السلام عليكم اهل المنتدى من _ _ _
هو اكبر زول فيكم منو لحدى ولدى مصعب انا خليتو اصغر زول فيكم
الزيكم ومنو الزيكم مافي زول زيكم
طولت منكم وماعارفه اقول شنو بس اعفو مننا واقبلونا لمن نجيكم
التحايا لكل فرد في المنتدى نساءا ورجالا وشيبا وشبابا واطفالا٠
واخص اخواتي اللائي لم تتح لي الفرصه للتواصل معهن في الضروه
لكنى والله احبكن جميعا
واقول يا اهل الهدى ان شاء الإله بنا افتراقا فإن الله يفعل ما يشاء
وإن قطعت سبل التلاقي فإن وصال
ماقطع الدعاء ٠
وإن صدقت لخالقنا النوايا ففي جناته يكن اللقاء٠
فادعو لنا وندعو لكم ٠٠ولنعالج نوايانا٠
ليكون اللقاء هناك متكين علي الارئك
اللهم امين

انتو عارفين المنتدى بقي ملاذنا يمكن ان ننشغل ونبعد دون ان ندرى او نحس ولكن ما ان نتوقف . نجيكم جارين ونلوذ نهرع بالذين نحبهم من علمونا كيف ان السجن باب للحياة
لمن نفقد عزيز نجرى عليكم تعزونا ونتسلي بيكم
وكان شوفنا مظهر يزعجنا جيناكم نحكي ليكم عن الاخلاق والسلوك
وكان حلمنا بزلط ومدارس حلوة وشجر وخضرة وجمال ومحو امية تقنية وغيرها من المشاريع الطموحة قلنا ليكم شيلو معانا الشيلة
واجمل حاجة لما الزول يتوه في عتمة
المفاهيم والافكار ومايلقي من يحاوره
لتنكشف الحقائق ويستبين الطريق نجدكم قناديل تضئون الدروب
بنقاشكم
وتفاعلكم
ورؤاكم

أهلا بالمسرة ورمز السرور التى نشتم فيها المحبة وتذكرنا بجنات الخلد التى وعد الله بها ذوى الإيمان والتقى،نسأل الله أن يشملنا جميعا برحمته ويحمعنا فى الدنيا على الخير ونفوز بالجنة أم موز كما ورد فى مدح المتيمين من اهلناالشعث (بضم الشين)

ودالياس كبيرنا والماعندو كبير يكوس ليه كبير حبابك يابا وجزاك الله خير

سلامات يابلد .. يا نيل
ازيك أختنا مسرة ..وحبابك
وحمدا لله على السلامة
وطولت الغيبة بلحيل .. ما دايرين نفرض عليك غرامات عادل خياري .. لكن بنقول ليك زي ماقال : عوضي ايام تأخيرك وغيابك .. ابداع .. عمل .. وانت الأمل معقود عليك .. والمسئولية في رقبتك .. اعملي لي بلدك ورفعتها ..
أجدد لك التحية .

طارق سلامات كيف حالك يامبدع قد ماالقى فرصه اشارك لكن تتاح احيانا فرصة تصفح المنتدى تسعدني مشاركاتك

حمدا لله على السلامة اختنا مسرة

وشارعنا بيك يخضره

وزلطنا ليك ينفره

والاميه تطلع بره

( الهاء لوزن القافية فقط ياهيثم) !!

خليك متواصلة بى موبايل بى دسك توب بى لاب توب

ولاب توب عوض الله المكسور داك اديهو ضربة ضربتين بشتغل

وقولى ليهو جهز الشنطة اللابتوب قرررررب !!

سلام حضرة الاوفوكاتو
وحضرة النائبة
غايتو القابك كترت الله يديك العافية ويقدرك عليهن
طبعا قلنا البت دي كبرت على المنتدى بعد دخلت على الحكومة من اوسع ابوابها وما ح تشتغل بينا تاني
لكن كويس انك ظهرتي تحت اي عباءة دخلتي المنتدى حبابك وكل الناس اهل برغم الوان الطيف السياسي

اقتباس :

السلام عليكم اهل المنتدى من _ _ _
هو اكبر زول فيكم منو

طبعا ده سؤال مافي ليه اجابة

أبو محمد تشكر لاقطع الله وصلنا بالمنتدى واهله ٠تحياتي للاسرة

عادل ازيك اولادك طيبين؟ ياخي شنو ياخ انا مااختك براحه علي ٠بس والله مافي شي شاغلني عنكم الا٠٠٠خليها علي الله

تسلمى يا اختنا مسرة

ام ضحوية مشتاقين ياغالية وعالية والضروة لسه فاضية وكتر خير الاخوة مخلين بالهم منها نأمل في تواجدك بها كل ماتدخلي المنتدى تستقبلينا باتسامتك الجميله وحفاوتك وبشاشتك وتشرفي على كل المشاركات

المعز اعزك الله واعز بك المنتدى والهدى والسودان والاسلام والأمة كتر الله خيرك على المرور والمشاركة

تعالى ومعاك البشارة من جوة قبة الجزيرة وطموحنا بسيط نواصل نفرتنا للمدارس والمستشفى والزلط ونشوف هدى المتقين عالية وزاهية
ونمحو الامية التقنية و___و__

كباشى خيارى كتب:

تعالى ومعاك البشارة من جوة قبة الجزيرة وطموحنا بسيط نواصل نفرتنا للمدارس والمستشفى والزلط ونشوف هدى المتقين عالية وزاهية
ونمحو الامية التقنية و___و__

ياريت ياأخوي كل جيه فيها بشارة وبشارتي ليكم إني معاكم وبشروني ان نظل هكذا دوماً نحلم ونبني ونرسم أجمل اللوحات ونحن نقول وبصوت واحد عالي وكبير قادرين نصنع الغد الجميل

حبابك عشرة الف لكي التحية والله دئما قلبك مع الهدي