[size=12]ﻤﺒﺎﺭﻩ ﺍﻟﻤﺮﻳﺦ ﻭﺑﺎﻳﺮﻥ ﻣﻴﻮﻧﺦ
ﺍﻷﻟﻤﺎﻧﻲ
ﻣﺠﺎﺩﻋﺔ ﺷﻌﺮﻳﻪ ﺑﻴﻦ ﻭﺩ ﺍﻟﺒﺸﺮﻯ ﻭ ﻭﺩ
ﺍﻟﻤﺠﺬﻭﺏ
Ahmed Bushra
ﺍﻟﺨﺒﺮ ﺍﻟﻌﺠﻴﺐ ﻓﻮﻕ ﺍﻟﻤﻨﺎﺑﺮ ﺳﺎﺭﻱ
ﻣﺮﻳﺦ ﻧﺎﺱ ﺟﻤﺎﻝ ﺣﻴﻼﻋﺐ ﺍﻟﺒﺎﻓﺎﺭﻱ
ﺍﻟﻔﺎﺭ ﺇﻧﺸﺮﻁ ﻣﻦ ﺍﻟﻀﺤﻚ ﻗﺎﻡ
ﺟﺎﺭﻱ
ﻭﺍﻟﻌﺠﺐ ﺍﻟﻜﺪﻳﺲ ﺍﻟﻠﻴﻠﺔ ﻗﺎﻡ
ﺳﺪﺍﺭﻱ
Ahmed Magzoub
ﺍﺑﻌﺪﻱ ﻳﺎﺥ ﺑﻌﻴـﺪ ﻳﺎ ﻧﺠﻤﺔ ﻭﺍﻋﻤﻠﻲ
ﻓﺎﺻـﻞ
ﺍﻟﺒﺎﻳﺮﻥ ﺧـــﻄﻴﺮ ﻭﺍﻟﻜﻮﺭﺓ ﻋﺎﻳﺰﺓ
ﻣﻔﺎﺻﻞ
ﺍﻟﻔﻴﻞ ﻃﺎﺭ ﻋﺪﻳــﻞ .. ﻟﻤﻦ ﺳﻤﻊ
ﺑﺎﻟﺤﺎﺻﻞ
ﺍﻟﺴـــــــﺴﺘﻢ ﻭﻗﻊ .. ﺭﺳﻤﻴﺎ ﺍﺻﺒﺢ
ﻧﺎﺻﻞ
Ahmed Bushra
ﻛﻀﺐ ﻏﺎﻳﺘﻮ ﻣﺎ ﺃﺻﻠﻮ ﺍﻟﻜﻀﺐ
ﻣﺠﺎﻧﻲ
ﺑﺲ ﺧﻠﻴﻬﻮ ﻛﻀﺒﻚ ﻣﻨﻄﻘﻲ
ﻭﻋﻘﻼﻧﻲ
ﺻﺎﺣﺒﻨﺎ ﺍﻟﺤﻤﺎﺭ ﻳﻤﻜﻦ ﻳﻐﻨﻲ ﺃﻏﺎﻧﻲ
ﺑﺲ ﻣﺮﻳﺨﻨﺎ ﻛﻴﻒ ﺣﻴﻼﻋﺐ ﺍﻻﻟﻤﺎﻧﻲ
Ahmed Magzoub
ﺍﻟﺒﺎﻳﺮﻥ ﺧﻄﻴﺮ ﻓﻲ ﺍﻭﺭﺑﺎ ﺧﺮﺕ ﺍﻟﻜﻞ
ﺿﺮﺏ ﺍﻟﺒﺎﺭﺷﺎ ﺍﺭﺑﻌﺔ .. ﺍﻧﺖ ﻛﻴﻒ ﻳﺎ
ﺍﻟﻀﻞ
ﺷﻦ ﺟﺎﺏ ﺍﻟﻌﺸﺮ .. ﻳﻮﻡ ﻟﻲ ﺍﻟﺰﻫﻮﺭ
ﻭﺍﻟﻔﻞ
ﻳﺎ ﻧﺎﺱ ﺍﻟﻮﺻﻴﻒ ﺟﺒﺘﻮﻫﺎ ﻭﺍﺳﻌﺔ ﻭ
ﺩﻭﻟﻠﻠﻠﻠﻠﻠﻠﻠﻠﻠﻠﻞﻟﻠﻠﻠﻠﻠﻠﻠﻠﻞ
Ahmed Bushra
ﺍﻟﺒﺎﻓﺎﺭﻱ ﺧﺎﻑ ﻣﻦ ﺍﻟﻨﺠﻴﻤﺔ ﺗﺴﻔﻮ
