رباطابي سائق لوري اللوري اتقلب جي واحد سالو قلبت اللوري الرباطابي قال ليهو تكيتو عشان اقعد في ضلو

واحد بتاع سنه كل يوم ناس الشرطة قابضنو حمارو حفظ القسم اليوم داك ناس الشرطة ما جو صاحبنا اتوزن تمام وركب الحمار وماشي الحمار علي طول دخلو قسم الشرطة

جعلي ضرب لناس المطافي بالغلط لمن جوا ما لقو حريق
قال ليهم والله ما تمشو ساي قوم يا ولد احرق الراكوبه دي

إتنين بلدياتنا زهجانين من نسوانُن

واحِد قال للتاني:نِحنا لمن نموت

ونتزوج الحور العِين نِسوانا ديل بودُوهُم وِين؟

التاني قال ليهُو بعزِبو بيهُم الكُفار

**********************

بلدياتنا دخل البيت زعلان شديد .. مَرَتُو سألتو مالك يا راجِل

قال ليها تخيلي الصيدليه عامله تخفيض كبير في الدواء

وما عندنا زول عيان

**********************

واحد بلدياتنا لاقا قريبو اسمو محمداحمد ,

قام قاليهو آ موحمداحمد بتفهم في الكهربى شى ,

قالو اي بفهم , قام قاليهو كان كدي تعال علينا صلحلنا

جرس الباب الليلنا باقي عطلان, قالو سمح بجي.

اها صاحبنا ما جا قام لاقاهو بعد تلاته يوم قالو

محومد احمد مالك ما جيتنا فشان تصلح الجرس,

قام محمداحمد قليهو والله جيت تلاته مرات دقيتلكن

الجرس مافي زول فتحلى .

**********************

واحد بلدياتنا قال لي ابليس نزرع سوا قامو زرعو قمح الشايقي قل لي ابليس انت شيل ال 4/3 التحت وانا الربع الفوق ابليس وافق قال الندقسو اها لما ابليس اكتشف الحكاية زعل وشاكل بلدياتنا ، قام بلدياتنا قال لي ابليس ما مشكلة نزرع تاني وانت شيل ال 4/3 الفوق وانا الربع التحت، قام الشايقي زرع بصل

**********************

**********************

بلدياتنا إتصل عليه جورج قرداحي قاليهوا : صديقك ميرغنى طالب مساعدتك رد عليه بلدياتنا وقال قوله ..

أني نايم

**********************

واحد غرق فى النيل مافى جنبو الا بلدياتنا. قال بلدياتنا عليك الله انقذنى : بلدياتنا قال ليه يازول ما تستغفر الله ... ده ما يومك .....

**********************

بلدياتنا قالت لي امها : راجلي اتاخر خايفه يكون عرس علي

قال ليها يابت اتفائلي خير يمكن طقشتو عربيه

**********************

بلدياتنا عندو فرن جاهو شحات قال ليهو لى تلاته يوم ما ضقت طعم الرغيف قال ليهو ياهو زاتو ما اتغير

**********************

بلدياتنا بخيييييييييييل , حب يضرب باب البيت بهيه,

طرب ضلفه وكتب علي التانيه ( نفس اللون)

**********************

بلدياتنا وجعلي ومحسي اصحاب

اتفقوا اول واحد يموت منهم يختو ليه قروش جنب قبرو

المحسي اتوفى اول واحد

الجعلي خت 200 الف ومشى

جا الرباطابي خت 200 الف ومشى

جا بلدياتنا اخد ال 400الف وخت ليه شيك ب 600 الف

وقال ليه لمن تقوم امشي اصرفو



*********************



عجوز راحت تتعالج عند دكتور هندى

قال ليها انت لازم يسوى تهليل (تحليل)

رفعت اديها وقالت لا اله الا الله


بنت هبله ابوها قال ليها جاك اخو صغير

قالت له بذمتك ما تقول لأمى خليها مفاجأة

واحد مسطول قال والله اليومين ديل من شدة الحر تفتح الباب تلقى الشارع قاعد في ضل الحيطة



اثنين عساكر مساطيل في حفلة بنادي الضباط شا فوا العروس
لابسه فستان كله نجوم واحد سأل صحبه دي رتبتها شنو ؟



حاجة مسطولة تسمع في كورة.. المذيع قال الكورة عند الثيردباك تأملت وقالت مما قمنا اللعيبة كلهم عجزوا واعتزلوا الا ثيرد باك ما بعجز ولا بعتزل



مجموعة من المحس مغتربين فى السعودية قاعدين عطالة قام جاء واحد من السودان وقال ليهم انشاء الله تكونوا كلكمشغالين ؛ قام واحد قال ليهو مافى شى شغال الا المكيف دا.



واحد عريبي جا الى الخرطوم , وقم ولده سالقو الكوفير. وفى الكوفير لقى تمثال لابس ملابس للعرض سلم عليه ولده قال ليه يابوى دا تمثال ولما جاوا مارقين لقى خواجا قاعد فى كرسى وعنده صلعة قام العربى ضربه فى الصلعة وقال يا ولدى دا ما فضل ليه الا الكلام



حنكوشه قالت لي شيخ ممكن اديك بوسه قال ليها عمل الخير مافيهو شوري



واحد بيغرق في البحر ومافي جمبو الا شايقي قال لي الشايقي علك الله انقذني الشايقي قال ليهو استقفر ربك ده يومك



بت بلدياتنا خطيبها رسل ليها خطاب عاطفي وبين كل فقرة والثانية كتب ليها آه.. آه.. ردت ليهو: كلامك حلو لكن واحد وخمسين دي ماعرفتها؟ مصاريف ولا شنو؟



واحد مزاجى عندو موبايل تلاتين عشرة جدعو في الكوشة لما سألوهو ليه؟ قال ليهم عاوزو ينقلب إلى شيطان


أدروب بغازل في حبيبتو بالمسجات، أهلها زروهو، قال ليهم والله دا ما خطي



مسطول سألو : لو خروف عرس نمله بجيبو شنو ؟ قال: يا نمله مخرفه يا خروف منمل



فى تلات فيران بيتصطلو لمن اتصطلوا تمام قالو نشوف اقوى واحد فينا الاول:انا بشرب سم الفار مع الشاى .التانى:انا باكل الجبنه جوه الشرك التالت: قال عن ازنكم ياجماعه قالو ليهو على وين يازول قال:مجكس كديسه



