في دكان غازي خياري جا شيخ الدين محمد عبدالفضيل البنك الزراعي قال اتصل بيهو صلاح السنوسي وقالي نحن قرينافي النت انو في نفرة لمدارس الهدي ونصيب الموظف 50ج مرسل في حسابك 100ج انا ومحي الدين من نيالا نصيبناسلموا لي ناس النفره .
بكيت من غير مايحس الموجدين كلام عملي ودفع معنوي ماعادي نحن دايرين نماذج زي دي ودا تاريخ والتاريخ مابرحم اي زول يراجع حسابو ويعجل بنصيبو من الضريبة

دائما كلمات الشكر والثناء تكون فى غاية الصعوبة ربما انها تشعرنا دوما بقصورها وعدم ايفائها من نهديهم هذه الاسطر
واليوم تقف امامنا الصعوبة ذاتها ونحن نحاول صياغة كلمات شكر وتقدير للاخوين العزيزين جدا صلاح السنوسى ومحى الدين عبدالله عبدالجبار
رحلوا عنا ولاكن ارواحهم معنا
رحلوا عنا وقلبهم يتدفق شوقا وحنينا لنا
رحلوا عنا ولكن هم دائما داخل دواخلنا الذاكرة دوما لهم لوجودهم فيها ولو لا وجودهم فيها لكانوا فيها وحتى لا اخوض فى حديث لا ينتهى بكلمات عادية وانسى ردف شكرى لهم اقول للجميع ان للتميز اهله وكفى
شكرا اخى كباشى

شكراً العزيز كباشي وبالمناسبة أخونا صلاح إتكيف جداً من موضوع النفرة وكان مفتكر إنه المبلغ شهري شفتوا الاريحية الجميلة وهناك أحد أبناء الهدى الكرام إستقبل الموضوع بترحاب شديد ولكنه إعتذر لي عن الدفع العاجل لأن منطقة عملة لا يوجد بها بنك زراعي وسيجد طريقة لإيصال المبلغ فالحمد لله الهدى لم و لن ترى الجحود من أبنائها أن شاء الله لكم تحياتي

الشكر للحبيب كباشى
والشكر للاحباب الذين تنادوا
ولبو نداء الوطن لهم التحية والتقدير
والكلمات التى ساغها صلاح الشيخ
معبرة وصادقة
ورسمت لوحة جميلة لمعنى الالفة والمحبة
بين الوطن وابنائه

كلام يشرح الصدر بعد فترة انقباضه من الناس الما تحصروا ومن الناس الذين يمروا على البوست وما يشتموا المتخاذلين
سحقا لكل متخاذل عارف

شكرا للفاضل ودالشيخ اتممت وابنت بعد ان عجزت حروفي عن جمع كلمات الشكر والثناء مجددا التحية لصلاح ومحي الدين

نسأل الله سبحانه أن يتقبل منهم ومنكم اخوتي آميييين

الرقيق وصاحب القلم الانيق الصادق الشريقاوي شكرا ودي الهدى وديل اولادا ولو بكلمة ولوبهمسة نقول بنحبك ياهدانا لوقراب جاهزين ولو المسافات بعيدة ماتغيب عن عينا ابدا وانشاءالله تصل المساهمات تباعا

الخال زيادة عبدالباقي لك التحية وانت تحمل الهم ومساهماتك واضحة همتك معانا نكمل حصر المغتربين وايصال صوت الهدى للذين لم يصلهم النداء ليدلو بدلوهم

ودالماحي سلام اناعارف بتحب الحاجات العملية والدفعات المعنوية فرسالة نيالا ابلغ دليل علي نجاح النفره ومن قبل مصر والسعودية والخرطوم وحلفا والطلبة والمدرسين وربات البيوت والتجار وحتى الراعي في سعيتو من جنيه بدا النضمي وتدافع عفوي وياريت ناس اللجنة اول باول ادونا الموقف