ابولمـــــــــبة

وهو من الموروثات الشعبية القديمة والتى تحكى عن اسطورة التوهان حين السير ليلا فى الخلاء الفسيح ولا ادرى كنه هذه الاسطورة بالضبط
ولكن اعتقد ان من اطلقها اما ان يكون خائف ( خويويف ) او اراد تخويف الآخرين بها !!
وذلك ان من يسافر ليلا بالليل يظهر له ابو لمبه بلمبته المشهورة والتى تتراءى للمسافر او عابر الطريق انها قرية , ويبدأ بمتابه ذلك الضو او تلك
اللمبة ويقضى ليله كله بحثا دون جدوى , ,
وحينما يحكى قصته تلك يقولوا ليهو : ياخ دا ابلمبة !!
وطبعا يتفنن الناس فى قصة ابلمبة هذا ,, فمنهم من رآه فى شكل لمبة واحدة متحركة ,, ومنهم من رآه فى مجموعة انوار مشكلة قرية كاملة
ومنهم من رآه فى شكل سيرة عرس بعرباتها وانوارها وبهرجها وذلك ما حكاه لى احدهم انه دخل الدارة وشبع رقيص مع الجماعة ولمن خلاص جابو العشاء وقال بسم الله ,, لا لقى عرس لا حفلة ووجد نفسه فى العراء .. !!
والذى له قصة من قصص ابلمبة فليأتى بها ,,,, وهى دعوة للفرفشة

لك التحية ياوليد .. ياابو لمبة

هي طبعا من قصص الخرافة والأسطورة كالغول .. والبعاتي .. والحاجات دي ..

لكن ما حكاه ورواه لي صديق يسكن قرية بالقرب من جبل أولياء ..جعلتي اخاف عديل كدا .. قال ذات مساء طلع الخلاء .. (عرفتها طبعا دي ) مع صديقه .. وقالوا نمشي لي وراء الحلة .. وكلما يجوا يقعدوا تجيهم سيرة .. وزغاريد .. وأبشر ياعريس .. لافين كدا لحدي ماطلع عليهم الصبح ووجدوا نفسهم قريب جبل اولياء .. لا حولة ولاقوة إلا بالله الجابنا هنا شنو ؟

يا طارق طبعا فى اساطير تحمل أقصوصات جميلة احيانا ,, وسبكة القصة تكون على
مقدار الخوف الذى يداهم صاحبه من المشوار الليلى ....!!
وطبعا ( لغار فكى عيسى ) حكاوى مماثلة للذين زاروهو

طبعا إنت أكيد ما دخلتا .. لكن سمعتا ..
كدي .. قول لينا .. ورينا

يا طارق هسى التوهان فى صفحات المنتدى دا لى هوايد الليل والناس نايمين ...!!

ياخ دا ما ابلمبة ذااااااااتو ,,,,

وليد التلب كتب:

يا طارق هسى التوهان فى صفحات المنتدى دا لى هوايد الليل والناس نايمين ...!!

ياخ دا ما ابلمبة ذااااااااتو ,,,,

طيب نحنا معاك التوهان في صفحات المنتدى هو ابو لمبه ذاتو
بس الخوف هنا من شنو ؟

المفرااااااااااااااكة

عوض خيارى كتب:

وليد التلب كتب:

يا طارق هسى التوهان فى صفحات المنتدى دا لى هوايد الليل والناس نايمين ...!!

ياخ دا ما ابلمبة ذااااااااتو ,,,,

طيب نحنا معاك التوهان في صفحات المنتدى هو ابو لمبه ذاتو
بس الخوف هنا من شنو ؟

اهااااااااااااااااااااا ياعوض سعلتنى ... !!!

هسى انت داخل فى المنتدى لى الساعة واحدة صباحا والناس كلهم نايمين ,, وانت تائه من السرير ,, وتقرأ فى الردود المضحكة وتضحك براااااك

فجأة المدام تصحى على صوت الضحكة وتقول : بسسسسسم الله ,, أها بسم الله دى بقولوها لى شنو؟؟ ماااا تيييب !!!

