الاحباب الاعزاء
السلام عليكم
متعكم الله بالصحة والعافبة
هذا البوست نفتحه ليستعيد كل منا ذكرياته فى الحياة
الذكريات السعيدة والحزينة
والمواقف الطريفة والصعبة
والمقالب..والمشاهد..
عشان نطلع شوية من الروتين..والملل والضيق..
ونفك الدبرسة..ونضحك ونفرفش..
وببدا ليكم..انا
اذكر فى اول يوم مشيت فيهو الخلوة..خلوة الفكى بدر التمام
وهو والد..زوجة عمنا الحاج مصطفى
الفكى ماشاء الله..رجل ابيض ونظيف الملابس
المهم من اول يوم..مشيت ..
اشاكلنا انا وبابكر مصطفى..
وكل يوم نحمر لبعض..
ومرت الايام..وافترقنا..
والتقينا.. فى المدرسة..فى سنة اولى ابتدائى..الوقت داك
كانت يسموها المدرسة الاولية
المهم الايام الاولى..برضو جونا متوتر
خاصة بعد ما بابكر بقى الالفة
وانا كان الناظر عبيد بخت لى الكرسى قدام الفصل
وبقعدنى فيهو
وبحفظ اولاد الفصل القران بالتلقين
وانا طبعا فى الخلوة حفظت كتير
على يد الفكى بدر التمام والفكى عبد الرحمن والفكى حمزة
يعنى لما جيت المدرسع كنت جاهز
المهم..انا وبابكر بقينا اصداقاء..وكمان مصطفى البخيت.. وحمزه العوض
وكسبت اصدقاء من الفريق داك. .ونلعب مع بعض
واستمرت العلاقة بكل الحب والاحترام..لليوم ده
والجميل فى الموضوع انو فضل اخوى تزوج سعاد مصطفى. اخت بابكر
وانجب منها ..وبقيت انا عم لمحراب وملاذ..وبقى بابكر خال ليهن
يعنى بقينا اهل..والحمد لله
وربنا يديم المحبة بين الجميع

الذكريات يا حليله
من الجميل جدا ان تكون لك ذكريات
ومن الاجمل ان تكون جميله
اما بعض الذكريات فى وقتها قد لا تكون
جميله وبمرو الوقت قد تكون اصبحت جميله
يعنى كثير من الاصدقاء اول علاقتهم
كانت عداوة وبمرور الزمن اصبحت
علاقة صداقة حميمة
ويا محبة بعد عداوة
حاجيكم بى رواقه

شكرا يا هندسة على المرور
الذكريات فى الاغانى السودانية لعا حيز
وشكلت قدر من الوجدان السودانى
الكابلى
ويجرى مدمعى شعرا انا ابكيك للذكرى
زيدان
ذكرياتك دائما امامى صورة حية لغرامى
الشفيع
الذكرى للانسان اجمل اشارة
ابو داؤد
اوتذكرين صغيرتى او ربما لا تذكرين
عثمان حسن
اتذكرى عهد لقيانا ويوم الفبلة السكرى
وكيف اناملى الحيرى تداعب خصلة الشعر
التاج مكى
ذكرنى بعدك انت فرقة ليالى القاش
باقى الطريق بمشيهو خلينى فيهو وحيد
محمد ميرغنى
بذكرك انا والعصارى
نختم بالنو الجيلاتى
وصحو الذكرى المنسية
ودمتم

الاحباب الاعزاء متعكم الله بالصحة والعافية
مما اتذكره ونحن فى المدرسة الابتدائية
ان جاء طلاب مدرسة الهجرة المتوسطة
ودخلوا المدرسة من الابواب والشبابيك
وحدثت وحدثت حركة وضوضاء واختلط
الجميع وخرجنا جمعيا ووجدنا انفسنا
فى موجة بشرية ومنظمة..ونهتف بكلام
نررده مع بعض..وكان..
ذلك اول اضراب او مظاهرة اشترك بها
وذهبنا الى السوق الذى اغلق ابوابه
وطفنا بشوارع الحلة
واتذكر ان ناس الحلة كانوا مبسوطين
جا وفرحانيت..وتكررت مسالة المظاهرات
واصبحنا نعلم بها قبل ان تحدث..مرحلة التخطيط
ولما بلغنا الصف السادس..قمنا باضرابين فى السنة
واحد تضامنا مع طلاب جامعة الخرطوم
والثانى رفضنا الذهاب مع بقية طلاب المدرسة
للقيط القطن..وقد تعرضنا فيه للعقاب
من الناظر الفاضل عمر وبقية الاساتذة
ولكن رغم الجلد كنا فخورين باننا تحدينا
الادارة ونفذنا رغبتنا..فى عدم الانصياع
للمدرسة فى كل شئ
ونواصل