ﻣﺎ ﺗﻌﺼﺮﻭﻫﻮ ﻳﺎﺥ ﺳﻮﻭ ﺍﻟﻬﺪﺍﻭﺓ
ﻭﺧﻔﻮ
ﺷﻮﻓﻮ ﺍﻟﺰﻭﻣﺔ ﻗﺎﻝ ﺭﻳﺒﺮﻱ ﺍﻟﺤﻤﺎﻡ
ﺑﻨﺘﻔﻮ
ﻛﺎﻥ ﺻﺪﻗﺘﻮ ﻋﺎﺩ ﺍﺣﺴﻦ ﺗﻘﻮﻣﻮ
ﻟﻔﻮ
Ahmed Magzoub
ﺍﻟﺒﺎﻳﺮﻥ ﺍﻛﻴﺪ ... ﺍﻱ ﺗﻴﻢ ﺑﻼﻗﻲ ﺑﻨﻴﺸﻮ
ﺭﻭﺑﻦ ﻓﻲ ﺍﻟﻬﺠﻮﻡ .. ﺭﻗﻤﺎً ﺻﻌﺐ
ﺗﻬﻤﻴﺸﻮ
ﻧﺎﺱ ﺑﻴﺒﻲ ﻭﺑﻴﻮﻝ ﺑﻴﺨﺎﻓﻮ ﻣﻦ
ﺗﻔﺘﻴﺸﻮ
ﻟﻮ ﺻﺎﺩﻑ ﻓﻼﻥ ﺣﺘﻤــــﺎ ﺑﺰﻋﻤﻂ
ﺭﻳﺸﻮ
Ahmed Bushra
ﺍﻟﺒﺎﻓﺎﺭﻱ ﺿﺮﺏ ﺍﻟﺒﺎﺭﺳﺎ ﺭﺍﻳﺢ ﺟﺎﻱ
ﺑﻮﻳﻮﻝ ﺍﻟﻌﺠﻮﺯ ﻳﻮﻡ ﺩﺍﻙ ﻛﻮﺭﻙ
ﻭﺍﺍﺍﻱ
ﺍﻟﺤﻴﺮﻧﻲ ﺟﺪ ﺣﻴﺮ ﻛﺪﻳﺴﺘﻲ ﻣﻌﺎﻱ
ﺍﻟﺒﺎﻓﺎﺭﻱ ﺣﻴﻼﻗﻲ ﺍﻟﻮﺻﻴﻒ ؟
ﺑﻼﺍﺍﻱ ؟
Ahmed Magzoub
ﺍﺻﻼ ﻣﺎ ﺑﺼﺪﻕ .. ﻳﺎﺧﻲ ﺣﺎﺟﺔ
ﻋﺠﻴﺒﺔ
ﺍﻟﺒﺎﻳﺮﻥ ﺻﻌﺐ .. ﺑﺎﻟﻤﻌﻨﻲ ﻋﻨﺪﻭ
ﻟﻌﻴﺒﺔ
ﻟﻮ ﺣﺼﻞ ﺍﻟﺤﺼﻞ ﻟﻮﺻﻴﻔﻨﺎ ﺗﺒﻘﻲ
ﻣﺼﻴﺒﺔ
ﺑﻨﺘﻒ ﺭﻳﺸﻮ ﺗﺐ .. ﻣﺎ ﺑﺨﻠﻮ ﻟﻴﻬﻮ ﺳﺒﻴﺒﺔ
Ahmed Bushra
ﺑﺎﺳﻜﺎﻝ ﻭﺍﻭﺍ ﺣﻴﺄﻣﻦ ﺩﻓﺎﻋﻮ ﺗﻤﺎﻡ
ﻗﺎﻝ ﻳﺎ ﺃﺧﻮﺍﻧﺎ ﺃﻟﻌﺒﻮ ﺇﻧﺘﻮ ﺑﺲ ﻗﺪﺍﻡ
ﻭﺩ ﺍﻟﺒﺎﺷﺎ ﺳﻮﺍﻫﺎ ﻭﻗﻠﺐ ﻭﺩ ﻻﻡ
ﺍﻟﺤﺎﺻﻞ ﺣﺼﻞ ﻟﻜﻨﻮ ﻓﻲ ﺍﻷﺣﻼﻡ
Ahmed Magzoub
ﻓﻲ ﺧـــﻂ ﺍﻟﺪﻓﺎﻉ ﻣﻌﺮﻭﻑ
ﺩﻓﺎﻋﻬﻢ ﺻﺒﺔ
ﺭﻳﺒﺮﻱ ﻓﻲ ﺍﻟﻮﺳﻂ ﻟﻌﺒﻮ ﺍﻟﺠﻤﻴﻞ
ﺑﺘﺤﺒﺎ