مسطول واقف جنب البحر في الجريف بعد ما سطل شاف البحر ماشي عكس قاليهم: لو اتكلمنا تقولو مساطيل و لو سكتنا مدني بتغرق


ضبانة وقعت في كاس وسكي مرقت قالت : هـــــــــــوي الصقر جاكم


مسطول سال مسطول عن وجه الشبه بين واحد واقع من الطابق الثامن وعسل النحل ؟ رد عليه : الاثنين بتلحسوا

شايقي ورباطابي مسافرين
الشايقي شايل اكل كتير
بالليل الرباطابي شايل معاهو
بطانيه اتغطي وخلي الشايقي في
البرد
الشايقي اتغاظ وقعد يقول والله
انا عندي قراصه سمحه وفطير مافي
زيو وبلح كتير لكن ما جعان هسي
اعمل بيهم شنو
الرباطابي قال ليهو اعمل بيهم
سويتر
.........................................................
سكران رجع البيت متاخر
مرتو سالتو وين لي هسي !!
قال ليها كنت بلعب شطرنج
قالت ليهو شطرنج شنو وريحتك عرقي
قال ليها يعنى عاوزة ريحتي تكون
شطرنج !!
.....................................................

مسطول جاتو فاتورة الموية مليون
قال اكيد الجماعة ديل كتبو مطرة
امبارح دي في حسابي

_________________












الرباطابي والمحامي


ربـاطابي ببيع لـبن

الـمهم عندو زبـون مـحامي

يوم زوجة المحامي غالطت الرباطابـي في حـق يومين

مـدعية انو كان في مطـرة

والرباطـابي مـصر انـو اداهم الـلبن في اليوم البـعدو

زوجها المـحامي تـدخل وقال لـيهو

انحنا ماممكن تـغالطنا ابـدا

الرباطابـي قال ليه

غالـطك كيف وانت الغـلاط فاتح لو مكتب

بي مزاااااااااااااااااااااااااااااااااااااااج


مرة واحد محشش لقي كنز قال: كويس
فاضل الخريطة!!

مسطول بخت كبايتين جمبو

وحده فاضيه والتانيه ملانه مويه

قال عشان يمكن يشرب ويمكن ما يشرب



اتنين مساطيل قاعدن تحت نخله بالليل. الاول,انا نفسي في
بلح,التاني ,لاكين نطلع ليو كيف؟.الاول بولع ليك نور البطاريه,وانت اتشعبط
فيو لحدي ماتصل السبيطه,التاني,بالله عشان تطفيو واجي واقع.

مسطول عنده حمار ضاع منو .. طلع يفتش
عليه لاقاهو حمار الوحش قال ليه : خلاص قايل روحك قشرته ما بعرفك؟

حلفاوي جرسه قال الشهور العربيه فيها جماد اول وجماد ثاني الحمدلله الما فيها رمضان اول ورمضان ثاني‏

هاهاهاهاااااااااااااى

مستمتعين معاكم ياحلوين

ههههههههههههههههه
والله الزمن ده الضحكه ذاتا لونا اتغير
ههههههههههههههههه
يديكم العافيه ياشباب

السلام عليكم ورحمة الله وبركاته

رباطابى وشايقى سكاهم مرفعين وقاموا جاريين والمرفعين وراهم وبعد مسافة قام الشايقى قال للرباطابى

ياخوى ما تشوف ليك تراب تكشح المرفعين دة قام الرباطابى قال ليه- وانت جارى فى برش ؟




رباطابى عنده لورى مسافر بيه وفى الطريق اللورى اتقلب قام جاء واحد شايقى ماشى قام سأل الرباطابى قال ليهو يا زول انت اللورى ده اتقلب قام الرباطابى قال ليهو لا أنا متاكيهو عشان أقعد فى ضله




رباطابي خنق فى الاكل قال لبنتة ادينى موية قالت ليه شراب يا ابوي؟ قال ليها لا كبسولات




عربى مسافر بالباص أول مرة قام الباص انقلب والناس بقت زى الطماطم المعفصة الا العربى دة قام يتنفض وداير يلبس مراكيبه ويمشى قام جاهو البوليس قال ليه يا زول انت كنت فى الباص الاتقلب دة قام العربى قال ليه هو الباص اتقلب ؟ قام البوليس قال ليهو ونان انت قايل شنو ؟قام العربى قال ليهو والله أنا قايل لمن يصلوا بكبوهم كدى
ادروب شغال بيحرس مخزن بتاع دقيق يوم شاف فى التلفزيون ساحات الفداء ولقى واحد مجاهد بيقول والله كتلنا الخوارج وكانت معركة شرسة وكنا جيعانين بس فجاة السماء نزل فينا دقيق وقمح . ادروب رجع المحزن وباع الدقيق كله وقبض الفلة . الجماعة ناس الحكومة جوا تانى يوم سالوه :يا ادروب وين الدقيق . ادروب قال ليهم : والله ادروب ليل كله امبارح ما نام الملائكةتشيل دقيق تودى جنوب




كان يوجد إثنان تنابل ( كسلانين جداً ) عايزين يغيرو لمبة النورالمصباح الكهربائي الذي كان لديهم فرفعه الاول على كتفه حتى يفك المصباح وبعد فترة سأل الاول الثاني لماذا لم تفك المصباح فأجابه إني أنتظرك أن تدور بي كي ينفك المصباح




مرة سافر اثنين حلفاويين إلى نيويورك وسكنوا في عمارة 200 دور في الدور الأخير وكانو دائما يصعدوا على السلم لجهلهم إستخدام المصعد فقرروا في يوم من الأيام أن يذهبوا إلى السوق لشراء متطلبات الأسبوع من الأكل لتفادي التعب وعند رجوعهم إلى البيت وهم يصعدوا كانوا يعدو الطوابق حتى الطابق 199 عندها قال واحد منهم للتانى: اوثمان( يعنى عثمان) عندي لك خبرين واحد زين والثاني مو زين. قال له الثانى هات أخبارك. قال الاول: الخبر الزين انه فاضل لنا دور و نوصل و الخبر اللي مو زين العمارة موش بتاعنا !!!