هذه الذكرى نخص بها الدكتور الصديق المحبوب جدا
صديق محمد المهل...
اذكر ونحن فى حنتوب الثانوية
وانا مولع بالمريخ جدا..وكذلك الحبيب الدكتور
كانت الاستعدادات جارية لمباراة جوبا الشهيرة
وكان المرخ قد سجل سامى عزالدين وعماد العمدة والطاهر هوارى
وكنت قد شاهتهم كثيرا وهم يلعبون فى مدرسة الهوارى
وتمنيت ان اشاهدهم بشعار المريخ
فاقترحت على الحبيب الدكتور ان نذهب لمشاهدة التمرين الخير
وكان يوم خميس..ركبنا من مدنى الساعة12 بص ابو رجيلة
كانت رحلة طويلة وجميلة..تخللتها روح الدعابة والمرح
وصلنا عند المغرب..دخلنا على الاستاد
لقينا فتحى فرج الله وعبده ساتى
شايلين حقائبهم ..سلمنا وسالنا عن التمرين
قالوا انتهى..كانت صدمة وخيبة امل
وتجولنا بين الترابيز فوجدنا سليمان عبد القادر..ابواؤود
وكمال عبد الوهاب..ومجموعة لاعبين ..
والتقطنا خبر اختفاء الحارس الطيب سند..من النادى
وقد تاكد بعد فترة انه ذهب للامارات..
ثم ذهبنا لحى الامراء وبيتنا مع خال الصديق
واصبحنا ذهبنا الحارة التاسعة لبنت الخالة صفية
ووجدنا اللحمر والصادق خيارى..
ثم ذهبنا الى خالتى شامة فى مرزوق
ووجدنا الاخت بخيت والاخ صديق
ثم ذهبنا فى العصر الى الحاج يوسف حيث
المرحومة سميرة محمد المهل..
وقابلنا المهل هناك..وبيتنا
واصبحنا وقفلنا راجعين الى حنتوب الجملية
التحية عبر المسافات للرجل الخلوق الحبيب صديق المهل
وذكرياتنا معه لا ينضب معينها
ولقد هاتفته بالامس..وتونسنا وشبعنا ضحك..كالعادة

كم وكم فارقنا ولا زلنا نفارق ونفارق ونأمل باللقاء جميل ذاك اللقاء الذى يأتى مباغتا فلا ندرى كيف نحتفى به ألا هو لقاؤنا بأحبتنا فى المنتدى بعد مافقدنا الامل فى لقاءهم ها نحن نجتمع ونتلاقى ونتسامر ونتشاور ونتحاور ونتعارف ونتصادق بعدما كانت الذكريات هى الصديق 0
لكم كل الود والتقدير الاخوة الادارين والمشرفين والاعضاء على هذا الصرح العظيم .
الحب والاحترام لكم وكل سنة وانتوا طيبن

الحبيب العزيز ابو محمد
لك التحية . وأنت بهذا البوست تهيج وتصحي الذكري ..الجميلة أيام اللهو الطفولي الجميل .. أنا أسميها ايام الزمن الأخضر .. وعبرك التحية للإنسان الرائع الفي الوجدان دائما وأبدا الأخ الحبيب الصديق الصدوق الصديق محمد المهل . ولي معه ذكريات وذكريات لا تنسى .
كنت ونحن نلعب الكرة .. تعرضت لكسر في اليد اليسرى .. وأول من زارني من الأصدقاء صديق المهل .. وأول من جاب لي شوربة حمام سخنة لا أنساها أبدا في حياتي .. كما وأن أول زول يخت لي طرادة (25) قرشا واجب تحت المخدة .. يا له من إنسان رائع .. يعنى بالعربى كدا صديق دا مواجبني . أسأل الله أن يديم عليه ثوب الصحة والعافية .. ويقدرنا أن نرد ولو جزء بسيط من حبه وجمايلوا علينا . إنه نعم الأخ ونعم الصديق .. صديق

أجدد لك التحية .. يارجل ياقامة .. يامتمرد من زمان من بدري ..

الزكريات
نزكر شنو ونخلي شنو
يازيادة
هذا البوست
دعوة لكشف المستور
من مسيرة الزول
من والي
وحكاياتنا في الابتدائية مع عبد القادر ودالصيني
وعبدالرحمن حسن وشوقي احمد الامين ومحمد المشرف واخرون
ام حكاياتنا في المتوسطة
والثانوية
والجامعة
عموما سوف نرصد
بعض من بعض من الزكريات الجميلة والنبيلة
لاحقا
لك التحية
ودالامين

الحبيب ابوضاح
لك التحية والود على المرور
وعبر التحية للحبيب الصديق الغالى ود المهل
ونحن ننتظر منك المزيد من الذكريات
مع ابو الروس(سامى حمد)
والصادق حريكة..الصادق احمد عيسى
ووود الشايقى واخرين
الابتدائية
والمتوسطة
وانت ذو عقل متقد
منتظرنك

الاميرة رشا الكنانية
لك الف تحية
شكرا لك وانت تمتلكين كل هذه المشاعر
الجياشة نحو الهدى
وفى انتظار المزيد من الذكريات
حتى لو ذكرت الاسماء لا غضاضة
فنحن اهل
والاسماء تيقى
فاكهة الذكرى
واحتراماتى(دى نقلناه منك)

الحبيب الغالى ود الامين
لك التحية
انت حياتك كلها
ذكريات
ابدا من وين ما تبدا
المهم ابدا
وماتنسى ذكرياتك
مع جدك احمد ود عبد النبى
وانا لى معه الكثير
حكى عمى عبد الله فى اجازتى الاخيرة
ان ود عبد النبى
جاهو داير لى شولات قطن فاضية
اكبس فيها قطنو لغاية ما اجيب من المكتب وارجعن
عمى قالى قلت ليه والله ما معاى(طبعا عمى صمد )
قالى مشى لابوك
وابوك اداهو
قال جانى راجع
قالى والله حقو نغير اسمك
نسميك عبد الباقى
ونسمى عبد الباقى عبد الله
(عمى مسمنو على خالو الناظروابوى مسمينو على عبد الباقى المكاشفى)
عمى قال ليهو عبد الباقى مسمنو على زول هين مسمنو على المكاشفى
ودعبد النبى قالى
( ما بلحق الناظر)
ونحن فى انتظارك

لك التحية وزيادة يازيادة
الانسان دائما لديه النزعة لكى يعيش داخل السياق الاجتماعية التى تحلوا له دائما
ويكون دائما فى ترحال سواء فى الدراسة او فى الوظيفة او الحياة الاجتماعية
وحديث الذكريات لاينتهى لانه زيادة حياة
والكريات هى وجوه وعناوين
ولنا لقاء