احبابنا رواد المنتدى

الاعضاء الجدد

شنو ياجماعة كل يوم ترحيب وماشايفين حاااااجة

الفكرة فى المنتدى دا انو الناس تتلاقى وتستفيد من بعض

من خلال مساهمات الجميع

يعنى نعدى يومنا كلو ترحيب

وفى النهاية مافى اضافة جديدة

يلا ياحلوين

همتكم معانا

عشان نلتقى

ونرتقى بافكارنا

وبهدانا

الأخ عبدالرحمن مدثر
السلام عليكم ورحمة الله وبركاته
نشكرك على التنبيه , لكن أنا زعلان ليه ما رحبت بى؟
تحياتى لآل مدثر بالخرطوم والهدى

تسلم ود مدثر ياملاحيظ انت
لكن مهندسنا العامر الامين ده
ماتتصور فرحنا بيه كيف لمجرد دخوله لما له من علم ومواضيع ثرة وشفت الدخلة القوية الازهلتك وبكمتك
تبكمت معها باقي مواضيعه
ياباشمهندس فِك المواضيع الجميع في ترقب لكلماتك
واراءك
بعد ترطيبة تحت توتيل وفنجان جبنة بي شمالو يسوى الدنيا بي هالو بتكون زبطت الراس بالحلال يلا تقوم تطلع لينا من تحت الطاقية موضوع قوي كما عهدناك

الأخ عادل خيارى
السلام عليك ورحمة الله وبركاته
ربنا يحفظك فى بلد الغربة وتعود سالما وغانما
والله أنا تعلمت من هذا المنتدى الكثير وكان خير أنيس لى فى كسلا ,لم أجد فرصة فى الإنترنت إلا وزرت المنتدى أولا ثم بعد ذلك أبحث عن المواضيع الأخرى
فأشكرك على العبارات التى كتبتها وعلى جهدكم فى لم شمل أبناء الهدى

الاخ ابو مزن
بالمنتدي الاسلامي كتبت مواضيع كثيره ومهمه ولم يمر عليها احد وهي لها قيمه واذا كتبنا كثير شكيتو من كثره المواضيع وانا مشترك في منتدي المنتدي العام به اكثر من15700 رساله .

وووين الناس البنرحب بيهم

دايرين همة ونشاط وحيوية

يجوا جاهزين بعامودهم



ابوريان ياحبوب يانحلة المنتدى التى تهدينا شهد الحروف

انا قصدت بانو الناس البنرحب بيها مفروض ترد .. وتكتب

وتشارك برايها .. وتدينا افكار جديدة