اشتهر أهلي العوامرة في مناطق الجزيرة بزراعة الطماطم والشطة ..والأنتاج الغزيز من المنتجين المذكورين اعلاه .. بعد تصديرهما للخرطوم ( المركزي ) ومدني والحصاحيصا ..وغالبا مايكون العائد المادي مغري ووفير .. حتى اصبحت موسم زراعة الطماطم والشطة هي مواسم للأفراح والزواج ..
فالزائر للمنطقة في أيام الحصاد يجد البيوت يكسوها اللون الأحمر .. حتى تتخيل نفسك في أمستردام تتجول بين الورود والزهور الحمراء .. وكل ذلك من تعريض الطماطم والشطة للشمس لتنشف .. في الرواكيب وسقف البيوت والبروش وعلى العناقريب .. وذلك لعمل صلصة ناشفة..

ولكن الملاحظ أيضا كلما كثرت الزيجات والأفراح أيضا ظهرت ظواهر سالبة كالطلاق السريع .. سرعة نقل الشتول من الحيضان للحقول .. وكل ذلك لأن بعض الزيجات تتم بسرعة وبدون أدني مقومات للنجاح كالحب مثلا ..
زأيضا بقدر ماهي موسم للفرح والزواج .. افرزت نوعية من الشباب مزواجين يعني أنا أعرف واحد قريب لنا .. هو الآن مع المرأة من زواجه الخامس وهو لم يتعدى ال 30 من العمر .
أكتب هذه الخواطر بعقلية قديمة .. ولكن لا أدري أذا مازالت المنطقة على عهدها من حيث الزراعة والإنتاج .ام تغيرت كما تغيرت مناطق كثيرة في العالم بفعل المناخ وطبقة الأوزون .
ولكم محبتي .
ابو وضاح

سلام حبيبنا طارق رمضان كريم ياشيخ
انت ياطارق ح تجوع ليك زول بالطريقة دي والدنيا رمضان مرة جايب لينا سلطة اسود
واسة طماطم وشطة ياربي طارق داير يعمل ليه مطعم وبعمل في جس نبض لذوق الزبائن طيب ماتكمل جميلك وتجيب معاها لفة كسرة عشان تبقى كسرة بي طماطم
تاكل ماتدي الجنبك
والله ذكرتنا قصة حكاها لينا صديق مساعد والوقت داك نحن في الثانوي العام قام مشى لي اهلو في العوامرة والراجل ماشاءالله حجمو كويس والشنب يعجبك قامو سالوه بعد السلام والترحيب اولادك كيف اخواني كويسين والحمد لله خليهم اخوانك اولادك انت
لا ياحاج انا مامتزوج لسه
اه دي كلام شنو حاج فلان قريب صديق النازل معاه في البيت الجنا تخليه برا عرس لحدي دي الوقت افو مو عيب عليك
اها اجنا اقعد خلي الطماطم والشطة ديل يمرقن حرم نعرس ليك منهن طوالي
الصديق لقى الكلام جادي جدا بكرة من الصباح على الموقف واتخارج
والكلام زي ماقلت كلو بي سبب الطماطم والشطة والعرس السريع اي حسب الموسم
[ندعوك للتسجيل في المنتدى أو التعريف بنفسك لمعاينة هذه الصورة]

ياجماعه واحد يسلفنا خمسه فدان لموسم واحد بس
عشان نزرع لينا شطه وطماطم
والعروس مامشكله ياطارق كدي خلينا نزرع اول
ههههههههههههههههههههههههههه

يا طارق العوامرة الفى طريق الهدى المناقل دى برضو تابعة ليكم شايف هم كمان بتاعين طماطم وشنطة اقصد شطة . يا عادل طرقة واحدة بسوى ليك شنو عليك اللة . ياحسن والله الكلام دا بتنكرو

يا عادل والله الطماطم الجبتها دى امريكية لكن الشطة والصلصة دى حقت اهلى العوامرة والله التقول جبتها من سوق ابوقوتة

سلام حبيبنا ابوعلي
التحية ليك وعبرك للاخت ناهد وقول ليها طال انتظارنا للمنتدى الطبي بي هناك

اقتباس :

والعروس مامشكله ياطارق كدي خلينا نزرع اول
ههههههههههههههههههههههههههه

ماتجيب لينا الهواء انت مراقب داير 5 فدان ممكن ناس طارق ديل يباصروها ليك
لكن التانية دي مامعانا

عادل خياري كتب:

سلام حبيبنا ابوعلي
التحية ليك وعبرك للاخت ناهد وقول ليها طال انتظارنا للمنتدى الطبي بي هناك

اقتباس :

والعروس مامشكله ياطارق كدي خلينا نزرع اول
ههههههههههههههههههههههههههه

ماتجيب لينا الهواء انت مراقب داير 5 فدان ممكن ناس طارق ديل يباصروها ليك
لكن التانية دي مامعانا

هههههههههههههههههههههههههه
ياعادل صلاح الشيخ شابكنا دايرين مراقبين دايرين مراقبين
ما لليوم الزي ده
ياصلاح مماتلقي المدام داخله للشطه والطماطم عطل الحساب طوالي وابعت ليها رساله قول ليها حدث خلل فني ونتمني ان يعالج في اسرع وقت ممكن ... نرجو زيارتك في وقت لاحق هههههههه ههههه
وقفتك بتاعت الطماطم علي انا لمده اسبوع
ههههههههههههههههههههه

