قالو الآليات في طابت والبداية من الهدى ,كلام جميل وبشارة خير ودارين نسمع طوالي اخبار سارة ,وكان لقينا زول من ناس اللجنة ادانا كلام في المليان يكون كويس والسني حاليا اكتر واحد متابع قالو سجل في المنتدى لكن ماشفنا.

ياوليد سلام
بشر الله بالجنة قول امين
في خشمك اللبن
وفي قدم ناس اللجنة الخير (الظلط)
واللهم اسمعنا خير وارينا الظلط وقرب بعيدنا وبعد عدونا وسهل امرنا
الظلط ماصعب بس بحتاج لحسن الظن بالله وتماسكنا ووحدتنا وصفاء النية
والنظر لقدام وراء دا خلوه هسع
ودالامين

فى الايام المنصرمة القليلة قرات على شريط اخبار تلفزيون السودان انة تم الاتفاق بين بنك لم اذكر اسمة ولاية الجزيرة على تمويل 40كلم ظلط
قلت ياربى مافيهن ال15كلم حقتنا
عليكم الله فتشوا الموضوع دا
لانو طريق الهدى الفريجاب كل ماسنة بيجى فى ميزانية الولاية بس لضعف التمثيل وقلة المطالبة من الجهات الرسمية والشعبية لايجد حظظة من التنفيذ
فهى دعوة للمطالبة بة فما ضاع حق وراة مطالب

التقراه ينفعك ياود أبشنب_وماداير اسأل وليد من الجديد_أأنا أأنا بحب المفاجآت

في اتصال هاتفي بالسيد الصادق السني لمرفة الخبر عن خطاب الهيئة الغابية بخصوص التشجير اخبر بانه لم يستطع تسليمة بعد للهيئة بفرع مدني ولكنه في الايام القادمه سوف يجتهد في ذلك، وقد افاد من الشركة التي سوف تنفذ لطريق سوف تاتي غدا بالاياتها لعمل المعسكر وبدء التنفيذ وقد كان ذلك الاتصال في الاربعاء اما ماذا حدث الان فالله اعلم .

الحبيب حسن
شكرا لك للمتابعة
وهذا فى حد ذاته انجاز
ستاتى الثمار مهما تاخر الزرع
والهميم ود السنى اتمنى الا يكون الحمل كلو عليه
وانا اعرف انو قلبو حار وشيال حمول
ونداء نوجهه عبركم الى كل الذين
يمثلون الهدى فى كل المواقع داخلية وخارجية
ان يرفعوا راية التحدى بالانجازات
لكثير من المشاريع التى هى فى مرحلة التنفيذ
وعلى راسها طريق الهدى الفريجاب
مرة شكرا حسن
ودمت

الليلة ناس وزارة التخطيط العمراني رسلو تيم قام بالمسح النهائي من الفريجاب للهدى وبعد الفطور سألناهم اها الزلط حقيقي ول حلم ؟ قالو تم الاتفاق مع شركة شريان الشمال وبعد العيد مباشرة التنفيذوالزيارة دي اخر مرحلة في النظريات.

الاخ الكبش سلامات واشواق

ان تم هذا يكون زلط العيد .. والحمد لله الدخول فى

مراحل العمل والتنفيذ .. اها ردميتى مانفعت ؟!

بقت تيراب زلط!!

بشركم الله بالخير دائما انشاء الله ربنا يجيب الظلط ويكثر كمان الظلط (بالمناسبه الظلط باليمني هي الفلوس) يعني ظلط + ظلط = المتعه والرفاهيه للهدي و كل المنطقه
وأكيد الظلط بجيب الظلط

بالامس القريب يوم الاربعاء 10/11وصل الي الهدي مهندسي الطرق وبداء ترسيم العلامات حتي المستشفي والاليات في طابت لتكملة جزء بسيط علي حسب قولهم. ربنا يوفق

خبر جميل
ربنا يدى كل الناس , سيارات عشان الزلط دا يارب آتوس و ياريس لكل زول في الهدى

كدا ياهيثم ما ضيعت ناس الركشات الشيلنها بالاقساط!!

تيراب زلط دي سمحة
بكرة ناس البنك يجوك
للفواتير عشان تدي المزارعين

ناس البنك هينين .. لكن آكباشى تقوم تجيب ناس الضرائب .. يحسبوها ليك من زمن الردمية وحتى بعد شالوها ناس الكوارو وقريدر السنى ..والله حق الزلط الجديد دا مايحلنا !!

