انت ياعبدالصمد ما قلت لى ناس الادار ديل قالوا عايزين يشكلوا لجنة رباعية من الاعضاء تقوم بمراقبة المنتديات وتقييم المواضيع والمداخلان.
والله يا دفع الله اخوى اصلوا ناس الادارة ديل العبُ عليهم كبير وهم والله ما مقصرين ابدا لكن امكن تقول عايزين يقسموا الفرص على الاعضاءلاشراك اكبر عدد من الاعضاء ولا شنو يا دفع الله اخوى والله ياعبدالصمد كلامك باقى لى فى محلو لكن كدى نحنا نشوف راى الاعضاء الموقرين شنو يلا يا احبابى العزاز افتونا فى الكلام دى ::

اعترض بشده لمراقبه ردود الاعضاء
ده زي رقابه الحكومه علي الصحف
ماتقول لي في فرق
مافي
رقابه ياها رقابه

ترفض او توافق هذا حق من حقوقك المكفولة لك كعضو من اعضاء المنتدى وهذا اصلا موجه للاعضاء وحتى لانخوض فى حديث لا ينتهى مافى داعى للمغارنة

زائر كتب
"ا عترض بشده لمراقبه ردود الاعضاء
ده زي رقابه الحكومه علي الصحف
ماتقول لي في فرق
مافي
رقابه ياها رقابه"
اولا المنتدى يحمل اسم الهدى فهو منبر اجماعي ثقافي يجمع ابناء المنطقة للتعارف والتواصل ومناقشة هموم المنطقة و الحكومة جهاز تشريعي وتنفيذى يشرف علي سياسات الدولة بعض النظر لمن يحكم اذن ليس هناك مجال لمقارنة المنتدى بالدولة والحكومة تراقب كل ما ينشر لان لها اهداف وبرامج فهي اذن تراقب من اجل فرض هيبتها وكذلك المنتدي يطلب الاعضاء فيه مراقبة المواضيع لان ماينشر به محسوب علي اهل الهدى ,اما قول صاحب البوست : من حقك ترفض وتوافق . نختلف معه اذ ليس من حقك ان ترفض شئ يطلبه اهل المنتدى فانت ضيف كريم ان قبلت ما نكتب لك الحق ان تشاركنا النقاش تفيد ويستفاد منك وان لم يعجبك ما نكتب فالمنتديات كثر فتخير ما تفرض فيه افكارك وليس لك حق الوصايا علينا او علي منتدى ابناء منطقة الهدى .
واظنك تعرف رأى اهل الهدى في الحكومة فنرجو منك شاكرين عدم جر المنتدى والزج به في مهاترات سياسية فالهدى تحتاج الينا وهناك الكثير ينتظرنا ( وبالواضح ما فاضين للمهاترات وجدل فارغ و مراشقات بالكلام ولا تنتهي ,,,,,)

العزيز صلاح الشيخ لك التحايا الطيبة والتقدير
عشان تراقب للتقييم مفروض يكون عندك أداة قياس ودي مفقودة لكن ممكن الردود لوما التزمت بالموضوعية تحذف لأنه زمن الهرجلة والسفسطة ولى . عايزين الناس تترقى تناقش المواضيع الجادة بمعرفة وعمق وتأسس فهم ،يعني في بعض الموضوعات لازم تقرأ وتبحث وبعد كدى ناقش لكن الحاصل إنه في ردود واضح إنها بتكتب على عجل وكأن الغرض المشاركة فقط ..الشئ المهم كمان إنه الناس لازم يكون أفقهم واسع والحكمة ليست حكرا لفئة دون أخرى فهي كما قال (ص)( ضالة المؤمن أنى وجدها فهو أحق الناس بها)ولكم محبتي دماً

العزيز دوما الصادق خالد لك التحية
ياعزيزى الفكرة اشراف ليس تحجيم مثلا تحويل موضوع الى موضعه المخصص له تعديل اخطاء املائية تنبيه عضو لشىً ما عبر الهاتف او برسالة خاصة واشياء من هذا
مع العلم انو كل هذه الاشياء واقف عليها اخونا عادل ياخى عايزين نخفف على الادارة ونشيل معاها شوية
كل الحب والتقدير لك اخى الصادق