واحد سأل الثانىه : وين بتشتغل ،قال الثانى : والله انا عاطل ،قال الاول : كويس .. أخير من قعاد ساكت




قالوا في واحدة جنها تلبس اسكيرت ابو خطوة وحبوبتها ماراضية.يوم البت قالت لحبوبتا ارح الحديقة الحبوبة قالت ليها باسكيرتيك دا ماماشة الا تخيتيهو البت قالت يا حبوبة دي الموضة. وهم ماشين في الحديقة جا ولد ماشي وقال للبت شرط .الحبوبة قالت ليها ماقلت ليكي خيطيهو


في واحد اعور غمز للبت بعينو الكويسة قام دقش عمود الكهربا




واحد رباطابى رسلو ليهو جزمه جميله هديه قام سافر بيها الخرطوم وهناك انشرطت وداها لبتاع الجزم يخيطهاوقال ليهو مستعجل صاحبنا قال بعشرين الف جنيه قام الرباطابى قال ليهو ليه أ صلو بتخيطا بى بنج؟




رباطابي راكب حافلة 00جا ينزل طقطق للكمساري00الكمساري قال ليه داير تنزل الرباطابي قال ليه :لا بدور أجاوب




واحد أدروب سافر من بورتسودان للخرطوم عشان يشتغل تجاره وخلى مرتو حامل فى الشهر الاخير. حاول يتوسع فى البزنس كتب شيكات وأشترى بضاعه كتيره لكن الحكايه طرشقت معاهو وشيكاتو طارت ، دخلوه السجن 6 شهور، وهو هناك كلموأخوهو بالتلفون وقال ليهو مبروك جابو ليك ولد وقلنا نسميهو (أوشيك) قام أدروب اتنفض زى المجنون وقال ليهو (لالالا كل شيى ولا الشيك، سموهو أوكاِش)




واحد قال للتاني: أديك سفه؟ رد عليه التاني: ما شفتو (فهمهاهل الديك سفه؟)




واحد ادروب سافر الى كسلا بحافلة جديدة لنج والسواق من قام لحدى ما وصل مشغل اذاعة القران وصاحبنا الشغلة دى ما ركبت ليو فى راسوا ولما وصل سالة احد اقربائه جيت بشنوا فرد عليه , جيت بالجامع ده




واحد قرايبنا لأول مرة يدخل المستشفى وكانت حرارته عالية جداً جداً 00 المهم الدكتور قام دخّل ليهو الثيرمومتر في خشمه 00 قام قريبنا قال ليهو 00 مص وللا أقرشه يا دكتور




واحد جعلي وشايقي قالوا لي بعض الليلة نتباطن الجعلى قال ليهوا انا اول بعدين الشايقي نزل في الجعلى جلد لحدي وصل عشرة بعدين لمن جاء دور الشايقي الجعلي رجع لى ورة ورفع الصوت فوق شديد ومن اول صوت الشايقي قال تسعة




مرة واحد مسطول قاعد جنب موية المطرة ومبسوط جداً من منظر الموية الكتيرة , قام جاء واحد راكب عربية عاوز يعدي في الموية وخايف وسأل المسطول هل ممكن أعدي ؟ ورد عليه المسطول طبعاً مافي مشكلة . ولما مشى شويه العربية غرقت وطلع منها السواق زعلان من المسطول وقال ليهو ماقلت مافي مشكلة , رد عليه المسطول والله حسي دي جات بطة مشت عديل




واحد مسطول شاف واحد عندو شامة كبيرة فوق عينو الشمال, قاليهو بالله عليك دي عين ولا غين . ها ها ها




واحد سوداني عنده كلب سماه أسمر 00 لكن الراجل بعد فترة اتألم لما سمع بأغنية اسمر لمحمد الأمين 00 المهم حاول يغيّر اسم الكلب لكن ناس الحي كانوا مصرين ينادون الكلب بأسمر 00 الراجل قابل محمد الأمين قال ليهو والله أنا معجب بيك جداً جداً وعاوز اليوم اعتذر ليك عن خطأ كبير جداً 00 ود المين قال ليهو في شنو يعني ؟؟ الراجل قال ليهو والله عندي كلب اسمه اسمر وقدر ما أحاول أغيّر اسمه ناس الحي دايماً ينادونه اسمر اسمر وانا الآن محتار جداً عاوزك تحل المشكلة 00 قام محمد الأمين سأله انت اسمك منو ؟؟ قام الراجل قال ليهو انا اسمي سيد أحمد 00 قام ود الأمين قال ليهو : خلاص ياخي اترك كلبك اسمه اسمر في مكانه وأنا حا أغيّر الأغنية اسميها { كلب سيد أحمد }




واحد خياط عرس مرة طويلة.....بعد مدة زهج منها...قام كفاها




واحد مسطلاتي عاطل ساكن مع ضابط جيش في يوم قرأ عن وظيفة وكان لازم يصحى الصباح بدري عشان المعاينة قام وصى الغفير يصحيه ،الصباح لمن صحاه الغفير قام باستعجال لبس ومرق في الشارع لاحظ انو العساكر بحيهو واستغرب جدا بعد شوية عاين لهدومو لقاه هدوم جيش قام قال: بالله شوف الغفير المغفل ده أقول ليهو صحيني يصحي الضابط. قديمة لكن عليكم الله تضحكوا




واحد من الحناكيش شاف سحلية ٌقال :ياي تمساح




واحد رباطابي لابس نظارة لاقاهو شافع في الشارع قاليهو :يا أبنظارة نظارتك دي نظر قاليهو لأ!!!شم




واحد موظف حالته تعبانه زوجته ولدت ،الدكتور قال ليه:شوف ليك مرضعة لولدك لأن زوجتك عندها مشكلة فى ادرار اللبن،بعد بحث مضنى زوجته وجدت مرضعةواتفقت معاها،زوجها سألهااتفقتى معاها بكم؟قالت ليه:غايتو بعد تعب اتفقنا على أربعين ألف،قال ليها بانفعال:ليه؟انا مرتبى كله خمسين ألف،خلاص نديها العشرة ألف الباقية ونرضع كلنا