وتانى تكتب موضوع طوييييييييل وتكتب وتكتب وتكتب ولما خلاص تعمل ارسال تلقى اشتراكك انتهى قبييييييل وموضوعك وتعبك ضاع سااااى

زى لمن تكون ساكى ابو لمبة وفى النهاية تقول :

بسسسسسسسسسسسسسسسسسسم الله الرحمن الرحيـــــــــــــــــــــــــــــــــــــــــــــــــــــــــــــــــم

بتعرف شنو عن ابونجمة دا

اكتب لى وانا بكتب ليييييييييييييك

عبدالرحمن مدثر كتب:

بتعرف شنو عن ابونجمة دا

اكتب لى وانا بكتب ليييييييييييييك

يا عبدوش اجارنا الله من ابو نجمة وماجيك كابسول والتسمين الموضعى ,,

والعلاقة بين ابولمبة وابو نجمة ,, الاتنين بسمنو,, ولكن احدهما يسمن الخيال

يا ابولمبة اقصد ابو محمد انت لسة صاحى
دحين كلامك ياهو صاح المنتدى ياهو ابو لمبة
ذاتو ........... ما تقوم الا بالمفراكة .

يا عوض ماتجيب لى الهواء اقصد المفراكة .. !!

انا امس خليت الجهاز فاتح ونمت ما عملت خروج .. !!

ياخى نحن بدون مفراكة قلبنا كبيييييييييييييير ولاحقين ناس ( ...................... )!!

انت عااااااااااااااااااااااارف !!

وليد التلب كتب:

يا طارق هسى التوهان فى صفحات المنتدى دا لى هوايد الليل والناس نايمين ...!!

ياخ دا ما ابلمبة ذااااااااتو ,,,,

لا فرق بين اب لمبة واب صفقة
ابو صفقة موبايل نوكيا 7610
عبره يتوه الانسان فى البحث عن
المعلومة.

يا وليد فى العوامرة طريق المناقل فى الثمانينيات من القرن الماضى غرب الحلة من الساعة السابعة الى الساعة 12 بوكس نوره يضرب فى الحيطة ولا يصل الى منتصف الليل ويختفى وبكرة نفس الموال

مصطفى البله على كتب:

يا وليد فى العوامرة طريق المناقل فى الثمانينيات من القرن الماضى غرب الحلة من الساعة السابعة الى الساعة 12 بوكس نوره يضرب فى الحيطة ولا يصل الى منتصف الليل ويختفى وبكرة نفس الموال

يا مصطفى البلة , النور دا بكون بعد المرواح وغشوة أم قلة ؟؟ .....!!

يا ابو لمبه نحن مره مشينا عرس في الهشابه وبعد الحفله ركبنا بص ابراهيم مضوي ومتجهين علي الهدي بتعرف شجر ابيض قدام الهشابه لقينا بوكسي ماشي ونحن ماشين وراء البوكس والشارع نضيف وزي ما نجي في قريه نسال ناس القريه يا جماعه دي وين يقولو دي ود الشاطر نحن ماشين الهدي الشارع بي وين ويوصفهو لنا وهاك ياجري وتاني نصادف نور ماشي قدامنا ونمشي وراو ونجي نسال الحله دي وين دي ود الشاطر ونلف وندور حتي انتهي الجاز وقلنا الكلام الجاز وعند الصبح رينا تلك القريه والناس ما شاء الله جابو الشاي وسالونا عافيا قلنا ليهم في خجل العربيه قطعت جاز واحضرو لنا جاز من بتاع بابور وواصلنا سيرنا الي ان وصلنا الهدي والجماعه سالونا ما لكم اتخرتو قلنا الحفله صبآحِي وحلفو علينا وهاك ياضحك.

انت عارف يا محمد طيب , ابولمبة دا تقول مؤجر الحتة دى بالذات , المنطقة ما بين الهشابة وودالشاطر ..!!
اكثر التوهانات فيها ,, وابو لمبة حارسا ذى الشفع الحارسين كوبرى ود ديكو غرب المحريبا ,, كان جيت بالليل يصحو ويجوك جاريين جرى ينزلوا الحاجز , إلا تدفع حتى يرفعوهو ليك .. !!