كدى تمام بالتأكيد ومسألة الأخطاء الإملائية دي وقعت لي في جرح ماتتخيل بنزعج قدر كيف لما ألقى خطأ إملائي والله شغال ليكم في المنتدى دا زي أستاذ (عوض الكريم محمد خاطر) الله يرحمه ويجعل قبره روضة من رياض الجنة

سلام حبيبنا ابوسفنجة والاخوة الاامتداخلين
خلال اتصال بيني والاخ صلاح تطرقنا الي المنتدى والذي جمع الاخوة بعد شتات وقرب المسافات وهذه احدى االمحمدات اذ صرنا نعرف اين صلاح واين اولاد موسى واين ود السني الا ان هذا الترايط والتقريب بين الاخوة اشفقنا عليه من الابتعاد اكثر لسخونة بعض المواضيع المطروحة للنقاش والتي يكتبها صاحبها بروح الهدى الطيبة وسماحتها الا ان بعضنا يسئ فهمها ولا اقول بقصد
وقد وصلت عدد من الرسائل المكتوبة والمسموعه للادارة ترجو سحب احدى المواضيع او قفل الموضوع نهائيا وعدم قبول اي مشاركات جديدة
لذا عندما تطرقنا للموضوع اعلاه مع اخونا صلاح الشيخ وصلنا الى هذه الفكرة وهي اني يكون هناك اخوة واعضاء من المنتدى نرى فيهم من الحكمة وادارة الحوارات مايكفي الاخوة من الجدل والذي لاطائل منه ولايثمر الا نكدا
وبعد الاتفاق على اشخاص بعينهم وجب علينا الالتزام بما يرونه مناسبا من قفل او سحب الموضوع نهائيا

تمام ياسيد صلاح انا اقترح للجنة الاشراف على المواضيع
نبدأ بأخونا الصادق الشريقاوي لانو اون لاين يمكن يرد لينا سريع
والصادق الشريقاوي صقلته تجارب اركان النقاش والصدام في الجامعه
فعرف حدود النقاش ومتى يكون النقاش مثمر او غير ذلك
هل من مثتي

هيثم إبراهيم محمد الشيخ كتب:

زائر كتب
"ا عترض بشده لمراقبه ردود الاعضاء
ده زي رقابه الحكومه علي الصحف
ماتقول لي في فرق
مافي
رقابه ياها رقابه"
اولا المنتدى يحمل اسم الهدى فهو منبر اجماعي ثقافي يجمع ابناء المنطقة للتعارف والتواصل ومناقشة هموم المنطقة و الحكومة جهاز تشريعي وتنفيذى يشرف علي سياسات الدولة بعض النظر لمن يحكم اذن ليس هناك مجال لمقارنة المنتدى بالدولة والحكومة تراقب كل ما ينشر لان لها اهداف وبرامج فهي اذن تراقب من اجل فرض هيبتها وكذلك المنتدي يطلب الاعضاء فيه مراقبة المواضيع لان ماينشر به محسوب علي اهل الهدى ,اما قول صاحب البوست : من حقك ترفض وتوافق . نختلف معه اذ ليس من حقك ان ترفض شئ يطلبه اهل المنتدى فانت ضيف كريم ان قبلت ما نكتب لك الحق ان تشاركنا النقاش تفيد ويستفاد منك وان لم يعجبك ما نكتب فالمنتديات كثر فتخير ما تفرض فيه افكارك وليس لك حق الوصايا علينا او علي منتدى ابناء منطقة الهدى .
واظنك تعرف رأى اهل الهدى في الحكومة فنرجو منك شاكرين عدم جر المنتدى والزج به في مهاترات سياسية فالهدى تحتاج الينا وهناك الكثير ينتظرنا ( وبالواضح ما فاضين للمهاترات وجدل فارغ و مراشقات بالكلام ولا تنتهي ,,,,,)

