ادروب سألو تمش الجنة والا النار قال ليهم الشوايقة ماشين وين ؟؟ قالو ليهو ماشين النار قال خلاس بامش معاهم النار يا ادروب الكلام ده كيييف بس؟؟ قال ليهم: الشوايقة ديل ما بمشو حتة الا يكون فيها كّدة ولا منفعة


***********************

شايقي لقو بدق في اولاده الاتنين - سالو مااالك - قال لقيتهم فاتحين المروحة في تلاتة وهم كلهم اتنين بسسس

****************

بلدياتنا دخل مع ابليس في جمعية .. . . شال الصرفة الاولى وقال بسم الله

*******************************


بلدياتنا عجوز في محو الأمية.... سألتها المدرسة: قولي لي جملة فيها إدغام بغنة ؟

قالت ليها : عمن يعميك

**************************************

بلدياتنا قال لابوه : ابوي عايز اكمل دراستي بره . . ابوه قال ليهو مافي مشكلة خلي امك تفرش ليك السرير في الحوش بس اوعى البرد ما يطقك

*******************************


*********************************

قالو ليكم بلدياتنا قاعد قدام قبر ويبكي بكاء شديد

الجماعة شافو ليك وقالو الشايقي ده مجنون ، ما عارف القبر ده حق الجعلي .. قامو قالو ليهو هاااااااااااا زول نعل ما في عوجة انت ما عارف القبر ده قبر الجعلي

قال ليهم :آي بالحيل عارفوا قبر الجعلي ... لكن أنتوا ما سمعتوا البكاء بعذب الميت ... عشان كده أنا ببكي عشان الجعلي أتعذب أكثر وأكثر

************************

بلدياتنا راكب في مركب في النيل ومعاهو ابوهو وامو وناس تانيين غيرم وما كان في زول بيعرف يعوم غير الشايقي دا اها قامت المركب غرقت في نص البحر والشايقي ما عندو طريقة يمرق معاهو غير زول واحد بس اها قام بلدياتنا مرق معاهو واحد غير ابوهو وامو لما جا مارق في القيف الناس سالوهو انت كيف تخلي ابوك وامك وتمرق الزول الغريب ؟؟ رد عليهم: نان ماني طالبو!!!

************************

بلدياتنا لقوه بمسح صدره بي ورقة فئة 5جنيه سألوه ليه قال ليهم الدكتور قال لي اشتري زيت سمسم اشربه واتمسح بالباقي

شايقي داير ينزل نعي في الجريدة .. كتب :

الشايقي ينعي ابوه ... ويوجد تمر للبيع

***********************


واحد بلدياتنا ابوه مات قالو ليه.....ادي الشيخ الغسل ابوك


10 الف قال ليهم ....ليه هو غسل حافله

***********************

شايق مشى يسجل ولده في المدرسة قالوا ليهو : المدرسة بي خمسمائة الف والبص بثلاثين الف ، قال ليهم خلاص سجلوهو لي في البص

***********************

بلدياتنا كتب في وصيتو ادفنوني جنب الجعلي . لمن سالوه ليه قلت كدا ؟ قال عشان يوم القيامة الجعلي بيقول حرَم الحساب علي

***********************

بلدياتنا فتحت جواز راجلها لقت مكتوب مهنته رجل اعمال ، قامت مسحت اعمال وكتبت عوضية

***********************

داير تعذب شايقى قطع قروش قداموا

***********************

بلدياتنا دخل الجنه وفجاه اختفي ...!

لما فتشوه لقوه بكب في بنزين لي ناس النار

***********************

بلدياتنا واقـــف في بص شـاف بنت قـاعـــدة قـام عاين ليها .

عــاينت ليه أبتـــسم ليها أبتســمت ليه غمـــز ليها . غمــزت ليه.

أشـــــر ليها علي المحطة نزلت . . . قعـد محلــــــــــــــها !!!

***********************


***********************

بلدياتنا قالو ليهو ناس البلد رسل لينا التبرع بتاعك عاوزين نعمل حوش للمقابر قال ليهم تبرع شنو عمركم شوفتو ليكم ميت شرد ؟

***********************

بلدياتنا الحريقه قامت فى بيتو عمل مس كول للمطافى

***********************

سته بلدياتنا غاطسين فى البحر قالو البطلع أول على سطح المويه الغداء عليهو ,لى يومى ويومكم ده ماطلعو

المسطول مشى بيت ناس صحبو دقه الباب جاتو اخت صحبو
سألا حسن في ؟
قالت ليهو مافي
فضل واقف سرحان
قالت ليهو خلاس لما يجي بكلمو ليك
قاليها كلميهو انتي قايلاني خايف منو؟؟

ّّّّّّّّّّّّّّّّ

مسطول بابه دقه...قال:"منو الفي الباب؟" قال ليهو:"افتح يا جدو انا حفيدك".قاليهو:"يعني حتفيدني في شنو يعني؟



_‏_تلاته طلبه مشو المدرسه مساطيل
الاستاذ سال الاول خمسه في اربعه بكم
فاجاب :يساوي يوم الجمعه _فسأل
التاني نفس السوال فاجاب _يساوي
صلاة المغرب فسال التالت فاجاب:
يساوي عشرين _الاستاذ استغرب
وقاله عرفتها كيف ؟ المسطول قاله:
بسيطه طرحت صلاه المغرب من يوم
الباقي جا معاي عشرين



في مدرّس نقلوهو جهة الرباطاب ومن أول يوم في المدرسة


لاحظ هنالك حمار في الشارع يتاوق بشباك الفصل ويدعك جسمه


ويمشي ، كل يوم كده قام الأستاذ قال للطلاب : الحمار دا عندو


ود عم هنا ولا شنو؟؟ قام طالب من أولاد الرباطاب قال ليهو : يا أستاذ


الحمار دا بيجي في حصّتك بس !!!!!!!!!!!!!!!!!!


مسطول مشى محل حلوانى العامل قال ليه سفرى ولا محلى رد المسطول : اقول ليك حاجه شكلو




واحد مسطول مشي الصيدلية قال للدكتور : "عايز لبن اطفال".

الدكتور: "اسمو شنو؟"
المسطول رد : "اسمو اشرف"




واحد من أصحاب الخيال «عضاه» ثعبان وترك أسنانه فى محل العضة الرجل قال للجماعة: الدبيب لو داير يعض واحد تاني يركب طقم ولاشنو ؟ قالوا ليه لا أبداً بتقوم ليه سنون تانية جديدة! قال ليهم ده ثعبان ولا دباسه