الدكان في البلد منتدي فكري وثقافي فيه الندوه العفويه والجلسه الاجتماعيه . كان الدكان في سالف العصر
والاوان إتكاءه للناس ومرقه عصريه وجلسه مغربيه وعشوه بالفول والطعميه ، زمان مافي تلفزيون غير
النادي الكبير والتلفزيون الاسود (بطاطس) في الهدي ازدهر دكان رحمه امام الشاب الانيق الظريف
في ذاك الوقت الذي جاء الي الهدي بكل ظرافه وثقافة وحضارة الحلاويين ووجد اهل الهدي يتغنون
بود حبوبه اب كريق.
كان دكان رحمه دكان للخردوات وكافتيريا للمشروبات خصوصاً الليمون الاصلي البارد المندي
الكبايه بي قرشين ونصف والداندرمه التي عرفناها قبل ان يعرف اطفال هذا الزمن spestoon
وكانت الكوكا كولا والبزيانوس والحليب البارد والفول والبيض . كنا نحن صغار نريالعم رحمه
بكل اناقه يقف امام بنك الدكان ويخيل الينا انه ساحر عظيم ومدهش يقدم كل ما لذا وطاب من اكل
وشراب.
حليل ايام رحمه الذيادخل اصناف راقيه واطباق شهيه وبضاعه اصليه واصيله ليست ماسوره
زي( وارغو) التحيه للعم رحمه امام وغد عاده الي موطنه الاول ( مناقزا الحلاويين) ويعيش هناك
كما يعيش علي اجمل زكريات الهدي كما تعيش الهدي علي زكرياته.
وعشتم وربنا يخفف المعيشه ونلتـــــــــــــــــــــــــــــــــــــقي
الرف القـــــــــــــــــــــــــــــــادم قهوة حسن البله

كيفك ابو ريان ..

نشكرك على هذا التطواف .. والمرور بمحطة من محطات الزمن الجميل .. رحمة امام وابنه امين رحمة ..والفول المصرى .. وهاك ادينى نص محشى !!

وليد التلب كتب:

كيفك ابو ريان ..

نشكرك على هذا التطواف .. والمرور بمحطة من محطات الزمن الجميل .. رحمة امام وابنه امين رحمة ..والفول المصرى .. وهاك ادينى نص محشى !!

-------------------------------------------------------------------------------------------------------------------

يا باشمهندس اشك انت كبيـــــــــــــــــــــــــــــــــر اكبر مننا كتير

محمد طيب الحكاية ما مسألة كبر .. لكن انا تربيت مابين فريق الكواهلة وفريق الحلاوين وكثيرا ما امر بدكان عمك رحمة .. وامين رحمة دا كان فاكرنى من شفع الكواهلةبتاعين المشاكل وبحاول ينتقم منى و ادانى علقة وقال لى الجابك فريقنا شنو ؟؟ وطبعاانا بعد داك استعنت بى ناس (الفرطيقى )ومن يومها .. بقيت ملك الطريق !!

محمد طيب و, وليد التلب , والله أول مرة أسمع بي دكان رحمة دا. ارجو تحديد موقع الدكان دا كان وين ؟ المعروف و المشهور دكان عكاشة و صاحبنا الصادق عبد الرحمن الشريف , له التحية هو الان متواجد بمكة , ( زكر لى أحد الأحباب و زميل دراسة بأن الفرطيقي و شفع الكواهلة كانو من أهم أسباب مغادرة الكثيرين لمقاعد الدراسة مبكرا , )

هيثم إبراهيم محمد الشيخ كتب:

محمد طيب و, وليد التلب , والله أول مرة أسمع بي دكان رحمة دا. ارجو تحديد موقع الدكان دا كان وين ؟ المعروف و المشهور دكان عكاشة و صاحبنا الصادق عبد الرحمن الشريف , له التحية هو الان متواجد بمكة , ( زكر لى أحد الأحباب و زميل دراسة بأن الفرطيقي و شفع الكواهلة كانو من أهم أسباب مغادرة الكثيرين لمقاعد الدراسة مبكرا , )

----------------------------------------------------------------------------------------------------------------

دكان رحمه قدام المسجد العتيق مباشره وغرب منزل المرحوم حاج حمد عبدالله التويم له الرحمه والمغفره
اما دكان عكاشه دكان العم رحمه قبله بعشرات السنين اما عكاشه دكانه حديث عهد قريب يعني كان فطرت عند عمك رحمه ما بتنسي الدكان مدي الحياة ربنا يديهو الصحه والعافيه

دكان رحمة الآن دكان ود الضالع ..لكن بتتزكر دكان
الامين الدرديرى ؟؟

الاخ وليد
دكان ود الامين نحن خاتنو في الرف الدور ماشي عليهو

والله يا محمد ووليد بعد شوية تقولوا حاضرين حوش السيد خالد ....

لك التحية الأخ محمد الطيب وأنت تذكرنا بالجار الحبيب رحمة امام ( له التحية وكافة اسرته الكريمة ) ..

وفعلا كانت أيام .. جميلة عندما نأتي بعد المذاكرة ونأكل الفول اللذيذ المصلح مع الطعمية .. دكان لاينسي حقا .. وادينى نص محشي ( فول ورغيف )هههههها زي ماقال وليد التلب