك
وانشاءالله ضاربين المريخ اتنين صفر

عبدالرحمن مدثر كتب:

ولو مااااااافى تهانى

انا عندى اورنيك مرضى لمدة اسبوع

الاورنيك ماليك لي التانين

مبروووووووووووووك
وبس

ياود مدثر ماقلنا ليك
الاورنيك ماليك

الاخوة اخوان زرقان اولاد الزريبة
اولا بنهنيكم..بالفوز..
ولكن واضح انكم ماكنتو متوقعنو
ونحن صراحة خاشين ضامنين النقاط
والضمان ضمان الله..
لكن سمعتو عدنان حمد قال شنو
قال فى رئيس نادى مشى لدارفور لفكى عديييييييييييييييل كده
وطبعا ربنا ستر وغليتو ولال كان ابو الهل
لحق الزينين الماجو عايدين
او لحق امات طه
وانتو شفتو طارق مختار عمل شنو فى سادمبا
والبرنس وعمر بخيت بقو اشاكلو عديل
وهاك يا بطاقات صفراء وحمراء
والحمام بدل اطير لفوق
بقى اطير لى تحت
جنس توقع وجنس تمثيل
تفوقتو على المصريين
غبتو ما غلبتو نحن قداااااااااااااااااااااااام
وغلب مسيخ
ما ليهم اى طعم
والطشاش فى بلد العمى شوف
وبرضو مبروك

بعد دا ىممكن نغنى مع وردى ونتم الاغنية
ونزيدها شبال
ونقلب الهوبة
ونخلى الطوووبة
الطوووبة دى مابتشبهنا
عندها ناسها
ناس الكفوة


وكانت ساعة النصر باكتمال الهلال
بحلاوة الغزال
ومزيكا كاريكا
وحاجات فوق للخيال

ياسلام على الهلال

كنا في حداد عشان كده يتاخرنا. مبروك لكن انتو مامصدقين .غايتو٠هلاكم ده كسره بي مويه ماباكلكم( نحن ظروف وبتعدي )

مبروك ياعبدالرحمن ياراقي انت
قلت لي زياده قال ريئس نادي مشى لي فكي اخجلو بلاهي وماتجيبو الكلام لي روحكم كنا ساترنكم ومخلنكم على الغلب بس جابت ليها فقرا وفكي عليك شوف الفيديو ده بس ماتقول دبلجة واتفرج واحكم وشوف الرتينزات دي خاتنها في كم محل 3 محلات وطبعا جابن فيكم 3 اقوان لكن الاول احلى هدف الحكم المعاكم نقضو عشان تغلبو وبرضو ماغلبتو
وان عدتم عدنا

يا عادل اكرم ده ولدكم
ونا مسميه الابن العاق
لانو ابوه الهادى سليم
ومشى الهلال
ولو اليوم مشى من المريخ
انا بكون فرحان
وهو رضع منكم
وانا اطلب منك
ومن كل ال زرقان
ان ترجعو للفيدو وتشاهدوه
اكتر من مرة
عشان تتمتعوا برؤية
الرد كاسل
مفخرة الصفوة والبلد
بس رئيسكم سافر للفكى بالطيارة
عدييييل كده

سيد البلد بقي ما برضي بالاتنين بقي ضربو خمسات
انا خائف الدوره التانيه الفلسطيني زاتو يجدع مع الجماهير سجلو ليهم واحد جدعتو من القون تفلق المعز