يا ناااااااااااس
الظلط خبرو شنو
ولا العيد لسع ما أنتهي
هل هناك جديد
أفيدونا أفادكم الله

الاخ صديق
ذكر لى الاخوة فى الهدى .. ان هناك اعداد لزيارة مرتقبة لدكتور سيف حمد للهدى برفقة وزير التخطيط العمرانى و مندوب شركة شريان الشمال (المنفذة) وذلك لحضورضربة البداية للمشروع .. وعلى هامش ذلك تم التصديق من الوزارة بعدد واحد قلاب ولودر لعمل ردميات داخلية للاماكن المنخفضة والمتأثرة بالخريف وبالاخص داخل السوق وشارع النص ..
وبالفعل الان الاخ السنى يجوب الطرقات بذاك القلاب و يردم هنا وهناك حتى اننى لم اجد فرصة ان التقيه خلال زيارتى القصيرة للهدى يوم امس
[ندعوك للتسجيل في المنتدى أو التعريف بنفسك لمعاينة هذه الصورة]

مشكور يا أخ وليد علي الافادة
ان شاء الله يكون ظلطنا زي دا وأحسن كمان
ولك تحياتي

نحييك يا صديق على الاهتمام والمتابعة وان شاء الله نسمع كل خير

ياجماعه والله بالطريقة بتخلعوا ليكم زول
كلما البوست ده يترفع تترفع قلوبنا معاه
نقول خلاص الزلط بدأ نقوم نلقاها امنيات
ياوليد انت كتبت الموضوعين الهامات في الساحة الان
جبت خبر الزلط واقترحت موضوع التشجير والناس تجاوبت معاك فيه مافيه الكفاية
ف لو تكرمت تابع واتصل تلفونات وورينا وقفت وين وعايز شنو بالزبط ماعايزين مواضيعنا تكون فتح بوستات بس المتابعه والملاحقة من اهم اسباب نجاح المشاريع
وكلو بثوابو

عايزين اخبارك تكون حلوة زي مواضيعك واذا جبت الاخبار الحلوة
اول ما الاقيك ح اضبح ليك سخلة بس مامعروف ياتو واحدة
أجهَز للمرارة والشية ومنعول الطاري داك الا تجيبوا براك بقينا ناس بيبسي ساااااااااااي

عادل خياري كتب:

عايزين اخبارك تكون حلوة زي مواضيعك واذا جبت الاخبار الحلوة
اول ما الاقيك ح اضبح ليك سخلة بس مامعروف ياتو واحدة
أجهَز للمرارة والشية ومنعول الطاري داك الا تجيبوا براك بقينا ناس بيبسي ساااااااااااي

الحمد لله اخيرا هديت وبقيت زول بيبسى !!

انا مشيت الهدى قبل اسبوعين وتقابلت مع الاخ حسن الصافى فى عزاء الخالة هجرة بت البشير .. ووضح لى انو الموضوع عدم متابعة وانشغال
منو ...... لكن وعدنى بمتابعة الموضوع بنفسه والذهاب لمدنى لاحضار الدراسة .. وانا وضحت ليه اهمية الموضوع وانو تكليف من قبل الاخوة فى المنتدى لشخصه
وموضوع الزلط اصبح وشيك وانت زى ما عارف الحكومة روحها طويييييييييييلة

روحها طوييييييييييله
والببسي حقها باااااااارد
البوست دا لازم يكون قدام عيونا طوالي عشان ما ننسي انه في حاجه اسمها ظلط وهي في الطريق علي شارع الظلط

صديق خالد عوض الكريم كتب:

روحها طوييييييييييله
والببسي حقها باااااااارد
البوست دا لازم يكون قدام عيونا طوالي عشان ما ننسي انه في حاجه اسمها ظلط وهي في الطريق علي شارع الظلط

صديق سلامات

والله اضحكتنى جدا هذه العبارة ....... وطبعا هذا البيبسى تأصيل لذاك المشروب !!

وان شاء الله ربنا يحقق هذا المشروع الحلم

وعلى قول عمنا ود الخضر : سألناكم الفاتحــــــــــــــة ..

ياوليد بعد سخل عادل خياري وعلي طريقة .... سألناكم الش ........
جنبك مجموعة التأصيل ولا براك
.....الشاي

الاخ مضوى

لك التحية على المرور .. ونعتبر هذا البوست قومى وذلك لقومية مشروعه !!

