طالما تعطلت لغــة الحــوار ..
ماذا تبقي ؟
لغة التشدد آفة العصر ؟
أم لغة البنادق والكلاشنكوف ؟
أم لغة التصفيات الجسدية ؟

وفي كل الأحوال هذه معركة ..أنا الوحيد الخاسر فيها .. لأنني سوف أخسر حبكم وصادقتكم وأخوتكم ..
لذا أعلن إنسلاخي من هذا المنتدى ..
واعدكم بأنني سوف أظل جنديا مخلصا للهدى مدافعا عنها .. ولكن هذه المرة بعيدا عنها وليس بأسلحتها ..
وللذين تعرفتم عليه أول مرة عبر هذا المنتدي وأحاطوني بحب كبير .. اقول لهم إني احبكم وابادلكم نفس الشعور ..
ولكم خالص مودتي ..

عبدالرحمن مدثر كتب:

الحبيب الى القلب .. والذى تشرفنا بمعرفته اكثر من خلال هذه المساحات
مااصلو حال الدنيا تسرق منية فى لحظة عشم .. وعشمنا فى ابو امنية اكبر
واكبر .. عشمنا فى بكره يكون احلى بلمتكم
بكره يكون زاهى وانضر باحساسكم
بكره بكون مخضر من مطر حروفكم المنهمر
فى حياتنا كلها نواجه عقبات .. مطبات .. ومصاعب
لكن قوة الارادة والعزيمة وحدها من تجعلنا نتفوق عليها
ودمامون .. ياود مضمون
مقبل وين وفايت احلى عيون
عيون بتنادى لكل مجنون
وانا عارفك زول مجنون
بحب العازة دحين مجنون
بنورا ونعمة وكيان مفتون
وبهدى الاحباب تجمعنا الساحات
وغربة احساسنا بتلبس حلة احساسها
من ود مدفون
جوووه الحلوين
جوووه السمحين
فى نص الشارع والسكة
فى شارع السوق دايما بنهيم
جنب طاحونة ودالنمير بندقق عيشنا
ونشد حلتنا ونكون مبسوطين
ونوزع بسمة
ونخلى النسمة تطوف بيناتنا
ونزرع الفة
وشتلة فرحة
تعم الحلوين
يااااعمك

مقبل وين

-----------------------------------------------------------------------------------------

الاخ طارق ود البشري الكلك بشري كلام ابو مزن ما بنزاد
كان إن سلخ جلد النمله ما بنخليك تنسلخ سؤال ليك يا اخ الاخوان
جدك ود البشري الجاب البشري عليه رحمة الله
حصل زعل ولا زعل ليهو زول وفات الهدي
ســــــــــــــــــــــــاعه ابرك من ســــــــــــاعه

يا حبيبنا
لوك الصبر
مامن اول مره كده تستسلم
خليك كبير
والكبير دايما كبير
ياخي ده انت جامع مابين قيم الهدي وقيم سيد البلد
معقوله بس
الكلام ده بتعتبرو ماسمعنا بيهو
نقول عليهو كلام اتكتب غلط
ما هو اصلو الغلط كتيييييييييييير ياود امي
كدي روق المنقه
وزيد عليها معلقه سكر
مع انو السكر عندك في امنيه لكن برضو مابطال
زياده الخير خيرين
بعد المنقه شغل المكيف
ماتخاف من الكهرباء ما بتكمل
بالمناسبه انتو كهربتكم برضو جمره خبيثه
والله موصلين من الكعبه مباشره
لو بتشرب جبنه ممكن نعمل واحده بالبن الحبشي
ونجيب البرش والتبروقه
ونعزم معانا عادل خياري
وصديق
محمد الامين
ووووووووووووووو كل الاعضاء
يازول هيثم زااااتو عازمنو معانا
عشان يقوم يحلل لينا القعده دي بعدين
وزياده ماتنساهو يامان
ده كمان حيجيب معاهو محلول حمض القهوتيك
عشان يشوف لينا القهوه دي شرعيه والله فيها شويه خصم علي المنتدي
لكن والله يا حبيب وما طالبني حليفه
في زول وااااااحد خايف يخرب لينا المه دي
عارفو منو
اخونا عادل
الزول ده خميرتو في جيبو

محل ما يقبل
شايلا معاهو
يعني اتوقع في اي لحظه يزيد لينا الخميره
ويوقعنا في المخظور
شفت كيف يا زياده
الا نطلع فتوي ونقول الخميره حرام
المهم

