الاحباب احيكم وبسلم عليكم
الامل الخيريةجمعية بحي المستشفى بدت بونسة وفكره زي نقاشنا الفي المنتدى دا اتطورت الفكره وبقت جمعية واتسجلت رسمي وخيرا حايعم كل منطقة الهدي باذن الله واهدافا سامية وجميلة وممكن صديق الماحي ساهم معانا عبر منتديات منطقة الحلاوين بالراي والدعم الفني ومتابع حتى التسجيل ونحن في البوست دا حانكون معاكم من اجل عمل الخير يصل لاهل الخير والتجربة ترى النور

الحبيب كباشى ..لك التحية والود
ونارك لكم قيام الجمعية..
والتى ولا شك ستكون محفزة لقيام جمعيات اخرى
لتساهم جمعيا فى خدمة مواطن المنطقة..
ارجو ان تفيدنا بتفاصيل اوفى..
وعن النشاط..والخدمات التى قدمت.وما هم منتظر ان يقدم..
وهل هناك جمعيات اخرى ..قائمة ..او على الدرب
وفقكم الله وسددعلى طريق الخير خطاكم
والدال على الخير كفاعله..

نحيى الابن كباشى
ونناشد اهل الخير وأبناء الهدى فى كل بقاع العالم بدعم الجمعية ولو بجنيه وكل على حسب استطاعته
ونرجو من الابن كباشى كتابة كل التفاصيل والبرنامج زى ما قال أخونا واستاذنا زيادة عبد الباقى
واهم حاجة رقم حساب الجمعية .. مهم جدا ممكن واحد من اهل الخير يشوف الحساب ويدعم عمل الخير

العزيز زيادة شكرا للمرور باذن الله عبر هذا البوست يكون لنا جولات بس الجوال زي ماقال التركي قدرظروفك حارمنا من الانطلاق وحانشوف بالدليل والارقام نحن وين

شكرا ياخال يافنان نحن نديك رؤوس الخيوط وهمتك معانا ودايرين شغل يسر العدو قبل الحبيب

كباشى خيارى كتب:

شكرا ياخال يافنان نحن نديك رؤوس الخيوط وهمتك معانا ودايرين شغل يسر العدو قبل الحبيب

انت فى وادى وانا فى وادى تانى خالص
ياكباشى يا حبيبى العمل دة لازم له من رقم حساب ولا جمعيتكم دى عشوائية .. ما بتقدر تستفيد كونك بس تنشر عندنا جمعية وبس وعايزين نعمل كدة
انتو مين ؟؟ قهم الناس بطريقة ممنهجة وعملية وكيف بداتم وأين انتهيتم

نحن في بيت بكا بت ضوالبيت الشيب والشباب قعدنا نفكر الحي صيوانو منتهي ومافي خدمات وفرش مافي ولاابريق قالو يجمعو تبرعات ويلمو الحاجات دي قالو نعمل لجنة وشوية شوية اتطورت الفكرة وبقت جمعية وقالو لازم تسجل رسمي الوحدة الادارية والمحلية وجهاز الامن وسيرة ذاتية لاعضاء اللجنة وصور والولاية والوزير وكل الورق ده للسيد مسجل الجمعيات وجلناها بعد ولاده والفضل يعود للعم حسن مصطفى وعلاقاتو وتلفوناتو ودفاروق من ودالمنسي متزوج بت الرضي برضوماقصر

قبل البسجيل كونا المكتب عبدالمنعم محمدعوض الكريم رئيس وشخصي الضعيف سكرتير ود_عزالدين عبدالرازق للمال ومن التلاتة ديل بدا التبرع وناس الحي دفعو اشتراك ٥ج شهري وتبرع شخصي بدا بي عشرة ج لي ٥٠٠ج جبنا ٥فرشات وكمية من الاباريق و٢٠٠كرسي وعملنا صيانة لصيوان الحي و٢ حافظة موية كبيرة٨جالون وتبرع محمدودحاج احمد بي مولد كهربا قيمته ٨٠٠ج وبدا دعم العزاء بي شوال سكر ومقترح ٣٠٠ج بالاضافة الي تجهيز كل الحاجات المذكوره اعلاه وادوات االحفر للمفابر وبرضوتبرع ليناياسر خياري بكشافات غاز ولسه موعودين بخير كتير

بعد التسجيل الوزاره خاطبت البنك الزراعي فرع الهدى فتح حساب للجمعية وفعلا فتحناحساب بالرقم ٢٩٨٩ باسم جمعية الامل الخيرية بالهدى

مستهدفين حاليا نادي المشعل وبناء مخزن به لحفظ اصول الجمعية وعمل مكاتب لهابالنادي وضم النادي ضمن انشطة وبرامج الجمعية ووافق اهل الحي بالاجماع على هذه الخطوه وبامل ان نوفق وننهي هذه الخطوة

ماسالتو عن كبار الحي ؟ عملناجمعية عمومية وفضلو يعملو هيئة استشارية من كبار وحكماء الحي زي مجلس الاداره تقول كده وديل مهمتم مراقبة اللجنة وارشادا ونصحهم وكسب سند اهل الحي ومقابلة المسؤلين ان لزم الامر وعندهم حماس عالي عقدنا تقول الواحد رجع شاب تاني وعندواستعداد لتنفيذ اي مهمه ويكلفوهم بيها

كباشى
تحياتى .. وانت والحادبين على مصلحة الهدى
تفتحون شرفة لشعاع امل من جديد يداعب العيون
ويهدى الناس لشارع الخير

وبكون اجمل لو خليتو ماعون الامل كبير شوية بحيث
يشمل الهدى .. ولايقتصر على حى المستشفى فقط
المهم فى الامر ان البداية تحولت الى خطوة عملية طوالى

وين ياصديق دا رقم الحساب ودي الصوره ودالياس وعادل وصديق خياري وزياده وعبدالرحمن مدثر وكل الاحباب ومحبي الخير وروناحاجة رقم مبلغ فكره جنيه عيني مروحة كرسي كلمة سؤال متابعة رقابة

بالتوفيق