يستعد السودان للدخول في شراكة مع إحدى الشركات الفرنسية لإنتاج ألفي ميغاواط من الكهرباء عبر الطاقة الشمسية، وأعلنت شركة "سولر آيوميد" التي يزور وفد منها الخرطوم حالياً استعدادها لتمويل المشروع ومده بالتقانات اللازمة.

وأكد وزير العلوم والتكنولوجيا السوداني البروفيسور إبراهيم أحمد عمر، ترحيب السودان بالتعاون مع الشركات الفرنسية في مجال تقانات الطاقة الشمسية.


وأشار لدى لقائه اليوم مستشار الحكومة الفرنسية مدير شركة "سولر آيوميد" بحضور مدير معهد أبحاث الطاقة وعدد من المختصين، إلى أن السودان بما يتمتع به من حرارة في جوه وامتداد مساحاته الشاسعة وبعدها عن الشبكة القومية في حاجة لتقانات الطاقات البديلة مثل الطاقة الشمسية وطاقة الرياح.


وتطرق الوزير للخطوات التي خطاها السودان في نشر تقانات الطاقة الشمسية واستخداماتها وجهود التصنيع والبحوث الجارية في هذا الصدد. وقال إن السودان بما يتمتع به من مصادر متعددة للطاقة يمثل سوقاً رائجة للشركات المصنعة لأجهزة ومعدات الطاقة الشمسية وطاقة الرياح التي تعمل بها الشركة الفرنسية.


من جانبه، قدم مدير "سولر آيوميد" تقريراً حول مجالات عمل الشركة واستعدادها لبحث توفير التمويل لمشروعاتها بالسودان باعتباره الدولة الأنموذج للاستفادة من التقانات والأجهزة المنتجة.


وأشار إلى إمكانية إنتاج أكثر من ألفي ميغاواط من الطاقة الشمسية للاستخدامات المختلفة بالسودان.

سلام عزيزي منتصر
تشكر على المواضيع المبشرة بشرك الله
[quote ]يستعد السودان للدخول في شراكة مع إحدى الشركات الفرنسية لإنتاج ألفي ميغاواط من الكهرباء [/quote]
لكن بيني وبينك بعد كهربة مروي دي حقو الفرنسيين ديل تبدلوا مشروعهم ده ببترول في الشمال لانو البترول الحالي راح فيها مع الانفصال ده
تشكر تاني عزيزي

يا ابو الطيب البترول راح فيها من زمان لانو الجنوبين بيمدو في انابيب علي المحيط الهندي من خلال كينيا ( يعني لو ما انفصلو حيبيعو براهم)
بلمناسبه الشمال مافيهو بترول قالو فيهو غاز طبيعي (و الله يستر ناس حلفا ما يقولو دايرين ينفصلو )
لك التحيه و مشكور علي المرور و المداخله

مشكور الأخ منتصر

دائما مبدع ومتجدد ومتحفنا بالجديد ..
هل ياتري هنالك علاقة بين إنارة القري الحدودية بين السودان وتشاد وهذا المشروع .

لك التحية .

اخونا طارق كيف حالك واحوالك
انارت القري مشروع مبهج لما الزول يسمع بيهو
لكن الامر لا يخلو من الرصد و المتابعه للحركه في الحدود (( خاصه من جانب فرنسا)) لانها مكلفه بمراقبه الامر بايعاز من الامريكان الماعندهم موطئ قدم في الجزاء ده من القاره الافريقيه و فرنسا عموما عايزه تحسن موقفا مع السودان بعد قرارا بتسليم البشير للمحكمه و العلي اسرو تم طرد الفرنسين من التنقيب عن الذهب في شمال غرب السودان و علي كده يا عزيزي يظهر بوضوح انو الفرنسين عايزين اي طريقه يتواجدو بيها في تلك المناطق
لك التحيه مره اخري و شكرا للمرور و الاسراء