الأطفال احباب الله ..
أحزن كثيرا .. وأنا اري إبني الصغير هذا الذي ترونه في الصورة واسأل نفسي دائما متي يشعر بأنه طفل ؟
يعلب بجميع أجهزة الألعاب وهو بارع في تختييم كل المراحل الصعبة .. لكنه لم يلعب بالطين ولم يري موية المطرة .. ولا جرى خلف كديسة( قطة ) .. لأننا صراحة وهذا ليس خطأه لم يري السودان وهو الآن في الرابعة من العمر .. ومادخل في حضن حبوبة ..

ولما يحب أن يقابلني بحضن : يقول لي بابا : ( خش في المسكوول )؟
هل هي الغربة والبعد عن الوطن سرقت أحلامنا وحتى الطفولة من ابنائنا ؟

أذكر قبل فترة قرأت في دورية بريطانية.. تدعو الأباء والأمهات لترك الأطفال يلعبون في الطين والوحل لأنها تزيد من مناعتهم .. وتزيدهم قوة .. يعني بالعربي كدا .. مافي داعي للنظافة الشديدة .. خلوا الأولاد يتسخوا قليلا .. فهي افيد لهم .. وتزيد من مناعتهم .. يعني كل أنواع اللعب التى لعبناها ونحن صغار .. كانت في محلها ومفيدة ..

رجاء ايها الأباء والأمهات دعوا الأطفال يلعبون في الطين والوحل حتى يشعروا بأنهم اطفال ..
ولكم محبتي ..

بسيطة يا عم طارق كدي يوم جمعة كدا سوقو على كرينتيا وحواري جنوب جدة علي الحلال الطين الفيها بس تقول كسرت ترعة معايش علي الحواشات الفي نمرة 30 دا عشان الطين أما القطط ( كدايس ) جيبو يوم سوق السمك علي الحلال الكديسة مدوعلة زى عتان ود الجربان أكان ودوها سوق الهدى توزن 13 ك

يا ود لا الطين لا !!

عبارة كثيرا ما قطعت علينا اجمل ما شيدناه من دمى وتماثيل جميلة إبان الطفولة .. ياطارق .. البصلة المحمرة والشرموط المجفف والحاجات الوحم دى البرسلوها ليكم مع كل طلب تشهى !! ياخ اطلب ليك معاهن كوريك كوريكين تراب خلى الولد يلعب وينبسط وبعدين يعمل حساب النظارة..

الأخ هيثم
لك التحية . ـ

قطعا طين حواري جنوب جدة والكرنتينة.. لاتشبه طينا ووحلنا .. طينا غير . اما الكدايس ( القطط ) فعلا هي كما تفضلت من الأحجام التى تجعلك تحوقل وتستعيذ ..

الحبيب أخوناوليد التلب

القصد من هذا البوست هو ما إستهللت به مداخلتك ..
ياود لا .. الطين لا . يعنى المقصود ترك الحرية للإطفال لممارسة اللعب دون خوف عليهم من الطين والوحل ..دون هذه الموانع واللاءات .
لك التحية

الحبيب ابو وضاح
لك التحية والود
حقيقة ترك الاطفال يلبون بحرية مع التوجيه
الذى يصب فى تشجيع اللعب من واقعه وحياته
وتشكل البيئة فى وجدانه
خارطة طريق لمستقبله
وساستدعى ذاكرتك باستاذنا حسن حمدان(نرسل له تحية تقدير واحترام)
عندما كنا فى الصف الاول بالهجرة وهو يدرسنا كلمات باللغة الانجليزية
مستبعدا استخدام اى كلمة باللغة العربية
حينما كان ياخذنا الى كنبو الفلاته فى المجاور للمدرسة شمالا
كان يمسك بالدجاجة ويقول(this is a hen)
ويمسك بالماعز ويقول(this is agoat)
وهكذا ظلت راسخة كل هذا العمر
فالطفل قابل للاستيعاب سريعا
وله قابيلة اقوى لتخزين واستدعاءالمعلومات
ولقد شاهدت طفلا مصريا يحفظ القران بارقام الايات
اما التوبيخ والمنع والضرب
فدائما تاتى بنتائج عكسية
والممنوع مرغوب
ودمتم

اخونا وحبيبنا وولدنا في الله
اخبارك
حالك
احوالك
مشتاقين والله كميات
ياخي رسل الولد في الاجازات خليهو يلعب بالطين شويه ويشم هواء السودان قبل مايتلخبط عليهو الاختصاص ومايعرف هو تبع لياتو سودان اصلا
ههههههههههههههههههههههههه
اديهو فرصه يشوف اخر سودان موحد
هههههههههههههههههههههه

الحبيب ابو محمد

لك التحية . وأنت تستدعى الذاكرة بإستاذ قامة ألا وهو الأستاذ الفاضل المربى حسن حمدان ( له التحية ولكل الذين رسموا لنا خارطة طريق نهتدى بها ) فعلا تلك ايام لا تنسي ربط التعليم بالوسيلة المباشرة فكانت المعلومة راسخة حاضرة الى يومنا هذا ..

