واحد جاء مسبوق فى الصلاة وفى نفس الوقت فى غاية الاستعجال وصل ولقى اثنين يصلوا جماعة وبدل يقدم الإمام صاحبنا بقى (يلز) فى المأموم .. والمأموم ثابت ومااتحرك ولمن كترت محاولات المستعجل قالو ابراهيم الزومة يازول إنت قاعد (تلز) فى ضلفة الباب الفيها الترابيس

قالوا عمنا ود الزومة عندو صحبوا شديد زوجتو وضعت قال لازم يبارك ليهو ... بعدين علاقة سمحة مع صحبو واولادوا وبيخاف من عين ود الزومة لانو كل مرة ساحر ليهم حاجة ... اها قالوا لمن جا داخل يبارك المولود وقال جيبوا لي الجنا النشوفو المرة قالت ليهو لا لا بتسحروا لي قال ليها يازول قولي بسم الله اسحر ليهو شنو .... اها جاب ليهو الشافع ممسحنو بي بدرة الأطفال ولونو أحمر ...

قام قال ليها عليك الله شافعك ده اسحر ليهو شنو عامل كده متل حلاوة لكوم.....


قالو ود الزومة كان قاعد في بيتهم شاف ولدوا الصغير
بيحبي قدامه . وبعد شوية جاءت امه بتسال من
الشافع قام قال ليها باري درب المحرات ده حتلقيه
لم مشت تفتش عليه لقته لدغت عقرب واتوفي في الحال

مهداه لشيخ مهند

أستاذ مادة التربية الإسلامية - مع الإعتزار للمعلمين _ هو

مش خالص في التربية الإسلامية لكن نسبة لنقص المعلمين .

كان عنوان

الدرس صلاة المسبوق

واحد من التلاميذ سأل الأستاذ ، يا أستاذ أنا دخلت في صلاة المغرب

و أدركت مع الإمام الركعة الإخيرة فكيف أكمل صلاتي ؟

الأستاذ قال ليهُو إتَّ الأخَّرَكْ شِنُو ؟

تشكر حبيبنا مهند
نشكر فيك الحيوية وروح الدعابة
لكن بتاعة حلاوة لكوم دي بالغ فيها ضحكت بعمق
اشكر اريحيتك

رمضان كريم شيخ مهند ودالزومة راجل فنان وشاعر ومن لطيف وبعدين عينو ماحارة عندو سرعة البديهة ولو عينو ساحرة كان قرض نص ناس الشمالية .وبالمناسبة الراجل صديق عمناعوض احمد امام في امدرمان وحضرنا معاهو جلسة شعر ونكات وحاديكم كم طرفة منو

ودالزومة جاهم ضيف عجوز سنون مافيهو سوليهو شعيرية ياكل وتنزلق بقى يصنقع ويرمي الشعيرية ،بعد فات الضيف قال لولدو قلت شنو في عمك
الولد :اوزن في مسامير

ههههههههههههههههههههههههههه
شكرا للجميع