سلامات اخونا هيثم
والله مابعرفك لكن بحبك في الله سااااااااااااااي كده
شايفك شابكني منتدي الهدي منتدي الهدي
ياخي مافي زول غالطتك الاسم مكتوب وبالخط العريض كمان في البوابه
والله اهل الهدي بعرفهم لكن رايهم ده هم احرار فيهوانا كلام راي شخصي ياخد الصح والغلط يعني ما الزام زي ما انت فهمت مجرد راي قفط
اما وجه الشبه يعني يا اخوي المنتدي ماهو الا حكومه مصغره واذا كان للهدي فقط فيمكن ان نسكيه منتدي الحزب الواحد هههه كما في الحكومه يعني مانرفضه في الحكومه لابد ان نرفضه في تعاملاتنا . والا فما المعني اذن ان تطالب بفرض قيد علي المنتدي وترفض فرض قيد علي الصحف وفي النهايه كلو ينضم تحت لواء الاعلام...اما المنبر اجتماعي ثقافي يعني للتهاني والتعازي ونشر قصايد الشعر وكفي بالعربي مالوش في السياسه...


وبما ان المنتدي للهدي يا اخ هيثم اذن تاكد مما لا يدع مجالا للشك انه لايمكن ان يكتب فيه ماهو قبيح خلينا ندعو للتعبيير الحر البعيد عن العصبيه يعني ناتقول ده منتدي ابنا الهدي ومادايرين زول من بره والكلام ده ... الا اذا كنت تؤمن بالعصبيه وهذا امر اخر...
دعنا نكتب كل علي هواه اي حسب رايه واافكاره
يعني ماعشان انا قلت ارفض بشده يكون ده فرض راي علي احد لا والعياذ بالله ياخ

اما جر المنتدي للسياسه دي فهي ليس عيبا والمهاترات التي تتحدث عنها هذه فهي في صميم الموضوع يعني مهاتره فيها فكره ما عشوائي سااااااي كده

في النهايه اهل الهدي ومنتديات الهدي وكل الهدي علي العين والراس

اعضاء المنتدى الاعزاء بعد التحيه بعد ايقاف خدمه الماسنجر في الهاتف النقال (البلاك بيري) في الامارات وبعدها السعوديه اكيد كان في استخدامه اشياء خاطئه لكن منتدى الهدى منتدى حب وترابط واخاء لو تطلب الامر اجراء رقابه على المنتدى اقترح ان يتم عن طريق تصويت الاعضاء في المنتدى ويا ليت مايكون التصويت زي التصويت في الانتخابات السودانيه الاخيره

الاكرم موسى خالد لك التحية ولكل الاخوة في بيشة
الموضوع كما ذكر الاخ ليس مراقبة ولكن اشراف حتى اذا احتدم النقاش في امر ما تدخلت لجنة الاشراف لتدلو بدلوها حتى تحسم الامر في الموضوع المعني من سحب او اغلاق او تنبيه المتحاورين الي مافيه مصلحة الموضوع والمنتدى حتى تتفرق بنا السبل ونحن احوج الى التلاحم والتعاضد
ونعود احباب زي ماكنا
فبعد موافقة اخونا الصادق الشريقاوي مشكورا نرجو ترشيح من هو اهل للمهمه

موسى خالد كتب:

اعضاء المنتدى الاعزاء بعد التحيه بعد ايقاف خدمه الماسنجر في الهاتف النقال (البلاك بيري) في الامارات وبعدها السعوديه اكيد كان في استخدامه اشياء خاطئه لكن منتدى الهدى منتدى حب وترابط واخاء لو تطلب الامر اجراء رقابه على المنتدى اقترح ان يتم عن طريق تصويت الاعضاء في المنتدى ويا ليت مايكون التصويت زي التصويت في الانتخابات السودانيه الاخيره