قال ليك البت جنها غنا و ابوها حارقاهو الشغلانة دي خالص يا بت ماتغنى وزولتك مطنشاه و تغنى ساكت قام ابوها اشتكا لجدها يا ابوى البت دي جننتى طول اليوم تغى تغنى ابوهو قاليهو يا ولدي خلها التغني مادام فى البيت المهم العربى رجع بيتو لقى البت تكنس فى الحوش و شغالة غنا ساى " جيتو وما لقيتو و جاني ما لقانى ..جيتو وما لقيتو وجاني و ما لقانى" و قال ليها ابو ها و هو ميت من الغيظ هسة يابت لو قلتى اتعقبنا ساي ما كان اخير




زمان كان البورة للبنات بس لكن هسة البورة لاتنين (للبنات وللمغتربين في السعودية) والله لينا




في واحد كان راكب الحافلة والحافله خلاص اتملت ومافي مكان وعمناده كان راكب مع الباب بعدين جاء واحد شاب وقال ليه يا حاج الحافله دي ماشه وين قال ليه يا ولدى اسى لو قلنا الحافله دى ماشه بيتكم بتركب وين.



في واحد سوري ومعه سوداني السوري قال للسوداني أنت عارف أنو السوداني بيكون في رحم أمه سنة كاملة فقال السوداني عرفنا التسعة شهور وعشرة أيام الباقي ده يكون شنو فقال ليه السوري عشان يتحمص ( يبقى أسود




واحد رباطابى معزوم عشاء مع واحد صاحبو مشى لقى الكهرباء قاطعة عن صاحبو قعدو يتونسو مسافة الرباطابى جاع جوعه شديدة قال لى صاحبو ياخى الزمن فات وانا جيعان ياخى طلع لينا العشاء داء صاحبو قال لية ياخى العشاء ما بطلع الا الكهرباء تجى... الرباطابى قال لى اصلو عشاء ولا شريط فديو




قطر كريمة كان زحمة شديدة جدا ، واحد معاه ولدوا الصغير يادوب لقي ليهو مساحة نام في الممر ،وولدونام جنبو ، والدنياليل ، قام الرجل صحي فجأة ما لقي ولدو الصغير راقد جنبو ، فقام يفتش عليهو والدنيا ظلام شديد ، ولسؤ حظه قام لكز واحد رباطابي نايم جنبو وصحاه من النوم ، فقام الرباطابي زعل وقال للراجل :- يازول بتلاكز مالك ؟ قام الراجل قال ليهو :- ياخوي بفتش علي ولدي ..... قام الرباطابي رد عليهو بزعل :- ولدك دا إبريق ؟ ماتكوركلو




واحد رباطابي ركب قطر كريمة من الخرطوم للشمالية ، قام أعطي الكمساري ورقة فئة عشرة جنيه عشان الكمساري يرجع ليهو باقي التذكرة ، والكمساري كان ما عندو فكة ، ويمشي ويجي والرباطابي يراقبو وشفقان جدا علي باقي قروشو ، وكلما الكمساري يمر من عنده الرباطابي ينبهو :- ياخوي الباقي ....ياأخينا باقي العشرة جنيه .... ياأبن العم باقي قريشاتي ماتاكلني فيهن ....وكل مرة الكمسارى يقول ليهو : ياأخي أصبر لحدي ما نلقي فكة .... والرباطابي مصر على النبيح وملاحقة الكمسارى ، وفي منتصف المسافة ركب في القطر مفتش ، وكان لافي مع الكمسارى ولاحظ إلحاح الرباطابى ، فقام المفتش قال للرباطابي عشان يطمنو :- يا أخي ماتخاف علي باقيك ..... الزول داواصل معاك لآخر محطة، وهو راجل ثقة وأمين ومضمون جدا ، فرد عليهو الرباطابي :- طيب مادام هو راجل أمين وثقة ومضمون جدا .... إنت المركبك معاهو شنو ؟؟؟؟؟




أثنين زملاء وأصحاب جدا شغالين في شركة الكهرباء والد وأحد منهم إتوفي ، فزميله لم يعزيه في وفاة والده ، ولم يشاطره أحزانه ، وشاء الله أن يتوفي والد الآخر بعد شهر ، وطبيعي أن زميله لا يعزيه ، لأنه لم يعزيه في وفاة أبوهو التي حدثت أولا ، فقابله زميله وهو زعلان وقال ليهو :- بالله مش عيب عليك ، نحن أصحاب وزملاء وأصدقاء ، أبوي يموت ماتجي تعزيني فيهو ؟؟؟؟ فرد عليهو زميله :- باللـــــــــه !!!!! والدفناهو قبل شهر داك كان كيــبــــل !!!!




رمضــانيــــــات وأحد كان عندو سحور مدنكل جدا ، ورمضان كان في عز الشتاء ، ( جوع شديد جدا ) وصاحبنا نام جوة الغرفة ، وساب الشبابيك مفتوحة ، وقال يصحى قبل الفجر ويضرب السحور ، وشالتو نومة ، و ما صحي الا والشمس داخلة من الشباك وضاربة فيهو ، فقام قفل الشبابيك ، وباب الأوضة ، ووقع ضرب في السحور ، فدخلت عليهو زوجته ، وقالت ليهو بإندهاش :- سجمي ياراجل !!!! الواطه صباح وإنت بتتسحـــر !!!! فرد عليها : يامره سـدي الباب دا .... يسـد حنكــك./




واحد بيسكر ( مع اثنين من أصحابو ) لحدي مايتدمر ويغلبو المشى والوصول لبيتو ، وفوق دا كلو طويل لسان ، ولسانو فلغة، فاصحابو بيشيلوهو في قفة ، وكل واحد بيمسك القفة من أضان لحدى ما يوصلوهو بيتو ، ، وفي يوم الجماعة شايلين صاحبنا وهو مطين وغاطس لراسو في القفة ، شاف واحد سكران وماشي في الشارع يمين شمال و بيترتح ، قام قاليهو :- إنتو وكت ما قادرين عليهو الجابركم شنو ...؟؟؟




عم عباس كان بيسكر مع أصحابو ، وبعد نهاية القعدة الجماعة نزلوهو في طرف الحي عشان يمشى بيتو ، فصاحبنا غلبو يوصل بيتو ، وكل مره يلف ويجي يلقي نفسو في نفس الحتة النزلوهو فيها ، ولمن تعب لقي جماعة قاعدين قدام بيتهم ، فقال لهم :- ياشباب لو سمحتو بيت عمكم عباس وين ...؟؟؟ فرد عليه الشباب :- ماانت عمنا عباس زاتو !!!! فقال لهم :- أنا ما سألتكم من عمكم عباس !!! سألتكم من بـيـتـــو....