بعد اللمه دي كلهاااااااااااااااااااااااااا
اكيييييييييييييييييييييييييد ومليون في الميه
طارق حيناول هيثم
وهيثم حيناول عادل
وعادل يناول زياده
وزياده يناول طارق
والفناجين تتطاقش
والضحكات تتوزع
الحاجه الحلوه انو الجلابيه والطاقيه حااااااضرين في الجلسه
زي قومي
جاااااااااااامع
زي قعدتنا دي
اهااااااااااااا في الوقت ده
يقوم واحد من الحضور يقول ليك
يا حبيبنا صحي انت عاوز تنسلخ من المنتدي
وانت زي مستغرب من الكلام ده
القال ليك كده منو
افو ياطارق ماكاتب الكلام ده انت برااااااااااااك
ياخي انتو اي حاجه اكتبا انا تصدقوها
هسي لو قلت ليكم انسلخت بتصدقو
معقوله ناس الهدي ديل بنسلخو منهم
طيب الكلام الكاتبو داك عن الانسلاخ وما الانسلاخ قاصد بيهو شنو
لا لا ياخي ( هنا طارق بحاول يصلح قعدتو ويرفع يدو علي الطاقيه ويعدلا ) اصلو الحكايه قلت كدي احاول اكتب لي اي كلام زعل كده
ايوااااااا ماتقول كده من الصباح
قطعت قلبنا والله يا حبيب
ماكان تورينا انو كلام زعل ساي
هو انتو اديتوني فرصه اوضح حاجه
نحن في كلمات كده والله بقت تخف
يعني في داعي لكلمه انسلاخ دي هسي
خلااااااااااص عاجباك انسلاخات مبارك الفاضل يعني
والله علي عثمان
انت شكلك كده ناوي تعمل ليك فصيل مسلح وتخش الغابه
عشان كده نتحاول تتدري علي مصطلحات الغابه
قال انسلاخ قال
هسي عليك الله الناس اللي الانسلخو عملو شنو
دارفور كل يوم بنسلخ منها فصيل
خليها دارفور
دااااااااااااخل الاحزاب
ياخي كان تسميها استراحه محارب
ياجماعه انا قلت ليكم دي كانت خربشه سااااااااااااااااااااااااااااااااااااي
قااااااااااااااااااااااعد ليكم في حلقكم
امشي اسيبكم وين انا
افوت الحلوين ديل لمنو بس
معقوله بس
هسي عليك الله كل مااشوف اسم زياده بالازرق بفرح شديد خلاص وقال وصيفابي قال
وهيثم اللي عامل فيها صفوه ده لو اتداخلت معاهو وطلعت ليهو الوصيف اي كلام يومي ذاتو ما بستعدل




وقبل ما اخونا طارق يتم كلامو

تدخل عليهو امنيه بنتو وتقول ليهو


يا ابوي امي قالت ليك تعال سرييييييييييييييييييييييييع

فنجان الجبنه ينكشح في الجلابيه
والاطرف من كده
لبس فرده من شبشب عادل وفرده من سفنجه زياده
ههههههههههههههههههههههههههههههههههههههه



يازياده هسي لو جيتنا بشبشب زي بتاع عادل ما كان ريحت طارق
ههههههههههههههههههههههههههههههههههههه
هههههههههههههههههههههههههههههه
هههههههههههههههههههههههههههههههههههههه




لي عوده

حبيبي العزيز طارق مامون كيف حالك.
لقد أتاح لنا هذا المنتدي خدمة غالية جداً؛ إذ عرفنا علي أناس كنا نسمع بهم من علي البعد، كما أننا تعرفنا علي أشخاص لأول مرة نلتقي بهم في هذا المنتدي.
فإذا هذا المنتدي أولاً للتواصل بيننا كأبناء منطقة واحدة، وثانياً للنقاش والحوار حول ما يصلح حالنا في الدارين.
فيا حبيبي لا تحزن كما يقول عائض القرني، وبعدين نحن لا نسكن في عالم مثالي، بل في عالم يحيط به الخير والشر، العدل والظلم، ولا سبيل لإعتزال هذا العالم، إنما الأفضل أن نصبر علي الهنات، وأن نسعي إلي سجن الأخطاء في معتقل النسيان حتي لا تفسد حياتنا.
فدعوتي لك وأتمني أن تقبلها، بالمواصلة في هذا المنتدي. وكم نحزن إذا مضيت في هذا القرار، فأتمني من خالص قلبي أن تترفع عن الصغائر، وتساهم مع إخوتك في ترقية النقاش داخل المنتدي.
ولك صادق الحب، ومزيدا من التوفيق.
الزبير

حبيبنا /طارق
لابد ان تصبر وتتحمل فى سبيل قبلة الانظار
وتواصلك مهم والكل فى حاجة الى ذلك
فارجوا منك طولة البال والتسامح والصفح
فالامر لايحتمل ياخ ياعزيز وليس هى معركة بل هى لمة
امتثالا لقولة تعالى ( انا خلقناكم من ذكر وانثى وجعلناكم شعوبا وقبائل لتعارفوا)
فلك العتبى حتى ترضى

طارق ود المامون
عضو مفيد مضمون
عضو لذيذ بالهدى مفتون
وهي الام الروؤم الحنون
ياشاب وسع صدرك وخليك اكتر صبر
استجمامة نعم
انسلاخ لا
فانت شخص ان حضر يُعد وان غاب يُفتقد
راجع ليك تاني

