يقال السفر قطعة من نار أو جهنم
ولكن حينما يكون السفر الى الأهل يكون قطعة من جنة
ويكون متعة وفرحة مابعدها فرحة ..

صلاح الشيخ الحبيب .. غادر متوجها الى أرض الوطن والأحباب
وخصني بوداعية إتصال هاتفي وهو في البص متوجها الى الباخرة
دعواتي وأمنياتي الطيبة لك أخي صلاح سفرا سعيدا وأن يكتب الله لك السلامة
في الحل والترحال ..
صلاح الشيخ للمسافر دعوة مستجابة .. أدعو لنا ..

أخي طارق
نشكرك أولا لانك وريتنا صلاح وين
نتمني لأخونا الغالي ونوارة المنتدي رحله سعيده وان شاء الله يلقي البلاد مرحبه وان يقضي أوقات طيبه بين الأهل والأحباب.

الأخ صديق
مشكور على المرور والدعوات لأخونا وحبيبنا صلاح الشيخ

وكان إتصاله بي في آخر لحظة وهو يتأهب لصعود الباخرة مساء أمس . نتمنى له سفرا سعيدا ممتعا وعودا حميدا مستطاب في حضن الأهل والأحباب .. بهدى المتقين ..

اللهم انت الصاحب فى السفر والخليفة فى الاهل اللهم انا نسألك فى سفرنا هذا البر والتقوى ومن العمل ماترضى
مرحبا بك قادما للديار الاخ صلاح الشيخ وربنا يوصلك بالسلامة .. وبلسان الاخ عادل خيارى نقول ليك سلام شديد للشية !!

مرحب بودالشيخ بيننا وحبابك واجازة سعيدة بين الاهل والاحباب وخروف بلدى سمين وشية فاهمة والشاي اللخضر على والشربوت عليك

يا ناس السعوديه
صلاح الشيخ وصل ولا لسع سابح في عسل الأهل
لما يرجع خلوهوا يدخل توووووووش زي ما عمل عثمان أب شيبه

الأخ الحبيب وليد التلب
الأخ الحبيب كباشي
الأخ الحبيب صديق خالد

لكم التحية جميعا ..
الأخ صلاح الشيخ ينطبق عليهو قول الفزورة ( دخل القش وماقال كش ) الزول دا من يوم ماسافر لا حس ولا خبر .. يا حبيب اظهر وبان عليك الأمان ..

الى كل الاحباب الكرام
ونيابة عن العم صلاح الشيخ نشركم على المشاعر النبيلة وتفقدكم له و الحمد الله صلاح بخير وهو الايام دى متواجد بالخرطوم ويسلم عليكم كلكم
تخريمة
يا شباب عمنا دا يكون انسلخ بطريقة تانية ولا شنو مع العلم بأن العم صلاح معه جهازين واحد محمول والثاني مكتبي يعني ما عندو عذر