واحد من أدعياء الشعر ، قابل الشاعر عمر البنا ( الذي اشتهر بالصراحة الشديدة والوضوح ) واعطاه قصيدة ليعرف رأيه في موهبته ، وجاء في القصيدة مابين الشتاء والصيف توجد فواصـل والزول البريدو حبو سكن المـفاصـــل فرد عليه الشاعر عمر البنا :- ياولدي .... إنت ما عندك شعر .... إنت عندك رطــوبـــة ... أمشي الدكتور أكشـف ....




واحد قابل الفنان الراحل أبوداؤد في عطبرة ، وقال ليهو: والله يا أبوداؤد انا معجب بيك ، وبسمعك في الإذاعة من زمان ، بس ما كنت قايلك أســــود !!!! فرد عليهو أبوداؤد : يعني كنت قايلني قــاورمـــا !!!!




واحد شاب من معجبى الفنان حسن عطية...قال للمرحوم حسن عطية والله انا معجب بى غناك خالص يا استاذ بس مشكلتى ما بفهم كلمات اغانيك كلها....ياريت لو توضح الكلمات فى اغانيك ...عشان الواحد يقدر يفهمك...الاستاذ رد عليهو....يا ابنى انا بغنى....مش بملى........




قابل النميري ( أيام حكم مايو ) الفنان الراحل النعام آدم ، وقال له :- ياالنـعـــــام .... الفنانين كلهم عملوا أناشيد لثورة مايو ، وغنوا لي ، ماعدا انت !!!! ليـــه ؟؟؟؟ فرد عليه الفنان النعام آدم :- أنا بغني للبنـــوت !!!! إنــت بــــت ؟؟؟؟




في اثنين مساطيل راكبين في مركب المركب اتقدت في نص البحر واحد قال للتاني المركب اتقدت قام قال ليهو خليها تتقدي حقتنا هي




بت رباطابية قالت لأبوها ابوى ابوى شوف الفار رد عليها يابت انا كديس ردت عليهو نان انا قت لك اوكلو




واحد زوجته ولدت ليهو ولد وعاوز يعمل السماية وظروفو صعبة مشى لجاره يستلف منه حق السماية جاره قال ليهم والله انا ظروفى برضو صعبة لكن ما لازم تعمل السماية بعد اسبوع ممكن بعد اسبوعين بعدين ربنا يمكن يفرجها عليك اخونا سمع كلامه وقال خلاص يعمل السماية بعد اسبوعين قبل ما يتم الاسبوعين قام جاره سألوا كيف الاخبار ان شاء الله الامور ماشة تمام ، جاره قال ليهو والله تعيش انت الولد مات ، قام جاره قال ليهو انا ما قلت ليك ربنا حيفرجها




واحد مسطول ساق جدو المستشفي الدكتور سالو عمرو كم قال ليهو والله ما عارف لكن من زمان معانا




واحد سكران فى بص قا عده جنبو واحده شينه عاينت ليهو وقالت بس دا شنو السكران ده قال ليهااناسكرتىدىبتفك وانتىالله يفك شناتك دى




واحد مغترب عرس رسلوا ليهوا العروس طرد استلموا .. قاموا اصحابوا عملوا ليهواحفلة صغيرة كدا .. والعريس خجلان شديد..قام قال لى العروس.... اها .. ان شاء اللة التياب طلعن قدرك .




مجموعة من المحس مغتربين فى السعودية قاعدين عطالة قام جاء واحد من السودان وقال ليهم انشاء الله تكونوا كلكم
شغالين ؛ قام واحد قال ليهو مافى شى شغال الا المكيف دا.




فى واحد كلم حبوبتو تلفون من السعوديه وبعدين صدا الصوت فى التلفون ازعج حبوبتو هو يقولة حبوبه كيفك هى تقولو المعاك دا منو




ود الزومة طبعاً مشهور بالمواقف الطريفة مرة مشى حفلة عرس وبعدين جابو ليهم العشاء هو والشلة بتاعتو وكان العشاء عبارة عن فتة باللحمة ولسوء الحظ كان فوق الرز عضم كبير واحد بتاع لحمة قام واحد من الشلة خطف العضم وبدأ يأكل فيهو قام ود الزومة ما كضب وكشح ليك الفتة كلها في الواطة .. الجماعة سالوهو بي زعل : ليه يا ود الزومة عملت كدا قال ليهم يعني هو سرق الجوكر أنا ما بدكها !!!!




واحد اخد خطيبته للحديقه وكانت مشكلتها انها بتنطق حرف الغين ( حاء ) ، اثناء تجوالهم قال لها انتٍ غرامى ، فقالت له
و انت حرامي




فى واحد ماشى وراء بنت فى الشارع وقاعد اشاغلهاقال ليها ماشه سريع كده وراك موعد ؟التفتت وقالت ليه لا وراى حمار !!!