الاخ وليد
ماهل ود اللبيح صاحب نكات ومواقف ظريفه وله جلسات مع شله منها بشير ودعبدالرحمن ودالطيب وطبعاً ماهل ود اللبيح سائق وابورحرات وماشي يحرت في نمره 20 عجب الدار وهي مشهوره بي ابو لمبه ونزل صاحبنا في النمره ووجد تلاته تراكترات يحرتن في النمره وبداء بعد اخر بابور وبداء يحرت والتلاته وابورات يحرتن الحواشات البعدو وهكذا حتي الصبح وجد انه يحرت حواشه والاخري في نصف النمره والبقيه غير محروتات وفي الصباح حضر صاحب الحواشه وسال ماهل بزعل لي ما حرت لي وقال ليهو تكلمو بابورات بعدي الليل كلو شغالات معاي وما لقيت معاهن الا تلاته حواشات بس وضحك صاحب الحواشه وقال ليهو دي ابولمبه وضحكا حتي سقط ماهل علي الارض والله دقسوني . الي اللقاء مع قفشات ماهل

ياوليد ياروحك قديمه ياضقت الخرف
بتجييب الكلام دا من وين؟
بمناسبة أبلمبه أنا زمان كنت متخيل الحرامي من فصيلة السحار والبعاتي وودام بعلو وياآآك وكدا رايك شنو؟

يا محمد طيب

لود اللبيح واولاده طرائف لذيذة ,, ياريت لو بتتزكر منها شوية

سراج الدين الفاضل كتب:

ياوليد ياروحك قديمه ياضقت الخرف
بتجييب الكلام دا من وين؟
بمناسبة أبلمبه أنا زمان كنت متخيل الحرامي من فصيلة السحار والبعاتي وودام بعلو وياآآك وكدا رايك شنو؟

يا سراج يآآآآءك .. !!

مسطول سألوهو : لو نملة وخروف تزوجو ,, بيلدو شنو ؟؟

قال : يا خروف منمل يا نملة مخرفة .... !!

ياوليد ود اللبيح يوم حضر سيره والعريس يبشر ساي وماهل ماشي معاهو وماهل مضي علي عرسه عام واحد وشاف الشافو حسن والبنات يغنن يمي الزول يالله تجيب الزول ده تعال بالعندك ابوي بسندك ويالله تجيب الزول وداللبيح ماشي معاهم قال لهم دي الزول الورطو بيهو ماهل وما شاف ماهل ماشي وراهو قال ليهو والله ماهل ورطو اتي براك وراحو يضحكو .

يا محمد طيب
وداللبيح زمان اختاروه فى اللجنة الشعبية والجنوب كان مدور,, وفرحاااان ,, و بعد اجتماع اجتماعين كدا ,, ناس اللجان كلهم جاهم استنفار للجهاد ,, والجماعة كلموا ود اللبيح بالخبر ,,
قال: والله نحن عمرنا دا كلو نحاحى عشان نخش اللجنة الشعبية والمرابيع والجاز والسكر وبعد الفرصة جاتنا اها تابكتنا فى تولا دى .. !!
أها اللجنة طايرة وكت جابت ليها جنوب وموت .. !!!

يا وليد
ود اللبيح في واحده في كمبو معايش اسمها
دق الرجال وهي ما شاء الله اسم علي مسمي
وداللبيح عمل ردميه في ابوعشرين وهي حواشتها
بعدو وسالت الناس القاعدين في الخلاء منو الردم
المويه قالو ليها دي ود اللبيح قالت ود الكلب
الجماعه وصلو الكلام لي وداللبيح وزعل وجاب الحمار وهو زعلان مشي الخلاء ولقي دق الرجال قاعده
سالها انتي قلتي وداللبيح ود الكلب قالت ليهو اسع
ود الكلب قال ليها بركه السمعتها من خشمك قبيل
جابوها لي قواله