اليوم يوم الخميس ..
إرتبط هذا اليوم بالفرح والمناسبات السعيدة ..
هل لأنو قريب من الجمعة ونهاية الأسبوع .. والناس بتكون في عطلة عن العمل ومريحة ؟ حتى الحدائق في هذا اليوم مكتظة بالزوار .. الذين يسهرون حتى الفجر ..
كما وأن كل المناسبات السعيدة .. تؤجل من اول الأسبوع ووسطه الي يوم الخميس لتجمع ومشاركة أكبر عدد من الأهل في هذه المناسبة السعيدة ..
هذا الإرتباط جعل من يوم الخميس ان يقال له أيضا .. يوم صفقة ورقيص
وأيضا يقال ليه يوم المطاميس .. ومن التعبير والله أعلم تعني هذه الكلمة الناس الروش .. المهوسين .. أو الطرش أو بتعبير آخر المجانيين ..
فما المقصد الحقيقي لكلمة المطاميس .. ولماذا إرتبطت بيوم الخميس .. وأيضا مع مناسبة العرس والزواج بأن يقال ( العروس للعريس والجري للمطاميس ) .

خميسك ... ولو تبيع قميصك

الخميس جميل عشان ارتبط عندنا منذ ذاكرة الطفولة بانه نهاية
دراسة وبداية برطعة ولعب بلى .. وحريق فول .. وعوم فى الكنار دها بنمشى
الخميس .. نهاية الدروس وبعدها بنمشى نكووس
الخميس السوق ياودمامون .. ويوم سكر بنمشى السوق بنجيب قصب سكر
جمال الخميس مافى الخميس ذاتو
فى الاستعدادات النفسية انو بكررره اجازة مافى قراية مافى شغل
وبفهم حديث الوييك اند ياصديقى

بجيك راجع

بسسسسسسس مطموس ..!!

الخميس وما أحلى الخميس !!

الانسان بطبعة ملول ويعشق الحرية والفضاء الواسع ... لذلك تجده من الاثنين يرتب للخميس
حيث الخميس معبر للعطلة وهى الجمعة والخميس لقاء الاحباب والخميس سوق الهدى والخميس مزاكرة مافى ........!!
وارنبطت مناسبات السودانيين بالخميس لمقابلته للعطلة والناس فى حل من العمل
والشاعر القائل : يا يوم بكرة ما تسرع ...... لعله يقصد الخميس
وكلمة المطاميس تحمل معناها الاصطلاحى وهى تعبير عفوى زى يا مجنون ويا شيطان ويا مسخوط ..!!
ولكن معناها الحقيقى ان قصد به اشخاص لسبب كثير من الانسلاخات ....!!
وعبارة (العروس للعريس والجرى للمطاميس ) ان كل هذه القومة والقعدة والهيلمانة والفرح والنطييط والرقيص لصالح شخصين فقط !!
....... عفوا الحضور الفاصل الجاى للعروسين .........

الأخ الحبيب عبدالرحمن مدثر
الأخ الحبيب وليد التلب

يطلق الأنجليز على نهاية الأسبوع بيوم الشعر ( poet day ) ومن هنا جاء المثل البيقول :
((push up early tomorrow is poet day) وأعتذر بشدة لإستخدامي الفاظ إنجليزية زطبعا نهاية الأسبوع عندهم مواز للخميس عندنا .. فهذا يؤكد بأن نهاية الأسبوع ليها علاقة بيوم الفرح والأفراح والمناسبات ويوم الشعر هنا ليس القصد منها يوم لإلفاء الشعر والقصائد .. بقدر ما المقصود هو يوم شاعري .. يعيشه الناس بإحساس الشاعر المرهف والفرح .. وهي دعوة لكل الناس لإنهاء الأعمال سريعا وباكرا للإستراحة من عناء العمل في باقي الأسبوع ..
ومعك كل الحق اخي وليد بأن مطاميس تعنى معناها العفوي والإصطلاحي .. ياولد يامسخوط كما تفضلت .. يا ولد يا اروش .. أيضا في نفس النسق .
لكم التحية على المرور .. ولكن سؤالي مازال قائما لماذا الإرتباط بيوم الخميس فقط دون غيره من باقي أيام الأسبوع ؟

الخميس يوم ترفع فيه الاعمال
جعلنا الله واياكم من الذين يعملون
الصالحات٠

لك التحية الحبيب عوض خياري
ونسأل الله ان يجعلنا من يعملون الصالحات وترفع اعمالنا صالحة خاصلة لوجه الكريم وهو عافي وراضي عنا اجمعين .. لكل التحية ياحبيب

يا طارق عفوا للانتقال ليوم اخر..!!
لكن قريب منو..!!

هناك عبارة متداوله بكثرة و تحتاج لشرح
يقولوا ليك : الشئ دا يبقى ليك باربعاء و عقاب شهر ...!!
ما علاقة الاربعاء بالتحديد بنهاية الشهر ؟؟

لك التحية وليد
فعلا الأربعاء قريب من الخميس والحيطة بالحيطة .. ومع العلم بأنني لا أمتلك المعلومة الكاملة وأسمع بهذه المقولة الشهيرة .. ولكن والله أعلم هي مقولة تطيير .. يعني زي البقول ليك (إن شاء الله تبقي ليك بآخر زاد) .. مش إنت طبعا المقصود .. أنا فهمتها من هذا المنحى .. وإنشاء الله اكون تخميني دا ما صادق .. وعلى العموم يوم الأربعاء يقال له يوم البيضاء لأنو اليوم الذي يليه يوم نهاية الأسبوع ..

طبعا هى فى نفس المنحى وانا سمعتها من احداهن وهى فى حالة زعل وتدعو على اخرى
ولكن عشان تكون اكثر دقة كانت تقول :
تبقى ليك باربعاء واخر اسبوع .. كدا منطقية شوية ......... مش ؟؟

أختارت آخر الشهر .. حتى تكون مع الراتب .. يمكن اكون عندها صرفة ختة صندوق والله حاجة من هذا القبيل ..

من اكثر العبارات التي كنت ارددها

الليله الخميس حفله ورقيص في المطاميس
ههههههههههههههههههه
لحدي هسي ماعارف ليها معني
شـــــــــــــكرا طارق علي المعلومه

اخ طارق كل ماذكرته صحيح فيوم الخميس ارتبط فى اذهاننا بكل ماهو جميل منذ الصغر وشكراً على البوست

الأخ الحبيب حسن
الأخ الحبيب المعز

لكم التحية . ـ
ارتبط الخميس في الوجدان .. والأذهان بالفرح والمناسبات السعيدة .. للمة الناس والبعيد يرسلوا ليهو عشان يحضر .. وذلك لتوسعة المشاركة بحضور جمع كبير من الأهل والأصدقاء ..

في مقوله اخري بتقول


خميسك لو تبيع قميصك
اظن انها تنبه لاهميه القميص اقصد الخميص هههههههه

الحبيب حسن
الخميس الببيعو ليهو القميص دا .. شكلو خطير .. على العموم هو خارج حساباتنا

وفي جزئية اخرى .. يقولوا عودنا لينا ياليل الفرح ..
السر شنو في إرتباط الفرح بالليل .. ولم يقول الشاعر يا نهار الفرح مثلا ..
هل الفرح لونو اسود كالليل عشان كدا إرتبط بالليل وليس النهار ؟

طارق مامون كتب:

الحبيب حسن
الخميس الببيعو ليهو القميص دا .. شكلو خطير .. على العموم هو خارج حساباتنا

الحمد لله انو خارج الحسابات !!
هههههههههههههههههههههههههههههههههههه