زمان كان الواحد قال دير جبنه اهلك يقولو ماتدهو جبنه .
والوقت الحالي لو قال طفل داير جبنه أهلو مابقولو حاجة .
اتغير الزمن ولا السكر رخص ولاالطب اتغير
لكن بصراحة الزمن اطور بدل ما كان زمان السفر للخرطوم بالبص وتقوم مع النباه
وفي كل قريه البص واقف وتوصل مغبر و تشيل معاك غيارين واحد للبص وحد انت نازل منه.
اليوم بص سياحي وتكيف وتوصل كأنك ماركبت مواصلات وفي زمن وجيز

محمد خالد مساء الخير

الشافع دا ببكى مالو ؟؟ الشافع دا خمجان ساى قال داير جبنه ؟؟ اوع اوع

الجبنه بترميهو ....!!

هذا هو تبرير اهلنا زمان لمنع الاطفال من الجبنة وهى طبعا شبكتا صعبة

والزول البتعود عليها صعب يتركا ...

ويحكوا ليك حكاية العتود الذى تعود على شمومة القلوة كل يوم وشبكت فيهو

ولمن صاحبتو سافرت .... كاد ان يموت من الخرمة حتى هم الجيران بذبحه

ولكن لمن جات صاحبتو وقلت القلوة جنبو ... طوااالى اتنفض وقام ...!!

عشان كدا حبوبتك كانت خايفة البقى للعتود ما يبقى ليك ..!!

مشكور على الرد والتحليل والاجتهاد وكل واحد بفسر على البعرفو

لك التحية وليد
طبعا قصة عتودك دا .. قصة واقعية حصلت لواحدة قريبة لينا .. مسافرة الخرطوم من دغش بدري .. وعارف البصات زمان كما تفضل الأخ محمد خالد .. بتلف بي كل القرى .. يعنى تصل الخرطوم دي قريب الساعة ثلاثة .. والمرأة متعودة على القلوة وشمة البن .. وبمجرد ما وصلت البيت وقعت من طولها ساكتة .. لاحركة ولانفس الجماعة قرروا يطلبوا الإسعاف أو يلحقوا وبسرعة يرسلوها لأقرب طواري .. وبعد المشاورات قرروا سريعا الذهاب بها الى الطواري .. وهم في إنتظار بوكس لتوصليهم فأذا واحد قال ليهم يا أخوانا كدي المرأة دي اقلو ليها بن ..
وبالفعل المرأة من ماشمت البن تحركت وقامت وقالت بسم الله الرحمن الرحيم .. والجماعة بدوا يزغردوا .. وكبوا ليها الفنجان الأول والتاني حتي قامت تسلم من جديد ..

اخ محمد كل الاشياء تبدلت وتغيرت مابين الأمس واليوم والله يلطف

لك كل احترامي ياخ حمودةعلي مشكور جزاك الله خير
وكل سنه وانت طيب بمناسبة حلول السنة الجديدة 1432هـ