راجل جا خاش البيت زهجان لمن روحو مارقة لاقا مرتو قاليها انتو يا النسوان ما بتعرفو اصو كلمة هاك بس بتعرفو تقولو جيب جيب جيب ,قامت مرتو قالت لي ما تزعل هاك البطاطس دي قشرا لي !!!!!!!!!!؟؟؟؟




ولد مشى لى سيد الدكان .. و قال ليه:" عندك "حلاوة؟ "..سيد الدكان قال ليه:" أيوة ! "الولد قال ليه طيب أدينا ببسى الولد مشى و جاء راجع تانى ..و قال ليه :" عندك "طحنية ؟ ".. قال ليه:" أيوة فى ! "الولد قال ليه:" طيب أدينا سكر سيد الدكان زعل و مشى كلم أبو الولد و قال ليه:" ولدك دة عذبنا.. يسأل من حاجة و ".. يقول داير حاجة تانية أبو الولد زعل و قال ليه:" دة ولد قليل أدب "و لازم يتجلد .. عندك بسطونة ؟ ".. سيد الدكان قال ليه:" أيوة موجودة "أبو الولد قال ليه:" طيب أدينا سوط عنج




قال ليك في ولد أمو حامل شاف بطن أمو كبيرة وقال ليها يمة الفي بطنك ده شنو قالت ليهو ده ما أخوك يا حمودي، حمودي قال ليها بتحبيهو طبعاً زيما بحبك، حمودي قال ليها وقت بتحبيهو أكلتيهو لي؟؟؟؟؟




اثنين مساطيل واحد سأل الثاني قال ليهو: تفتكر يوم الجمعة بوافق أول شهر؟ رد عليهو قال ليهو: والله لو ضغطنا عليهو يمكن يوافق




في مسطول قامت لية حبة فوق عينة عاين لنفسة في المراية قال دي عين و لا غين




سعودي سأل سودني: انت من وين في السودان؟ قال ليهو من بربر.قام السعودي ضحك قال ليهو مالك تضحك ماذي عرعر




رباطابيه ذهبت المستشفى لعلاج بتها الصقيرة وهى صائمه وعند الرجوع بتها اصرت الا تشيلهافهى رفضضت بحجة انها صائم فردة بتها انا قلت ليك ضو قينى




كان في أم ومعا ولدا والولد كان شايل بسكويت ققام وقع منه أمه قالتليهو ما تشيلوا ده لحسواالشيطان قام خلاو ومشو بعد شويه الأم وقعت قالت لي ولده أرفعني يا ولد قاليها أبييييييت إنتي لحسك الشيطان




شايقي ادوه بيتين في الجنة باع الاول واجر التاني لي حبش ومش اجر مع عزابة في النار

واحد اسمه بلة شين شنه شديدية جاوا رباطابي يبارك ليهو مولوده الجديد شاف المولود شين زي ابوه قال ليهو حقو تسميه زاد الطين بله.............
ان شاء الله تكون نالت اعجابكم : مع تحياتي


م

_________________

بـــــــايرة قالت لي واحد نلعب دسوسية
لو لقيتني تعرسني ولو مالقيتني أنا ورا الدولاب
**********************************
مسطول شاف لافتة مكتوب عليها «التطعيم ضد الجدري» قال: ديل لاعبين متين
**********************************
مسطول جابو ليهو ولد بيشبهو شبه شديد قال لي مرتو : دي بطن و لا مكنة تصوير
*********************************
اتنين مساطيل واحد وقع في الصهريج صاحبو إنتظروا جمب الماسورة
********************************
واحد سأل مسطول قال ليو لو سمحت عاوز اوصل المستشفى سريع .. قال ليو غمد و اقيف في نص الظلط
********************************
مسطول وقع في حفرة ، حاول يطلع ثلاث مرات ، قال : دي آخر مرة اذا ما طلعت بمشي
*********************************
في مدرّس نقلوهو جهة الرباطاب ومن أول يوم في المدرسة
لاحظ هنالك حمار في الشارع يتاوق بشباك الفصل ويدعك جسمه
ويمشي ، كل يوم كده قام الأستاذ قال للطلاب : الحمار دا عندو
ود عم هنا ولا شنو؟؟ قام طالب من أولاد الرباطاب قال ليهو : يا أستاذ
الحمار دا بيجي في حصّتك بس !!!!!!!!!!!!!!!!!!
***************************************
مسطول مشوكش ....سألوه عن أجمل بيت شعر شنو؟؟
قال : كلّما نربِّي كتكوت.....يكبر يفوت
***************************************
جعلي أول مرة ياكل لبانة....حلف بالطلاق
ما ينوم إلاّ يكمّلا !!!!ا
**************************************
في مستشفي المجانين قام الطبيب بمرافقة المرضي الي حوض السباحة فدخل كل المجانين الي الماء وهم يقفزون بجنون ويقولون بصوت واحد
نحن الرز العايم في الحله
الا ثلاثة مجانين وقفوا بهدوء يراقبون المشهد وهنا فرح الطبيب وقال لنفسه لابد انهم عقلاء ونفع علاجي معهم فذهب اليهم وسالهم
لماذا لاتقفزون مع زملائكم فاجابوه بصوت واحد
نحن الرز اللاصق في الحله
**************************************
مسطول عمل عملية تجميل جاء داخل لاهلو بعد العملية
قال ليهم على بالقسم ما عرفتكم
**************************************
جعلى فى الطيارة شاف المضيفات
بوزعو فى الاكل قال ليهم
على بالطلاق بتى دى تقوم تساعدكم
*******************************

مره ولد شاف قطه صغيره فى الشارع قال لاخوه
الولد : انا هاخد القطه دى وأغسلها وأربيها
الاخ : لو غسلتها هتموت

وسابه الاخ ومشى ورجع بعد ساعتين لقى اخوه بيعيط

الاخ : مالك يا حماده ؟
الولد : القطه ماتت
الاخ : مش قولتلك لو غسلتها هتموت !
الولد : ماماتتش وانا بغسلها .. دى ماتت وانا بعصرها


(2) مدرس بيسأل التلاميذ فى الفصل
المدرس : اللى شايف نفسه غبى يقوم يقف
بعد شويه وقف تلميذ
المدرس : وليه بقا يا سيدى شايف نفسك غبى ؟
التلميذ: اصلى محبتش اشوفك واقف لوحدك يا استاذ


(3) الاستاذ : فى اى فصل يسقط المطر ؟
التلميذ: فى الفصل اللى مالوش سقف


(4) التلميذ: بحبك يا أبله وعاوز اتجوزك
المدرسه : بس انا مش بحب الاولاد الصغيرين
التلميذ: وانا مش مستعجل على الاولاد


(5) مره مدرس عربى بيملى التلاميذ
المدرس : " ذهب احمد الى حديقه الحيوان يوم الأربعاء "
التلميذ: الأربعاء بالهمزه على السطر ؟
المدرس : خلاص خليها الخميس


