هلالنا حديد
وراسو عنيد
اولادك ياالارباب اكيد
الليله يوم الرجال
منو الغيرنا يعطي لهذا الشعب معني ان يعيش وينتصر
منو الغيرنا يعرف معني الانتصار والافراح
بص وشوف سيدا بيعمل ايه
دك الحصون الليله علي اصولو
والامل فينا باقي
اهااااااااااااا
هسي الجاب سيره الامل شنو
والله انتو يا الهلالاب
طوالي عاوز تطلع من الموضوع
لا ياخي انا قصدي الامل المرسوم...
مرسوم في عطبره
ما تخليني اتم كلامي انت
الامل الليله علي اولاد البرنس
اولاد الحاره
والحاره بنخوضا
والخواف ده مو حر
منو نتبرا
انشا الله الليله موعودين بسماع احلي الانتصارات
انتصارات مدويه
العندو قلب يبعد
الاخبار قد لاتسر البعض
الليله الجماعه الا يضايرو
بنحسما من تونس
الرد الرد في المقبره
رد المقبره ده حيكون تمرين بس
استعراض قوه
مش الجيش في مصطلحات زي دي
اها خلاص فكيت الامل قلبت علي الجيش
الجيش هسي في ذمتك ده وقتو
انت مالك متحسس من اسم الجيش ده كده
يكون لاقاك في حته وانا ما عارف
لا قاني وين يعني
في الكونفدراليه مثلا
نحن الكونفدراليه دي خليناها ليكم انتو
ونحن انشا الله قدرا
بس انت بعدين ماتقول حمام
حمام والله كتيره عليها
ديل كتاكيت عديل والله
هههههههههههههه

اهاااا قمنا من هسي
خلي المباره تنتهي وبرجع ليك
يلا مع السلامه
واعمل حسابك
اتعشي بدري الليله

حسن اسماعيل تحية ليك بالصيني ماعارف يكتبوها كيف
لانو الكيبورت مافيه صيني لكن نقول ليك
جين جان شينو
ماتجيب الكٌج للجماعه وبطل جرسه باقي كلها كم ساعه ونشوف الحاصل
اركز
وربنا يكفيك شماتة هيثم وزيادة

اقتباس :

جين جان شينو
ماتجيب الكٌج للجماعه وبطل جرسه باقي كلها كم ساعه ونشوف الحاصل
اركز
وربنا يكفيك شماتة هيثم وزيادة

جين الله والرسول عليك يامان
والله الرجفه حاصله
بس رجفه في سيد ابلد ليها طعم خااااااااص
انت زياده ه مالقو ليهو اعاره لسه
ههههههههههههههههههه

هيثم ده خله يحلم بالمتاز اول وبعدين يفكر في الشماته
هههههههههههههههههههههه

الله يستر الليله ياحبيب

حسن إسماعيل كتب ((بص وشوف سيدا بيعمل ايه
دك الحصون الليله علي اصولو
والامل فينا باقي
اهااااااااااااا )))
والله يا حسن كلام صاح أصلوا الأمل باقي فيكم ليهو 80 سنة لمن هو زاتو فتر وكل من التعب والانتظار ,
وبس دعواتنا معاكم اليوم , وبعدها نشوف الحاصل

ههههههه قال 80 قال
انشا الله يا حبب فرمالتك دي بنوقفا ليك
اها شوف ليك حاجه غيرا
ههههههههههههههههههههههههههههه

ان شاء الله تدوم الفرحه

انشاء الله الهلال اليوم يفرح الغلابة والمحرومين و اوع يكون كمال ترباس مشى مع البعثة!!

إنشاء الله وبأذن الله أنتم ونحن موعودون بنصر يفرحنا جميعا .. وكمان في كمال تاني إنشاء الله مايكون مشى مع البعثة .. ( كمال حامد)

لكن ياطارق ترباس لو مشى .. ماتخلوهو يقوم من محلو يمشى يشرب براهو .. رقدوا ليهو الموية جنبو هبطرش قارورة يمين وقارورة شمال .. عسى ولعل

نتمني انتصار الازرق حتي يكون تاني فريق سوداني في السجل الذهبي للكاف.
يا حسن فرق فريق الهلال يلعب اليوم ضد الصفاقسي وليس ضد الزعيم (عينك في الفيل و تطعن في ضله) وبالمناسبه نحن الان معاكم لحد صفارة الحكم.
بيضوا النيه كان الله يديكم ليها ولاانتو لما تلعبوا ضد أي فريق عينكم في الزعيم.والزعيم بالنسبه لكم(أنت السماء بدت لنا واستعصمت بالبعد عنا) شدو حيلكم وأعملوا همه زي الرجال وخليكم من المحلي دا لا بودي ولا بجيب.

اقتباس :

نتمني انتصار الازرق حتي يكون تاني فريق سوداني في السجل الذهبي للكاف.

ياربي الفريق السوداني الاول ده شال ليهو كاس سنه كم..؟؟؟؟

طارق مامون كتب:

إنشاء الله وبأذن الله أنتم ونحن موعودون بنصر يفرحنا جميعا .. وكمان في كمال تاني إنشاء الله مايكون مشى مع البعثة .. ( كمال حامد)

حبيبنا طارق
الليله يا ليل الفرح

عادل خياري كتب:

حسن اسماعيل تحية ليك بالصيني ماعارف يكتبوها كيف
لانو الكيبورت مافيه صيني لكن نقول ليك

نى هاو ما
دي
تحية بالصينى
لاكين ياحسن
دايرنك تورينا
سيد البلد
بالصينى.

يا عوض سيد البلد بالصيني
صفري كأسي نهي تشفي ما تشيلي اه ياها كوانزو
شنقاهي طيب مهيري مازمبي سمسمي بالارقام 80
المصدر سجلاتي كافي

ياهيثم سلامات لور لور (دى بلغة الدينكاتعنى كتير)

عرضنا اسم سيد البلد على اكبر اختصاصيى ترجمة اللغة الصينية مستر نهاو تشى قال ترجمتها ياهو كلامك زاتووو!!

هيثم إبراهيم محمد الشيخ كتب:

يا عوض سيد البلد بالصيني
صفري كأسي نهي تشفي ما تشيلي اه ياها كوانزو
شنقاهي طيب مهيري مازمبي سمسمي بالارقام 80
المصدر سجلاتي كافي

تشوو ممتازي ماتشيلي
وصيفي طوالي تقعدي
تمهيدي كافي يقولك
جيش ماتخافي
خافي من ربك بس