استيغظت فجر يوم على صوت هرة فرابنى امرها
وهمنى همها وقلت لعلها جائعة واعطيتها طعام فعافته
وصارت تنظر الى واثرت فى نفسى منظرها حتى تمنيت لوكنت سيدنا سليمان فى تلك اللحظة لكى افهم لغتها
وكان باب الغرفة مغلق فرايت انها تطيل النظر اليه وعرفت انها تريد فتح الباب واسرعت بفتحه واخذت تعدوا فى سبيلها
انها تفهم معنى الحرية وهنا تذكرت اسرى الاستبداد فى بنى البشر ومن اصعب المسائل ان يكون الحيوان الاعجم اوسع ميدنا للحرية من الحيوان الناطق ..........
ذهبت الاسبوع المنصرم الى الهدى (خميس وجمعة )
وكنت احمل كيس وكان عند هاجس من يجدو معه كيس غرامة 250ج
حاولت اخفيه وامشى بالكتر جوار المدرسة وقال انهم حايمين وعندهم دفار ؛حتى دنوت من البيت رايت بكس امام الباب وبه عسكرى والعسكرى عندو كلاشنكوف فى الحقيقة لاوزت ودخلت بباب اخر وسالت عن ذلك العسكرى قالو لى ديل ناس الموية
يعنى كان عندى هاجس عسكرى الاكياس ووجدت عسكرى الموية
وبمناسبة الكيس اصلا الكيس كان قفة والكفة بقت كيس والكيس منعوه
معناها مافى ملاح
وللمعلومية هذا القانون قانون الكيس مطبق فى الهدى فقط ماالقصد من ذلك ؟لاالعزازى ولا المناقل والحصا...
الا يكون الغرض رواتب للعسكر
للماذا على الهدى فقط ؟
حلال على بلابل الدوح **حرام على الطير من كل جنس
الموية عسكرى والكيس عسكرى وباب المستشفى عسكرى وفى الزراعة عسكرى و؟و؟و؟و؟و؟و؟و؟
الحرية شمس يجب ان تشرق فى كل نفس
من عاش محروما من الحرية عاش فى ظلمة الدنيا وبقى فى ثلاث ظلمات
ظلمة الرحم وظلمةعدم الحرية وظلمة القبر
واصبح فى ظلمات ثلاث

انتبهوا للمطامع البشرية لايسلبوا حريتكم
ودمتم

تشكر يامان علي لفت الانتباه
بس العسكري ده جاء لتطبيق القانون وليس للنهب

سلام شيخ مهند ورمضان كريم
وبعد ده كلو ان شاءالله قضيت خميس وجمعه ممتعات بين الاهل
كلام غريب والله اول مرة نسمع بيه وياريت يكون مطبق لصحة البيئه وليس لجلب عائدات يتم صرفها وتوزيعها بغير وجه حق
طيب العسكري ده او المسؤل منو ده مامشى على السلخانة لو هو فعلا مهتم بالصحة
وحسب كلام ود الشريف حالها لايسر ابدا ودون رقابة

رغم انو الهدف من منع الاكياس نبيل ومتعلق بالبيئة لكن المصيبة الاكبر من الكيس والبوليس الجرائد ياعادل بتاعتك بحروفا وبسملتا ونعيها الاليم شايلين فيها الكمونية والكسبرة وطايره في الكتر والشوك وبيت الادب ،ورمضان كريم ياشيخ مهند لك التحية وللوالد شيخ الامين

لكم التحية احبابنا الكرام عادل /كباشى/حسن
حليل القفة وحليل الكيس ؟
وبكرة تكون حياتنا قبور لاهم موية لاهم نور لاهم قفة
وننسى حكاية القفة وحكاية الموية وكأننا لحظة ماكنا
حليل البيت وهم البيت وناس البيت حليل الدنيا بالفيها وكل الفيها لاماليها لامكفيها
ودمتم احبتى