(6) المدرس : ماهى انواع الاقمار ؟
التلميذ: قمر طبيعى _ قمر صناعى _ قمر الدين


(7) المدرس : كم عمر ابوك ؟
التلميذ: والله مش عارف بس هو من زمان عندنا


( مره طفل بلدياتنا راح للبقال
الطفل : عمو عندك الشيكولاته ام ربع جنيه ؟
البقال : ايوه عندى
الطفل : بكام ؟


(9) طفل كل يوم يروح للبقال
فى اليوم الاول
الطفل : عندك جبنه يا عمو ؟
البقال : ايوه يابنى
الطفل : طيب هاتلى حلاوه
فى اليوم التانى
الطفل : عندك بيبسى يا عمو ؟
البقال : ايوه يابنى
الطفل : طيب هاتلى عصير
البقال زهق وراح يشتكى لوالد الطفل
الاب : متزعلش . المره اللى جايه اضربه .. عندك عصايه ؟
البقال : ايوه عندى
الاب : اديله قلمين


(10) مره ولد بيسأل امه وهى حامل
الولد : ايه ده يا ماما
الام : ده اخوك يا حماده
تانى يوم الولد راح المدرسه
المدرسه بتسأله : انت ليك اخوات ؟
الولد : كان ليا بس ماما بلعته


(11) بنت بتسأل امها
البنت : هو بابا بيعوم يا ماما ؟
الام : بتسألى ليه يا حبيبتى ؟
البنت : اصلى سمعت بابا بيقول للشغاله انا غرقان فى حبك


(12) مره واحد بخيل ابنه بيقوله :
الابن : بابا انا عاوز ربع جنيه
الاب : ايه ! 20 قرش
اجبلك منين انا 15 قرش
معايا 10 قروش
تاخد 5 قروش


(13) طفل بيسأل ابوه
الطفل : بابا هى البيضه بتمشى ؟
الاب : لأ
الطفل : طيب اشمعنه انت لما تيجى تنادى على ماما تقولها تعاليلى يا بيضه ؟


(14) اب شاف ابنه قاعد لوحده سرحان ... فسأله
الاب : مالك يابنى ؟
الابن : عندى مشكله كبيره اوى يا بابا
العيال اللى قدى اللى بلعب معاهم دلوقتى لما يكبروا
هلعب مع مين !


(15) حلاق وابنه بيتفرجوا على ماتش كوره
المذيع : وكوره حلوه شطها بمشط رجله وجت فى المقص
الابن : الحق يا بابا دول بيلعبوا فى العده !


(16) واحد عصبى اتجوز واحده عصبيه يوم الولاده
الولد قال للدكتور : وسع انت .. أبعد .. ملكش دعوه بيا .. انا هنزل لوحدى


(17) واحد بيستهبل اتجوز واحده بتستهبل خلفوا ولد نزل عمل نفسه ميت


(1 واحد اسمر اوى اتجوز واحده سمره اوى خلفوا ولد ابيض اوى
سموه مش ممكن


(19) واحد كريم اوى اتجوز واحده كريمه اوى خلفوا ولد
ادوه للجيران


(20) واحد ندل ابوه طرده من البيت وهو طالع كتب على الصور ( مقر حركه طالبان )



(21) واحد ندل وصى ولاده وهو فى غرفه الانعاش يكونوا اندل منه
فصلوا عنه جهاز الاكسجين
الاخيرة دى اللى جامدة
)22(بيالك مرة واحد اخنف قابله واحد كدا ساله انت بتشتغل ايه قام الاخنف
قاله :فنان
التانى قاله:مغنى ولا ممثل ولا ايه بالظبط
الاخنف قاله :ياعم فناااان
التانى قاله :طب بتاعمل ايه
الاخنف قاله :بحط العيش فى الفن
جامدين مشتنى الردود الجميلة

..

***جعلى الدكتور جاء طالع من غرفة الولاده قال ليهو أبشر بالخير مرتك جابت تومتين الجعلى قال للدكتور على الطلاق تشيل واحده

*** مسطول شاف جني بالليل و صاحبنا ماحافظ القران قام غنى طلع البدر علينا

***واحد عندو حب استطلاع قالو ليهو لو بطلتا حب الاستطلاع نديك نص مليون ..قال ليهم والنص التاني حتدوهو لمنو

***مسطول اشترى خروف ضعيف شديد ..ابوهو قال ليهو دشنو الخروف الضعيف ده قال ليهو ماتشوف الجسم شوف العيون كيف؟
....................
***بخيل دخل مع ابنه سوبر ماركت الولد قال لأبوه : بأحب الشوكولاته أبوه قاله : حبها ورجعها مكانها

***سكران أبوه مات وداه مغسلة الاموات وقاليهم بالله غسيل وكي مستعجل

***ندل أبوه طرده من البيت كتب على البيت مقر تنظيم القاعدة

***مدرس سأل تلميذ عبيط : مين الحيوان اللي يصحّينا لصلاة الفجر ؟ قال له : أبويا

***مسطول سالوهو منو من الانبياء كان بتكلم مع الحيوانات
قال ليهم طرزان
...........................
***سكير لاقي ست العرقي في الحج
حلفها قدام الكعبة
تاني ما تزيدو موية .

***مسطول متفلسف سألوة
إنتربول يعني شنو؟
قال ليهم يعيني كفر جواني

***مسطول جا جنب يافطة
طلمبة أجب
طلع بالسلم وكتب بعدها
بلا أو نعم

***مسطول بيضرب بوهية
قالو ليهو خت جريدة تحتك
قال: لا لا كدة محصل

***أنصار سنه مشو رحلة
الأولاد مشو الجريف شرق
والجكس مشو الجريف غرب

***مسطول سألوهو ماهو الحب؟
قال ليهم : أكوله في القلب ما بتقدر تحكها

***سواق حافله مسطول الكمساري قال ليه: اللستك نزل, قال ليهو: ما تشيل منو


***مسطول دقنو كبيره دخل الجامع لأول مرة واحد يسأله يا شيخنا فاتتني ركعتين أعمل شنو؟ قاليهو في زول شافك؟ قاليهو لا, قال ليهو: أعمل نايم .


