بسم الله الرحمن الرحيم
الحمد الله الذى جعلا مسلمين والصلاة والسلام على نبى الهدى
الهدى للمتقيييين
تفرح القلب الحزين
فيها اذان ماااااغفل
فيها صلاة غير كسل
فيها راتب كالعسل
فيها ماتحب نفسك
فيها حل المشبكة
كما قال ود البشرى
الموضوع : ــ مهم مهم مهم جدا
الى كل من عاش بين ترعة الهدايا وترعة معاشا الى من لعب الكرة والتوة ولعب شدتة والشليل فى ارض الرحمة والهدى ولمن درس بمدارس (أ) و(ب) مع الناظر الفاضل عمر (ود الفكى عمر ) ولمن درس بمدرسة الهجرة والذين درسوا الثانوى بنمرة خمسة الى الذين حاموا فى احياء التعاون والمهدية والبان والمستشفى واخير حى الصفا وبلوك ثرى
الى من درس الجامعات السودانية وغيرها الى من يجرى فى دمه احب الهدى واهل الهدى جميعا ندعوكم لحضور الاجتماع المهم جدا بقاعة وزارة الرى فى يوم الاحد الموافق 25 /7 /2010 م الساعة الخامسة مساءا وذلك لمناقشة امور تهم الهدى واهلها جميعا
لاهمية نرجو الحرص على الحضور
ان الله لايضع اجر من احسن عملا
تزكرة : ـــ نرجو من يتطلع على هذا الاعلان ان يشيل هم الدعوة اليه
لستفسار الاتصال على الارقام الاتية 0912441541 او 0122473539

بإذن الله سنكون معكم حضوراً وجدانيا
ولو تكرمتو ودخلتونا عبر النت تكونوا ما قصرتو
نسأل الله أن يوفقكم ويسدد خطاكم

باذن الله كان الله مدا في ايامنا وبقينا شداد بنجي تب
وربنا اوفق

اولا نرحب بالأخ حسبو
وتانيا اول دخلة ليك كانت عظيمة ولذيذة ومفيدة
الاجتماع دة اختبار حقيقى لأولاد الهدى فى السودان عامة وليس الخرطوم فقط
كنت داير اقول لى اخونا علاء الدين جوبا داخل السودان لكن سكت عشان القاهرة اقرب من جوبا ما داير أفضح نفسى
المهم شدوا حيلكم وهذه الدعوة فقط خليك من الاجتماع نفسه انا شخصيا اقدرها لك جدا ونتمنى ان يتم هذا الاجتماع بدون غياب اى زول خاصة فى الخرطوم ولو الشباب فى الهدى من يستطيع الذهاب يخترع ليهو اى شغلانة فى الخرطوم عشان يحضر
واقترح بهذه المناسبة ان يفتح بوست لحصر اولاد الهدى بالخرطوم ومحاولة معرفة عناوينهم وتلفوناتهم
لك التحية مجددا ومتابعين معكم بكل لهفة وشوق [center]

لك التحيه ود الخزين
قال الشاعر (اكثر السحب في المجئ الجهام )
وبالمره في الاجتماع ناقشو موضوع الباشمهندس علي شنبو
دمت ودامت بكم الهدى

الاخ ود الخزين الاجتماع مهم جدا لكن نعتزر ليكم ظروف العمل ما بتسمح لينا السفر والله الخرطوم ما بعيده انتم عارفين الحاصل
نرجو منكم مدنا بثمرته نحن قلوبنا معاكم
وفقكم الله

اخونا حسبو ,قلوبنا ,جيوبنا وسيوفنا معكم سيروا انتم ناجحون لانكم مخلصون.اتتنا الدعوة الكريمة من اختنا الخلوقة مسرة.

الاخ حسبو وكل الاعزاء بالسودان لكم التحيه وانتم نضعون الهدي في المقدمه دائما
ونحن معكم قلبا وقالبا
واتمني لكم التوفيق في مسعاكم
واضم صوتي مع العزيز عماد (امكانية التواصل on line)
تحياتي

الحبوب الخزين
المشاركات في البوست ضعيفة
على الرغم من نشره على جميع المنتديات
لكن الجماعة جايييينك هناك إن شاء الله ، إن شاء الله
اللمة عندكم هناك في وزارة الري محك حقيقي
بإذن الله موفقين وغرضكم مقضي
الخير والبركة في البغبر رجليه وياصلكم
اللهم وفقهم

السلام عليك
اخى حسبو

اسدى لك شكرى وعرفانى
تقديرا لفضلك وعطائك وانت اهل العطاء
وببذلك وجهدك صرت مفخرة لنا
واسأل الله ان يحفظ الهدى
واهلها ويجمعهم على كل
عمل يخدم مجتمعهم الفاضل


وسوف اكون حضورا باذنه تعالى


ودمت رمزا للهدى

الأحباب الكرام
السلام عليكم ورحمة الله
ناس الهدى جايين للاجتماع خصوصي بي عربية
وكمان حسب ما ورد لي من معلومات أن
الاجتماع منقول أونلاين يعني حي على الشبكة
أرجو من جميع الإخوة المتابعة عبر النت
والتفاعل والمشاركة بآرائكم hooooooot
كما أرجو من الإخوة في إدارة المنتدى
العمل على توثيق هذا المؤتمر الهام[b]

الاحباب اهل الهدي السمحين
سلام وتحية
قد غبت عنكم بسبب اسفاري الكثيرة ومتقطة
مابين ابوجبيهة والجنينة واويل وتلودي
ضعف الشبكة وضيق الوقت حرمني من التواصل معكم
فقد فاتني الكثير....
وجيت ولقيتكم اكثر ايجابية واصرار من اجل ان تكون
الهدي كما نحلم ان تكون ..
وذلك بدخول المنتدي القابضين علي الجمر
والمبادرين بعد دخول ناس جوبا
فمرحباً الكناني
ومرحباً الخزين
ومرحباً بالقادمين في القريب العاجل
ليكتمل العقد
وليتجمع الشتات في الهدي الواقع والافتراض
فقدوم الخزين باين من عنوانه
الجد في محل الجد
وتجسيد الفكرة لواقع ماثل الان
ليس في قاموسه تاخير الامر للغد
سابذل قصاري جهدي لاكون في الموعدوالموقع
انشاء الله
ربنا يوفق والسايقة واصلة
ودالامين

أحبك الله يا ودالامين
حمداً لله على سلاماتك
وياريت لو كنت مستقر
عندما أن دخل الدينمو ود الخزين
وأعلن للاجتماع الهام في المشاركة رقم واحد له
يعني أمسك لي واقطع ليك يا قول السني
كنت أرجو منك أن تحرك الأخوان بطرفك
هسه ما فات شئ الاجتماع عليه ساعات كمان
حاولوا أنجزوا ما يمكن إنجازه
وما تحزلوا ناس الهدى الجايينكم بي عربية أو عربات من هناك
على العموم كل بسعته وطاقته القصوى
والتوفيق من عند الله