اما ترك الحرية للإطفال للعب مع التوجيه فهذا هو المطلب والقصد .. كما وأيضا يجب ترك حرية الإختيار للطفل اللعبة التى تناسبه .. وتشجيعه على ذلك حتى تنشأ عنده حرية إختيار أشيائه بنفسه ويكون مسئولا عنها فيما بعد ..
اللعب في الطين والوحل .. والإتساخ اثبتت الدراسات بأنها مفيدة تقوي من الطفل وتزيد من مناعته .. وليس العكس كما يدعى البعض بأنها تسبب الأمراض .

أجدد لك التحية على مرورك .

الأخ حسن
لك التحية . ـ

إنشاء الله سوف يرى السودان الواحد الموحد بإذن الله ونسأل الله ان تزول كل هذه الهواجس ويحتكم الجميع الى العقل ..

طارق مامون كتب:

الأخ حسن
لك التحية . ـ

إنشاء الله سوف يرى السودان الواحد الموحد بإذن الله ونسأل الله ان تزول كل هذه الهواجس ويحتكم الجميع الى العقل ..

هههههههههههه ده ما كلامك
هههههههههههههههههههه
نفس لغه الجماعه
هههههههههههههههههه
شكلك عندك جيه السودان قريب قلت نتعلم لينا كلمه كلمتين
هههههههههه قدر البقعدنا في السودان
هههه

حبيبنا أبووضاح لك التحية والأشواق وكل الأمنيات الطيبات ،واشكر لكم تفقدكم لى حين غيابى فأنا سعيد بإحساسكم الدافىء،أما ما كان من امر الطين ،فأنت دوما تفتأ تذكر ماضيك وفيك حسرة تخفيها بين أثواب الكلمات ،لا عليك أخى الحبيب فلكل جيل بيئته وزمانه،وعلماء الإجتماع يرشدون الأباء أن لا يحرصوا على تنشئة أبنائهم كما نشأتهم، فنحن حنينا الى الطين راجع للنشأة وحصة الأعمال فى المدارس الإبتدائية ،واللعب فى فصل الخريف ، وبالفعل قد حرك الطين الخيال وأحدث تغييرات كثيرة فى الأجيال السابقة ،ولكن الأن تغيرت الاحوال وأصبحت الآمال والأحلام مختلفة تماما عما كانت عليه فى السابق ،حتى الرؤى وطريقة الحياة عند جيل اليوم مختلفة ،لتدفق المعارف وتعدد القنوات ،لذلك الطريق الوحيد أمامنا كأباء أن نترك لهم هامش كبير من الحرية والإختيار بناء على ما حولهم من تغيرات دون أن نحجر عليهم هذا خطأ وهذا صواب إلا عند الامور البعيدة المدى،نتمنى لجيل الغد حياة أفضل آملين أن نجد منهم شيئا من التوقير عندما تفتر الرؤيا

من اليوم داك محل مااشوف الشافع (صاحب الصورة)يلعب بالطين اتذكرك اقولي كان ماعمك طارق قال يخلوكم كان خبطتك جنس خبيت ! العب لكن ماتاكلو

الأخ حسن
لك التحية . ـ

إلم تقل في موضوع آخر بأن منافذ الدخول مغلقة ومكتوب عليها للخروج فقط .. هل الآن فتحت واصبحت منافذ دخول حتى نعود ؟؟؟؟

الأخ الحبيب ابو زينب

لك التحية .

يعني لكل زمان طينو ( زي مالكل زمان ناسو ؟) فعلا على زمنا كان الطين العادي أما الآن يوجد طين صلصال وتوجد في المكتبات عجينة جاهزة ( تسمى عجينة داس ) تباع لحصة الفنون .. وقيمتها أكثر من 10 ريال يعنى في كل حصة تشتري من المكتبة عجينة عشان حصة الأششغال ( الفنون ) بـ 10 ريال يعني في الشهر مصاريف العجينة فقط 40 ريال .. طينا ما كان أحسن .وبي بلاش ..

الأخ الحبيب كباشي

مشكور على المداخلة .. وخلي الولد يعلب .. ولا داعي للخوف حتى لو أكلو شوية لابأس .. ومافيها حديد .. والله شنو .
تذكرت زمان النسوان الحوامل بياكلن الطين ..