**مسطول دخل عنبر في المستشفي لقى واحد مركبين ليه درب و التاني عنده شلل رعاش
قال ليهم ده مستشفي شنو دي واحد خاتينو في الشاحن و التاني على الهزاز

**مسطول قامت ليه حبة فوق حاجبه .. وقف قدام المراية وعاين ليها وقال : هسة دي يقولوا عليها عين ولة غين !!؟؟

**مسطول مرتو ماتت قالوا ليه :نديك اختها قال:دي نسابة ولا شركة تأمين

واحد مسطول محكوم عليهو بالاعدام كل ما يجي يشنقوه ، الحبل ينقطع ....عاين للسجان وقال ليهو وهو متغاظ ..
احنا جايين ننشنق ولا جايين نلعب!!

**دنقلاويه فتحت جواز راجلها لقت مكتوب رجل اعمال
مسحت اعمال وكتبت عوضيه


**مسطول عجبتو بت في الحافلة لما
نزل شال رقم الحافله

حلفاوي جا يستلم مرتبه آخر الشهر
الصراف قال ليه خصموا منك 50 ألف للتبرع لفلسطين
قام زعل( تلت الراتب راح )
رجع للصراف وأداه باقي المائة ألف وقال ليه
طيب أدي الباقي دا لشارون خلي يطلع دينهم


حنكوشه بتحب زميلها في الجامعه من اهل العوض
في عيد الحب اهدتو ببغاء
تاني يوم سالتو : بالله رايك شنو في الببغاء ؟
قال ليها : طعمو جداد جداد.

1/مرة واحد حشري شاف حادثة والناس ملمومين عليها قام رايح وسأل واحد من الموجودين الحاصل هنا شنو يا اخونا...؟؟ قال حادثه وفيها ميت ، قام رايح وقال وسع يا زول انا عم الميت ...افتح الطريق انا عمّ الميت ... الناس عاينو ليهو باستغراب ووسعولو ، الحشري انبسط شديد وراح داخل وفجأة......... لقي الميت حمار !!!!




2/ مسطول دخل يدو في موية نار طلعها ناقصة دخل راسو يشوف الباقي وين!!!





3/ مساطيل جاتهم كشة في البيت طفوا السجارة وقعدوا كأن لم يكن شيئاً...
سألهم الشرطي: الدخان ده جاي من وين؟ قالوا: والله ياخي البيت ده اجرناهو كدا



4/ مسطول سأل صاحبو قال ليهو: الشيء
البقول ناووو وبطير ده شنو؟
قال: كديسة وشايتنها شلوت!!

مساطيل مدورييين سجارتم جمب المقابر اثناء ماهم قاعديييييييييين جوا ناس شايلين ليهم جنازه واحد من المساطيل شاف الجنازه قال لاصحابو لاااااااااااحولا شوف ديل لافينا قدر كيف

مسطول طالع في سلم بدق ليهو مسمار في حيطه قام المسمار وقع منو قام المسطول قال للمسمار تعال فوق المسمار قال ليهو ما طالع المسول قال ليهو اخير ليك تطلع المسمار قال ليهو ما طالع قام المسطول رمى باقي المسامير وقال ليهم جيبوووووووووو

حلفاوي قال ما ممكن رمضان يكون كل اربعه سنه في دوله

عجوز كبيرة من اهل العوض بتاخد فى حصة محو اميه وكان الدرس عن دخل حامد وخرج حامد
كل ماالاستاذ يقول دخل حامد تقوم المرة تغطى وشها
ولما يقول خرج حامد تفتح وشها
لما رجعت البيت زوجها سأله اها الليله ادوكم شنو؟
قالت ليه هو حامد خلانا نقرا طالع وداخل فينا

واحد من جماعتنا اهل العوض ماشى مؤتمر فى صالة,
قالوا ليهو: الموبايل ما بدخل الصالة ...
قال ليهم: أنا بايل من الصباح !!

واحد اسمو بله شين شنه شديده ولدو ليهو ولد جارو رباطابي جاء يبارك ليهو الولد لقه الولد شين قال ليهو حقو تسميهو زاد الطين بله

جعلي سألُوهو عن الغُربه كيف قال والله الغربه شِدة ما حاره تلاقي الشايقي في الشارِع تسلِم عليهو

مسطول صبح صايم اتصل عند الظهر بما يطلبه المستمعون وطلب مقطع من اذان المغرب

جعلي مات ولدو قاعد جنبو قام فرفر الولد جرا لي عمو قال ليهو ابوي بفرفر عمو قال ليهو اسكت كمان يقولو الجعليه مابعرفو المووت الليله كان قام رقص دافنينو
فى واحد قابل واحد زميله بيجرى سألو مالك قال ليهو مرتى أكلت 5 كيلو سمك جاها تسمم.. قال لاحول الله وانت ماشى تجيب ليها الدكتور؟ قال ليهو: لا ماشى أجيب ليها 5 كيلو تانى

مسطول قال لصاحبو ارسم على ظهري مربعات ..ورقمها من 1 إلى 20 ..لما خلص . قال ليهو حك لي المربع رقم 15

مسطول رجع بيتو ما قادر يفتح الباب نادى لي ولدو قال مين ؟ رد عليه أنا أبوك الباب ما فتح معاي : قال ليهو أرسل ليك المفتاح ؟رد عليه لا المفتاح معاي رسل لي خرم الباب

مسطول وكضاب . قال لصاحبو مرة ضربتني الكهرباء وطلعت صورتي في الفاتورة

مساطيل قالوا عاوزين يعملو مظاهرة ضد امريكا .. قاموا لبسوا واحد صورة بوش وحرقوهو




_________________

رباطابى غسل ايدو في الجدول
جا واحد قال ماتغسل ايدك في الجدول الموية ماشا علي الخدار
رد ليو ماقايل الخدار بطنو بتطم

اتنين مساطيل قاعدين في البحر جا بي عندهم <صندوق>كبريت شايلو الموج واحد فيهم قال للتاني لو عرفت ليك الجوه الصندوق ح تديني شنو؟داك قال ليهو:ح اديك الصرفه الاولي.

اثين مساطيل واحد سوداني والثاني مصري .. قاعدين في جلسة انس ..
السوداني قال للمصرى : يا اخي الدنيا دي كلها مآســي ..
رد عليه المصري قال ليهو : يا يا .. هو ماسك ( يقصد مقاسك ) دا كم ؟