الدهن في العتاقي ..

كلمة العتاقي مأخوذة من التعتيق أو التخمير .. أو التقديم( من التقادم ) لمزيد من التجويد ..

هذا المثل يضرب ويقال للخبرة أو للناس الذين عركتهم الحياة كثيرا ومرو بتجارب كثيرة .. واصبحت لهم هذه التجارب زاد ومعين .. واصبحت لهم لكل معضلة في هذه الحياة حل ورأي سديد وغالبا ما يكون هذا الرأي هو الى الصواب أقرب ..
الإنسان كالمطــر ..
ليس معروف نفعه في أوله أم في آخره ..
هطل كثيرا غزيرا أو قليل ..

وفي كل الأحوال هو قطعا نافع ..وله نفع للناس ..

فجودوا أعمالكم .. وعتقوها ..حتى تنفعوا ..

طارق يامعتق نحييك على هذا التعتيق!! وفعلا حققت

المقولة ( الدهن فى العتاقى ) وايضا قالوا الشجر

الكبار فيهو الصمغ ..!!

الحبيب وليد
وأيضا في نفس السياق الماعندو كبير يشتري ليهو كبير وذلك لأهمية الكبار ( الخبرة ) في حياتنا ..

لك التحية على مرورك

ابو وضاح سلام
اثبت العلم الحديث أن الكلسترول في الدهن وبذلك يكون المثل الكلسترول في العتاقي
أما الخبرة لم تعد بعامل التقدم في العمر بل بالخبرات المكتسبة والاستفادة من التجارب التراكمية للغير
( شوف السودان اليوم بعد 50سنة بدأ في التفكك لو كان عندنا خبرة سياسية ما كان دا حصل )

زي ماقال هيثم الناس اللي عندها خبره عملت شنو؟؟؟؟

يا حسن تحياتى

الغريبة انك مازيلت تعليقك بتلك القهقهة العجيبة!!

وليد التلب كتب:

يا حسن تحياتى

الغريبة انك مازيلت تعليقك بتلك القهقهة العجيبة!!

المغصه ساااااااااااااااااي حمتني اضحك
ههههههههههههههههههههه

الأخ هيثم الشيخ

العلم الحديث حدث الدهن الى كلسترول .. ودي محتاجة الى ناس لغة .. هل نحن في حوجة الى تحديث الأمثال لتكون متماشية ومواكبة للعصر .. على وزن فقه الضرورة ..

السودان كلو خبرات .. وأول دولة عربية مارست ديمقراطية حقيقية قبل كل البلدان العربية .. ولكن هي أطماع وليست عدم خبرة وصلتنا الى مانحن فيه اليوم من إشكالات ..

الأخ / الأبن وليد

مرورك أسعدنا .. لك التحية .

الأخ حسن

لولا الناس العندهم خبرة لما أنت الآن في الصين وبكين تحديدا لتكتسب من خبرات الناس ديلك عشان تجي وتمسك شركات البترول بدلا من الصيين ..

طارق مامون كتب:

الأخ حسن

لولا الناس العندهم خبرة لما أنت الآن في الصين وبكين تحديدا لتكتسب من خبرات الناس ديلك عشان تجي وتمسك شركات البترول بدلا من الصيين ..

ياحبيبنا والله شووووووووووووووق الشوق
انا بتكلم عن الخبره بتاعتنا هنا
ناس بره بدون خبره بمشو السوق اقصد البلد
اها اقدم الديموقراطيات عملت لينا شنو غير الهم والغم

الشجر الكبار فيه الصمغ
لابد من اصحاب الدرايه
والخبـــــــــــــــــــــــره

محمد الطيب ابراهيم كتب:

الشجر الكبار فيه الصمغ
لابد من اصحاب الدرايه
والخبـــــــــــــــــــــــره

لازال السوال قائم

هل تعلم يا طارق انو كلمة العتاقى تعنى العلبة !!

قول لى كيف ؟؟

زمان ما سمعت احدى العمات تنادى للحبوبة يمة يا يمة الودك وين ؟؟

الحبوبة تقول : شنو يا بتى ؟؟ الدهن ؟؟ الدهن فى العــــلبة !!

ولا كيييييييييييييييف ؟؟

قال زمان سمعتا .. يأ أخي ات شكلك كدا مابعيد مننا خالص .. يا بتاع الودك إنت ..
وهو كلامك صاح الودك زمان بختو في العلب .. لكن ما أعتقد المعنى المقصود هنا العلبة .. بقدر ماهو يعنى التقادم ... والله أعلم

يا طارق دا معنى مجازى .. بتاع فرفشة ساى !!
لكن كان بقينا فى الجد هسى هيثم بجى ناطى لينا بلسان العرب !!