سخلة عادل - وكلبة عادل - مرارة عادل - شية - عادل - (ششش .......... بيبسى )عادل

انت الزول دا مشى امريكا متعهد حيوانات اليفة ولا جزار ؟؟

ونحيى التاصيل وتجميل المفردة ...

لكن لو قاصد شاى وعند العصر قول يا بكرى النور......!!

الاخت ام ضحى سلامات

نسأل الله ان يكلل مساعى الاخوة القائمين على امر هذا المشروع بالنجاح والتوفيق

والحمد لله بوادر وبشاير تحقيق هذا الحلم بدأت تلوح فى الافق ..

وانشاء الله نوافيكم بكل ما هو جديد

اخ وليد هذا احلى واول خبر تلقيته منذ اشتراكى فى منتداكم العامر بكم ونتمنى من المولى عز وجل ان تتواصل مثل هذه الاخبار السارة

الاخ معـــــــــــــز

نسأل الله ان يكون ما تتلقاه عن الهدى من أخبار دومـــــــــا فى خانة الاخبار السارة والمفرحة .. وان يتمم لنا هذا المشروع الكبير..

كباشى خيارى كتب:

اخر حلقات التنمية بالهدى الحلم الذي راود الاتوس والكليك واقلق منام السياحي الذي انتظر في الذاكرين كثيرا شوقا لرؤية هدى المتقين ، تم دفع الشيك لشركة شريان الشمال في حدود ال 13 مليار والباقي التنفيذ نامل ان يرى النور

وهــــــــــا هى البشــــريات تلـــــــــــــــــــــــوح

وعند كباشى الخبر اليقين

وليد التلب كتب:

وهــــــــــا هى البشــــريات تلـــــــــــــــــــــــوح

وعند كباشى الخبر اليقين

لك التحية الأخ الحبيب وليد
ابننا المصعب .. وأم المصعب .. وصلوا اليوم قادمين من السودان .. وأكدوا لنا بأن العمل يجري على قدم وساق في مشروع الزلط .. الحلم الذي سوف يربط الهدى بالعالم الخارجي .. وقريبا جدا كما قال الأخ كباشي سوف نري السياحي والأتوس .. جوا السوق ..

ياطارق مامون الخير والبشارة على قدوم الواردين ,, وحمد لله على وصولهم سالمين

يحملون حقائب الاشواق ,, ودعوات الاهل بالتوفيق والسداد ,, وكذا يأتون بالاخبار الحلوة

كسرة خفيفة كدا

ما جابوا ليك كرتونة كدا فيها (شرموط مجفف وبصلة محمرة وويكة ودكوة وحجر ويكاب) ؟؟

وليد التلب كتب:

كسرة خفيفة كدا

ما جابوا ليك كرتونة كدا فيها (شرموط مجفف وبصلة محمرة وويكة ودكوة وحجر ويكاب) ؟؟

تشكر يا أخ وليد .. ونأكد لكم وصول كل ماذكرت إلا حجر الويكاب دا !!

وايضا نتحمدل لك بسلامة وصول الكرتونة وهى خالية من الكلسترول أقصد الويكاب !!

وبكون قال لناس الويكة وام تكشو والجماعة ديل : امشوا انتو أنى بنجو مع العفش .. !!!

وليد التلب كتب:

وبكون قال لناس الويكة وام تكشو والجماعة ديل : امشوا انتو أنى بنجو مع العفش .. !!!

لا قال ليهم أنا بجي في السياحي مع الزلط ..

تحيه لكل المتداخلين ونشكركم علي الاخبار الحلوه حلاوة هذا المنتدي الذي جمعنا علي الخير.
يا طارق الحمدلله علي سلامة الأهل وبدل من حجر الويكاب جابوا ليك حجر الزلط.
يا ناس خلاص نفرح ولا نصبر شويه خوفا من النكسات والانزلاقات.
لكم تحياتي

احلى خبر سمعتة هو زلط الهدى الفريجاب (اللهم ياربى اكون خبر صحيح عشان نرتاح من الدقداق والوحل فى الخريف وترعة مهيلة )

الظلط وماأدراك .حلم يبدأ تحقيقه غدا باذن الله (الاحد ) ظلطنا ولا طيران الخليج والله يبشركم بالخير