رمضان كريم
غايتو انتو بمواضيعكم دى بتجرحو
صيام الناس
لكن لو عرفتو ان سعر كليلو الطمام الايام اغلى من كيلو وربع الفراخ صدق اولاتصدق
الطماطم الكيلو 15-18جنية بالجديد
الفراخ 10-13جنية
غايتو حال
الله يوسع على المواطنين الغلابة بحلول شهر التوبة والغفران
وراجع ليكم

واحد من اهلنا العوامرة موسم واحد بتاع شطة نزل بوكس كتب عليهو بي ورا شطة بس
التحية ليك طارق وللعوامرة

التحيه للطيبين
وليلكم شطه وطماطم
بس ايضا هنالك بعض
الايام السود والماساويه
اذكر مره واحد حمل سيارتين
ووجد السوق مكتظ والحال ماسوف
عليه
وزعها علي الاحياء المجاوره
دمتم


____________
لله الحمد والمنه

الأخ حسن اسماعيل
ياحبيب وين إنت .. انا بتوسط ليك عشان ندنقد ليك نصية .. لكن شكلك كدا ما حتقدر .. تقوم عشان تمسك الموية .. وبعدين الموسم يضيع .. والإنتقال تاني إلا في الموسم القادم يعني زي تسجيلات هلال مريخ ..

ابو الطيب الحبيب

الطماطم دى اكيد الشتول حقتها من عندنا .. وتشبهنا شكلا ومضمونا
وفعلا دى عايز ليها عصيدة حارة وزيت سمسم بس الشطة من الخضراء الفوق ارحم من الناشفة التحت .

صلاح الشيخ ود هنونة

كيف ياحبيب .. طبعا العوامرة الجنب المناقل فرع من الأصل .. عشان كدا بجيدوا الحرفة .تجار طماطم وشنطة اقصد شطة .
بعدين تعال .. أخونا حسن دا هل هو قدر كلامو دا ؟ هل بقدر إركز ..والله بعدين الجقلبة بتحصل .

الحبيب كباشي

شكرا على المرور الرائع .. والشغل كلو كدا وزي دا ماشاء الله موسم واحد .يا عريس او بوكس جديد .

الحبيب عمو على شنبو
لك التحية ..

وطبعا مجنونة ياقوطا .. يوم في السماء ويوم زي القال عليها بلال دي .

الحبيب بلال مامون
لك التحية ..

هي طبعا يوم في العالي .. والسماء ويوم في الواطا ..
وزولك الوزعها على الجيران ربك يخلف عليهو .. وكان ممكن يتعوض منها يسويها صلصة .

انت عارف يا ولدنا ح يكون دى اكبر موسم فرح
لاهلنا العوامرة عارف ليه ؟؟؟
ح اترك الاجابة ليك

وجبه غداء مع اهلنا ناس الربع[ندعوك للتسجيل في المنتدى أو التعريف بنفسك لمعاينة هذه الصورة]

الأخ صلاح ود هنونة
الأخ محمد الطيب إبراهيم

لكم التحية ..

اسعار الطماطم في جدة هنا في إرتفاع خيالي .. إذ وصل سعر كيلو الطماطم حتى تاريخ الأمس فقط أكثر من عشرة ريال (10 ريال سعودي ) .. ولو أهلي العوامرة وصل منتجهم هنا لأصبحوا من الأثرياء .. واصبح بالفعل كما ذكرت الأخ صلاح أكبر موسم للفرح ..
ووجبة الغذاء رائعة يأ ا× محمد الطيب .

لكم التحية على مروركم ..

يا ود مامون الطماطم دى مع اهميتها الاقتصادية

واهميتها الجتماعية فى تسهيل الزواج لاهلنا العوامرة

ما تغنيتو بيها شعرا لشنو؟ زى الباوقة اللذيذ

تفاحا ,وموز الجناين , الليمون سقايتو على ,اسأل

العنبة الرامية فوق بيتنا , لون المنقة, والبرتكان

ياخى انصفوا الطماطم لانها مظلومة اعلاميا

والله كلامك صاح ..
ويجب أن نشحذ الهمم للتغني لها ..
اسعدت كثير من الناس .. غيرت حال الكثير منهم .. فعلا هي مواسم فرح .. وتستحق أن نكتب فيها الكلام المانكتب .. ومظلومة إعلاميا ..

لك التحية ياود التلب .. يارائع

يا طارق سلامات

أها بعد البترول بتاعكم دا يطلع ..

تانى الطماطم بتنافس .. ؟؟

وليد التلب كتب:

يا طارق سلامات

أها بعد البترول بتاعكم دا يطلع ..

تانى الطماطم بتنافس .. ؟؟

التحية للأخ وليد

قلنا نرد عليك .. لأن بعدم الرد تجف المواضيع

هههههههههها

رفعنا هذا الموضوع لإرتباطه بالبترول وهو حديث الساعة الآن

هل البترول نعمة أم نغمة موضوع بوست الأخ عادل