ﺍﻟﺨﻮﻑ ﻓﻲ ﺍﻟﻠﻌﻴﺒﺔ ﻣﻦ ﺍﻟﻤﻮﺍﺟﻬﺔ
ﺩﺑﺔ
ﻧﺼﻬﻢ ﺍﻋﺘﺬﺭ .. ﻭﺍﻟﺒﺎﻗﻲ ﻗﺎﻟﻮ ﺍﺗﺨﺒﻲ
Ahmed Bushra
ﺷﺒﻬﻚ ﻳﺎ ﺣﻤﺎﻡ ﻧﺎﺩﻱ ﺍﻟﻨﺴﻮﺭ ﻭﺍﻟﻨﻴﻞ
ﻧﺎﺱ ﺍﻟﺪﻛﺔ ﺑﺮﺑﺮ ﻭ ﻧﺎﺱ ﺟﺰﻳﺮﺓ
ﺍﻟﻔﻴﻞ
ﺍﻷﻟﻤﺎﻧﻲ ﺩﺍﻙ ﻳﺎ ﺿﻠﻲ ﺷﻐﻠﻮ ﺗﻘﻴﻞ
ﻣﺎ ﺑﺘﻠﻘﺎﻫﻮ ﻋﺎﺩ ﺃﻛﺎﻥ ﺭﻛﺒﺖ ﺍﻟﻔﻴﻞ
Ahmed Magzoub
ﺍﻟﺨﺒﺮ ﺍﻻﻛﻴﺪ ﺍﻟﻨﺠﻤﺔ ﻳﻮﺕ ﻣﻨﺒﻄﺤﺔ
ﺍﻻﻗﻮﺍﻥ ﺗﺨﺶ ﺟﻮﺓ ﺍﻟــــﺸﺒﺎﻙ
ﻣﻨﻜﺸﺤﺔ
ﻳﺎ ﻭﺩ ﺑﺸﺮﻱ ﺍﺧﻮﻱ ﺑﺎﻟﻌﺎﻣﻲ ﺍﻭ
ﺑﺎﻟﻔﺼﺤﻲ
ﺍﻟﻤﺮﻳﺦ ﺍﺧﻴﺮ .. ﻳﻨﺴﻲ ﺍﻟﺤﻜﺎﻳﺔ
ﻭﻳﺼﺤﻲ
Ahmed Bushra
ﻓﺒﺮﻛﺔ ﻳﺎ ﺍﻟﺤﺒﻴﺐ ﻭﺃﻟﻠﻪ ﻣﺎ ﻭﺍﻗﻌﺎﻟﻲ
ﺯﻱ ﻣﻴﺒﻨﺰﺍ ﺩﺍﻙ ﺍﻟﻘﺎﻝ ﺑﺠﻴﺒﻮ ﺍﻟﻮﺍﻟﻲ
ﺍﻟﻤﻨﻄﻖ ﺑﻘﻮﻝ ﺍﻟﻐﺎﻟﻲ ﺑﻠﻘﻲ
ﺍﻟﻐﺎﻟﻲ
ﻛﻴﻒ ﺍﻟﻤﻮﻳﺔ ﺗﻄﻠﻊ ﻟﻠﻤﻜﺎﻥ ﺍﻟﻌﺎﻟﻲ
Ahmed Magzoub
ﺍﻟﺨﻮﻑ ﻳﺎ ﺍﺧﻮﻱ ﺗﺒﻘﻲ ﺣﻜﺎﻳﺔ ﺍﻛﻴﺪﺓ
ﺭﻭﺑﻦ ﻓﻲ ﻗﻄﺮ ﻓﻌﻼ ﻳﻮﺍﺟﻪ
ﺳﻴــــﺪﺍ
ﻳﺎ ﺍﻣﺎ ﺍﻟﻮﺻﻴﻒ ﺟﺎﺏ ﻟﻴﻬﻮ ﻛﺎﺭﺛﺔ
ﺟﺪﻳﺪﺓ
ﻳﺎ ﻓﺎﺯ ﻭﺍﻧﺘﺼﺮ .. ﻣﻊ ﺍﻧﻮ ﺣﺎﺟﺔ
ﺑﻌﻴﺪﺓ
منقووووووووووووووووووووووووووووووووووول[/size]
موضوع: مجادعة شعرية 
السبت 28 ديسمبر 2013 - 10:47