سلامات حبيبنا موسي ازيك وكيف حالك
قلت لي داير انتخابات حره ونزيهه زي الانتخابات السودانيه مش
النوع ده من الانتخابات اسال منو عادل انت بس قول ليهو النسبه اللي دايره كم وبفصلا ليك علي طلبك
وثم تاني الموضوع اذا ماعجبك طوالي باسم الرقابه تفلو يعني مافي نقاش تاني بستمر اكتر من خمسه دقايق... لا لا لو الموضوع ساي ماعجبني بس اقول ليك فيهو اختراق لقانون الرقابه وهاك يا غلق لكن لو داير تقفل الموضوع من اول مره تعال اكتب في حزب الامه لا لا لا ده موضوعك هنا احتمال يحذف تتكلم يقولو قانون المطبوعات اقصد قانون الرقابه... سمعت بمقوله حق اريد بها باطل دي بس ياهو ذاتو قانون الرقابه ده..وقانون مقنن كمان يعني فيهو لجنه واشراف والغرض واحد في النهايه التضييق علي المشاركات ....ز

اهلا وسهلن اخونا موسى خالد
انتخابات ايه يا عمى الموضوع فى غاية البصا طة على العموم نشكرك على المداخلة

الا الفاضل عادل عبدالرحمن
عزيزى لقد علمت تماما علم اليقين بأنك خير الاداريين وان صدرك بحجم بلدك حبا واكبر وبحجم اهلها هموما ثقالا واكثر ايها العزيز لله درك رجل عامر بالايمان صدره وبالحب قلبه وبالعطاء يداه .
لقد شرحنا بما فيه الكفاية لموضوع الاشراف على المنتدى لا ادرى لماذا بعض الاعضاء ساء فهمهم لهذا الامر هل هو قصور منا فى توصيل المعلومة ولا دائما نحن ننظر للامور بعين السخت استميحك عذرا ان ضاق صدرى قصبا عنى .
لك كل الحب والتقدير عزيزى عادل

نؤ يد بشدة فكرة مراقبة المواضيع ليس من أجل فرض قيود علي أحد أو تحجيم المشاركات ولكن من أجد تجويد الأداء وتقديم الأفضل واقترح البداية بالمراجعة اللغوية للمواضيع وبصراحة المنتدى يعج بالأخطاء الإملائية التي ترد من غير قصد و الأخطاء النحوية التي تغير في المعنى و من ثم يأتي دور تقيم المشاركة حتي لا ينحدر المنتدى الي السلبية و المشاركة من أجل المشاركة فقط

الاخ ودهنونه
تحيه لك وللاخ ابو الطيب وكل الذين شاركو
انا اوافق علي اختيار الاخ الصادق
فاهميين قصدك ياعم



______________
لله الحمد والمنه

اخونا هيثم لك التحية على الملاحظات الدقيقة وبالنسبة للاخطا الاملائية غالباً اخطاء كيبورت وناتجة عن السرعة وعدم المراجعة ارجوا من الاخوة التريس والمتابعة

اخونا بلال ود المامون ما انت دائما فاهم ونحنا معاك فى اختيار الاخ الصادق وبنضيف اخونا عبدالرحمن مدثر لسهولة التواصل معه والراى للجميع

ده كلام جميل يعني شغل اهلي مش رقابة بالمعني الحرفي تنبيه ترتيب تهذيب واسطة ترطيب وتلطيف الجو هدنه حاجات من النوع دا منتدى صغير صاح جا بسنونو لكن التروي مطلوب والله انو بصايرنا
احييك ودالشيخ وعادل ونؤيد الشريقاوي لهذه الجسيمة

نحنا ناس بنعيش حياتنا الغالية بالنية السليمة
اهلا بيك اخونا كباشى مواعيد الاجازة جات تب بجيك ونمشى زيارة لاخونا حسن اسماعيل ونبارك ليهو لكن ما تسألنى نبارك ليهو شنو لحدى ما اجيك

صلاح الشيخ كتب:

نحنا ناس بنعيش حياتنا الغالية بالنية السليمة
اهلا بيك اخونا كباشى مواعيد الاجازة جات تب بجيك ونمشى زيارة لاخونا حسن اسماعيل ونبارك ليهو لكن ما تسألنى نبارك ليهو شنو لحدى ما اجيك

ياود الشيخ ماتخلي الطماطم تنضج اول حاجه