طارق مامون كتب:

الأخ حسن
لك التحية . ـ

إلم تقل في موضوع آخر بأن منافذ الدخول مغلقة ومكتوب عليها للخروج فقط .. هل الآن فتحت واصبحت منافذ دخول حتى نعود ؟؟؟؟

ياباشا رايك شنو نعمل ليك بوابه خاااااصه للدخول وتكون بوابه رقم عشره لانو بوابات الخروج كتيره خلاص وخاصه في الايام دي ... ومع بوابه الدخول رقم عشره الخاصه عشانك نعمل نفق علي احدث طراز تكييف مركزي واناره علي مستوي والورود علي جانبي النفق.. كمان ماحننسي الاستقبال نجهز ليك فرقه موسيقيه جااااااااااامده وانشا الله من الان نكلاما تبدا لينا البروفات عشان الاستعداد يكون ميه الميه .. طبعا الشارع مسفلت ومشجر والوجه الحسن علي جانب الطريق للاستقبال ... لكن لو معاك المدام كلمنا عشان نلقي الفقره دي ههههههههههههههههههههه
العربيه دايرنك تورينا الموديل البتحبو عشان نحاول نستورد واحده خصيصا للاستقبال والترحيل .......................
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
بعد كل هذا الاستقبال الضخم تتجه بك العربه من مدخل الدخول رقم عشره نحو الخارج حيث الاهل والاقارب في الانتظار وفجأه......
.
.
.
.
.
.
.
.
.
.
.
.
.
.
.
.
.
.
.
.
.
.
.
وفجاه تكتشف ان مدخل الدخول رقم عشره يقود مباشره الي مخرج رقم واحد
هههههههههههههههههههههههههههههههههههههههه
هههههههههههههههههههههههههههههههههههههههههه
هههههههههههههههههههههههههههههههههههه
هههههههههههههههههههههههههههههههههههه
ههههههههههههههههههههههههههههههههههه


نعتذر لهذا الخلل الفني في تصميم النفق ياحبيب
ههههههههههههههههههههههههههه
هههههههههههههههههههههههههه
هههههههههههههههههههههههههه

النفق دا ماعمله الصينيين .. عملوه السودانيين عشان كدا فيه خلل هندسي ..

لك التحيه أخي طارق ولكل المتداخلين الاعزاء
الكثير من المتخصصين كتبوا عن أهميه حريه اللعب للاطفال خاصه في الطين والتراب لان ذلك يضيف اليهم الكثير من المهارات والتي لا يمكن اكتسابها من اللعب الجاهزه ولكن ماذا يفعل أولادنا المناضلون معنا في الغربه.
أضف الي ما قاله الاخ زياده يخصوص المربي الفاضل حسن حمدان أذكر في أحدي الليالي وفي المذاكره أخرجنا من الصف وانبطح (علي قفاه) علي عنقريب الحارس وسط دهشتنا واستغرابنا ثم نظر للسماء وقال that is a starوذلك ليتحاشي الشرح بالعربي أجل الموضوع للمساء فله منا ولكل من علمنا حرفا التحيه والتقدير

الأخ النسيب الحبيب صديق خالد

لك التحية . ـ

الدعوة لترك الأطفال يلعبون بالطين بحرية والإتساخ.. دون الحرمان والمنع واللاءلات .. فهو مفيد لهم ..

وطبعا هذه من مآسي الغربة أن تخصم من طفولة هؤلاء المناضلين معنا .. وشكرا لك للإضافة بخصوص المربى الفاضل حسن حمدان ..
لك التحية .

والله يا طارق ساعة لقيت موضوع الطين والوحل دا

فى بوابة المنتدى قلت ياربى السعودية دى ضربتا

مطرة شعفوفة ولا شنو؟؟!

حليل المطرة الشعفوفة يا وليد .. وبعدما تصب كدى نمشي نلعب التيوة .. الكديدوة .. تيوة تيوة ..وزمان يامطر ..

حسن اسماعيل كتب:

اخونا وحبيبنا وولدنا في الله
اخبارك
حالك
احوالك
مشتاقين والله كميات
ياخي رسل الولد في الاجازات خليهو يلعب بالطين شويه ويشم هواء السودان قبل مايتلخبط عليهو الاختصاص ومايعرف هو تبع لياتو سودان اصلا
ههههههههههههههههههههههههه
اديهو فرصه يشوف اخر سودان موحد
هههههههههههههههههههههه

لك التحية الحبيب حسن

ابشر حاليا الجنى ابو نظارة موجود في السودان . وشاف السودان موحد ومقسم .. واول موقف حصل ليهو .. بعد تاني يوم لوصولو إتظلط .. ومبسوط .. ومتكيف جدا من حاجة اسمها ( ركشا ) .. لو عاوز يمشي البقالة الجنب البيت داير يركبوه ( ركشا) ..