الأخ الحبيب أبووضاح ، لك التهنئة فى أنك سكنت فى قلوب اخوانك فى بطينات المحبة ، بما سكبته من يراعك العفوى الجميل الذى بقدر ما أعطاك من الحب والالفة حتما سيأسرك ويمنعك من الخروج ،عفوا اذا كان دخولك برغبتك فخروجك ليس برغبتك وحدك وانما هنالك أعناق خواطر عليك باهداء كل منها عقدا يزينها ويجعلها تبتسم ،فالحياة ليست رهنا لما نريد وانما هنالك أمور يجريها القضاء والقدر فتظهر آثارها فى مقبل الأيام ،وكل من حمل هم بلاده ومجتمعه عانى الأمرين والرواد هم من يصبرون ويمتصون دواعى الانفعال بهدوء وثقة وأمل عريض فى أن المستقبل كفيل بوضع النقاط فوق الحروف ،فقد تغيرت الدنيا وتحسنت أحوال العرب واختفى جرير والفرزدق والأخطل ، اللهم الا فى بلاد مقرن النيلين التى دائما تصلها الأخبار متأخرة بكذا عام،اننا على يقين انه لن ينطبق فيك قول الشاعر التونسى عبدالعزيز قاسم فى ابن زيدون
أيها المتعب من مد وجزر وانحراف
نهضت (اشبيليا ) ذات صباح فى ارتجاف
جئتها ساعى وفاق وهى فى نار الخلاف
هالك الأمر فلم تقو فأنهيت المطاف

الأخ العزيز طارق
الأخوه الذين تداخلوا قبلي في هذا البوست (لا أريد أن أسرد ما قالوا) جميعهم عبروا عن حبهم وتقديرهم لك بكل أساليب وأنواع الأدب شعرا ونثرا ودعوك لمواصلة المشوار الذي بداناه جميعا بالاحترام لبعضنا البعض ونريد أن نواصل بنفس الروح روح الفريق الواحد.
أنا من زمان قلت بأن كتابات الأخ طارق تمتاز بالسهل الممتنع و مازال ذلك هو رأي فلماذا تريد أن يفقد المنتدي هذا الأسلوب الذي يثري ساحته.

لقد قيل (من أجل عين تكرم مية عين) فكم يا تري عدد العيون التي طالبتك بالعدول عن هذا المسمي انسلاخ.
نتمني من قلوبنا أن نسمع ردك اليوم قبل الغد.
ولك تحياتي

الحبيب عبدالرحمن مدثر
الحبيب محمد الطيب إبراهيم
الحبيب حسن
الحبيب الزبير
الحبيب الشيخ مهند
الحبيب عادل خياري
الحبيب ود الياس
الحبيب صديق خالد

السلام عليكم ورحمة الله وبركاته . ـ

قالوا من صلى الأوقات الخمسة في جماعة فقد ملأ البر والبحر عبادة لله ..
فأنني أحمد الله .. واشكره واثني عليه .. لهذا الحب الكبير .. الذي احطوني به .. ولهذه الكلمات التى أخجلتم بها تواضعي ..
فأنني :
اشكركم بقدر ما صلى العابدون ..
وسجد الساجدون ..
وسبح الحامدون .. لله ملإ البر والبحر .. على حبكم لي .. وما احطوني به من معزة ومحبة مكانها القلب .. وتقف كل هذه الكلمات عاجزة عن التعبير عن ما يجيش به القلب والخاطر ..
الهدى ذاتي ..
الهدي أهلي
الهدى ناسي ..
فكيف لي أن أنسلخ .. من ذاتي ؟


نتسامى عن الصغائر .. كما ذكرتم كلكم .. من أجل غايات كبار ..

إننى أحبكم .. جميعا..

تفارق كيف تخلينا
كيف بعدك يكون الحال
انسلاخ مرفوض
زعل جائز مع الكراهية
غيب وتعال تلقانا نحن
نديك ساعتين استغفر
واستهدى بالله والباب
ادفرو ساي لانو من عملو
مافيهو ترباس ماتقول الحداد
نساه لكن ناس الهدى قالو دايرين
باب المنتدى بدون قفل داخلي
الترباس بره تخش لكن مرقه مافي

مرحبا بعودتك لدارك
نحن في انتظار موضوع جديد لنج يزيد الفرح فرحين

ايه الدنيا غير لمة ناس في خير او ساعة حزن
ونتمنى دائما ان نلتقي في الخير
‏
علي الجنب كدا:
البوست بتاع الانسلاخ دا عمل لي غصة وعبرة في الحلق
تانى ماتعمل كدى
لا نوكان حاتفتح لينا سلخانة
انسلاخات

الاخ طارق المامــــــــــــــــون

تنسلخــــــــــــــــــــــــون - تهتدون - ترجعــــــــــــــــــون

ونحن بعودتكم فرحـــــــــــــــــون

انت عارف يا ود مامـــــــــون

أنو الانســـــــــــلاخ يسبب داء الملوك (القــــاوت ) !!

ولو ما مصدقنى أسأل مولانا عوض الله !!

ههههههههههههههههههههههههههههههههه