الرحمتات هي ضبيحة في اخر جمعة في رمضان وفيها الناس توسع على رقبتا شوية
بان يتم الاشتراك كل مجموعة في الحلة لشراء بهيمة وذبحها وتقسيمها بينهم
الرحمتات مشتقة من كلمتين الرحمة تأتي

رايكم شنوا نشترك لينا بهيمة ونتبحه الجمعة الجاية

ونفطر بيها مع عوض خياري في فطور الضرا

ثواب هذه الضبيحة يعود للميتين من اهلها
علي ما اعتقد

والرحمتات كعادة مرتبطة برمضان يجوز إنها في طريقها إلى النسيان
ولكن التراحم بين الناس لا يندثر والرجال والنساء الخيرون لا يفتئون يلدون أمثالهم
ولكل زمان عاداته وعوايده

يوم الرحمتات دا يوم عجيب ما تحس فيهو بالصيام ابدا
بل العكس تحس بروحك شبعان شبعة شديدة
من الصباح ضبح وسلخ وتقسم كيمان والضبان انوني
والواحد انهر واحاحي في الجداد
والعجب العجيب كان جات الحدية
كف تشيل نص الكوم
والجدادة جنبها تسوي كاك قائلة الحدية شالت سوسيوا
غايتو اليوم دا الكلاب تشبع شبع
ااه اه اة اة اة اة اة اة اة اة اة اة اة ا
زمن لا يعود ابدا

المبارك انت نسيت ولاشنو
الرحمتات في اخر خميس
وليس الجمعة0
ع العموم رمضان كل ايامه
رحمة0
وانا منتظركم في الضرا
ماتتاخروا لانو حاننتظركم
لي اذان العشاء0

الاخ مبارك سلام
الرحمتات اخر خميس
من شهر رمضان
وهناك اختلاف حول تمييز يوم بعينه للرحمة باعتبار كل ايأم رمضان رحمة وفي الخليج يحددون منتضف رمضان وهناك من يحذد اخر جمعة وتسمي الجمعة اليتيمة
ويقولون الرحمة تات تات
اي الرحمة جات

ماتنسونا فى البهيمة دى
حقنا عايزنز ناشف
رسلوه بالبريد

يا عوض ومضوي ما اختلفنا في اليوم .
المهم الضبيح والسليخ والكسير.
كورة الطلص المكتوب عليها رمضان كريم شايلنها الشفع لي.
بيت بيت زنقة زنقة
شبر شبر دار دار
يوزعوا في اللحمة

يا صديق الماحي اللحم ممكن نرسلو ليك ناشف((شرموط))
لاكن الكبدة والكرشة والفشفاش ديل انشفوهم كيف طبا ديل اهم حاجة في كوم الرحمتات لازم اصلوك فرش
مودتي

لذيذ يا الباسم نظراتك على ...
الظاهر نحن إتأخرنا ولم يفضل لينا إلا الراس وخلوهو نييييييفة بالله عليكم

يوم الخميس سنستعيد ذكري الرحمات
ونحاول نرحمت فرادي
يعني الواحد علي حس الرحمتات يفتش ليهو طريقة لمرارة
ويخلي نفسه عايش علي جو اللمة في السودان
لكن الطعم ما بكون يا هو نفس الطعم
علي العموم ناس الداخل نكهة رحمتاتهم غير