خميس وجمعه وسبت دي الاجازات كده ولا بلاش
ع اساس اننا منهكيييييييييين في الشغل يعني
الموظف شغلو مقسم لتلاته فترات
فتره الصباح من بدايه الدوام لحدي الساعه عشره
ودي قمه النشاط والحيويه في دواوين العمل السوداني
فتره الفطور وشاي الحبشيه ودي ليها نكهه خاصه
ممكن توقف ديوان العمل كلو بحجه انك ماشي الفطور
وكمان ممكن تتحائل لو المدير سال مني قول ليهو مشي الفطور
وهاك يافطور
تجي الساعه عشره يقولو ليك مشي الفطور
تجي الساعه حداشر يقولو ليك ماجه من الفطور
تجي الساعه اتناشر يقولو ليك هسي بجي مشي الفطور
تجي الساعه واحده يقولو ليك مشي الصلاه
والاظرف من كده تجي الصباح يقولو ليك لسه ماجه لكن انتظرو هسي بجي
وانتظرتو لما ماجه رحت زرتو
ويفرحو ليك بالاجازه
ياخ اجازه في عينك
ده انت يومك كلو اجازه
ماخليت كلمات متقاطعه
ماخليت فيس
ماخليت جريده
دواوين الحكومه بقت زي صيوان العزاء
شاي مدور اربعه وعشرين ساعه وجرايد سياسيه ورياضيه لافه
بس
بس شنو
بس كده
شنو هو الكده
ده الشغل
ياتو شغل
شغل الموظف
اهاااااااااااااااا
وتلقي الواحد مبسوووط شدييييييد عشان الخميس اجازه
الباسطو شنو ماعارف
والاسبوع كلو اجازه
الفرق بين باقي الاسبوع والاجازات انو الاجازه بتحس انك ماجز بحقك
يعني اجازه رسميه
وباقي الايام اجازه بالدس
يعني اجازه انت بتصنعا صناعه
تهرب من الوظيفه
مماطله في الشغل
فطور وشاي وصلاه
خلااااص من الايمانيات الكاتلاك
اها ماتنسو كمان مع اقتراب موعد نهايه الدوام
الدوام بنتهي غالبه في تمام الساعه الرابعه
الموظف من الساعه تلاته بوقف الشغل
ويقول ليك العباره المشهووووووووووووووووووره
تعال بكره
اليوم انتهي
لسه باقي ساعه
لا انا زمني خلص خلاص
تخلص من الدنيا انت يااااااااااااااااااااارب
ده شغل مؤسسات هسي
ده شغل دوله عاوزه تمشي لقدام
ده شغل مشروع حضاري
اهااااااااااااا ياسحس مالك ومال المشروع الحضاري هسي
طيب خلينا من المشروع ورجعنا للموظف
في موظفين ببرر ليك عمايلو دي
ويقول ليك انو بشتغل علي قدر مرتبو
يعني مرتبو البصرفو من الدوله يادوب بشغلو ساعه زمن
وباقي الزمن هو حر فيهو اما يشتغلو او يعديهو مع ست الشاي
وعشان ستات شايينا تفتيحه
تعالو شوفو اي مؤسسه حكوميه بتلقي في بابا في ست شاي
اتحداكم
الا القصر الجمهوري غايتو هههههههههههه
واذا لقيتا بتلقاها امنجيه ههههههههههههههههههههه

الاخ سانيه سلام
لينا الله بي اجازتك دي
والله الدوام مليان للطقطاق
الفطور في الموقع
وبعد داك العيان يكورك ليك
عليك الله سيب الاكل وتعال مشيني
عربتي واقفه .
الجمعه مافي راحه
والراحه بقينا نعاين لعيد الفطر ولا الضحيه
اسي الضحيه ما نحنا زاتو
وفي ناس بيجو يوم المرتب بس
والله يكون في عوننا .

ماقلنا ليك اقع اللون الاخضر وانت المرتب يجيك في البيت
هههههههههههههههههههههههههههههههه

حسونة ياعسل سلامات ياخ
انت عارف حقيقة نحن كسودانيين عندنا الصفات الذكرتها دي موجودة ونظرا لغياب المحاسبة غاب الضمير
وعلى حس بكرة اجازة لازم يطلع قبل المواعيد عشان يحصل السوق الشعبي
واحد صاحبي كان شغال في الاراضي قال لي والله شغل الحكومة ده اوانطة ساي
كيف
قال لي انا شغال الساعة 7صباحا شفت بجي الساعه 8 اولا
قعدت شوية قوموا جيبوا الفطور من 9 ل 10 نجي المكتب الشاي الجرايد
مفروض نطلع 2 انا بطلع من 1 لانو زحمة المواصلات
وقس على ذلك
وعايزين البلد تتقدم

اخونا عادل ده ما التقدم ذاتو هسي ماسايفنا متقدمين للخلف
هههههههههههههههههههههههه