واحد وعشرون عام ولم نحقق شي يزكر تدهور في ودولاب الخدمة المدنية و فقر زيادة نسبة العطالة تدهور الاقتصاد.؟؟

سلام اخونا صديق
حاول اصبر لغاية يوم 9 نشوف البحصل شنو
الايامات دي الرئيس مافايق ليك في التقسيم الجائي وتحمل حزبه لتفتيت البلد

اخي صديق لا يوجد من هو اجدر لهذه المرحله الهامه الان سوي السيد الريس الحالي المنتخب من قبل الشعب السوداني قااااااااااااااااااااااااااااااااااطبه
مطالبه الريس بالتنحي في هذا التوقيت خطاب غير موقف نهائيا...

اخي/ حسن اسماعيل .....الجدارة في شنو ؟ في عنتريتوا..ولا في رقيصوا، ؟؟ اذا كان جدير

بعد ٢١عام الدخلنا في الزجاجة نحن فيه دي منوااااااااااااااا ؟

وموضوع الرئيس الحالي المنتخب من قبل الشعب.

قطعت كجهيزة، قول كل خطيب
 
https://www.youtube.com/watch?v=Q_905SmMV3E

https://www.youtube.com/watch?v=7dO7Fm6oYm0

نعم يا ود مدثر اجمل حاجة فى شعبنا السودانى انو شعب فيه كل الخصال الحميدة

شعب طيب .. شعب مسامح .. كريم .. سباق لكل شىء .. فى الحارة بتلقى ..بنسى


ههههه لسسسه بيرقص عشان( يخمخم) زي ناس اخونا حسن اسماعيل

صديق حماد شرف كتب:

نعم يا ود مدثر اجمل حاجة فى شعبنا السودانى انو شعب فيه كل الخصال الحميدة

شعب طيب .. شعب مسامح .. كريم .. سباق لكل شىء .. فى الحارة بتلقى ..بنسى


ههههه لسسسه بيرقص عشان( يخمخم) زي ناس اخونا حسن اسماعيل

هههههههههههه ناس حسن ديل لا ليهم في العير ولا في البعير

اها يا عادل خياري منتظرييييييييييييييييين ترا يوم ٩ ما هوووووووووو بعيد
تحياتي

الرئيس يتنحي يخليها لمنو نحن مادايرنو يتنحي عشان نحاسبو في نهاية الفترة,يجب ان نكون امينين رقصتو دي كلنا عارفين اسمها العرضة,نسبة البطالة زادت نتيجة للزيادة السكانية التي تبعتها زيادة في عدد الجامعات
وبالتالي ازدياد عدد الخريجين ولكن ذلك لايمنعناالقول ان
التوظيف علي قلته لم يكن بالشفافية المطلوبة.تفتيت البلد اختاره اهله جميعا ابتداء من تمرد توريت الاول والمطالبة بحق استقلال الجنوب ثم التجمع الوطني الديمقراطي بالقاهرة اقر حق تقرير المصير ثم اكدته نيفاشا واصر عليه الجنوبيين ,انتخاب الرئيس لم يكن نزيها وفي نفس الوقت لم يكن له منافس,اما المعارضة التي قلتم انها لم تتفق علي كلمة لاسقاط النظام اسألوا اسحق احمد فضل الله عن ادني درجات اختلافهم.

اخي محمد قسم الله تشكر علي التعقيب ،علي لسان وزير الاعلام المعارضة كلها مرتشية ..... وفي السودان ما في حاجة اسمه التوظيف ...(التعين)

انت موالي بيعيونك علي طوووووووووووووووووووووووووووول

فووووووووووووووووووق

يا صديق حماد كيفك ؟؟

انت قاصد يتنحى ,, يتخارج ويتطلب الله؟؟
ولا
يتنحنح يقول اححححم اححم اححححم ؟؟

ههههههههههههههههههههههههههههه ها ها ها

تمام العيال يسلموا عليك، انت والاولاد انشاءالله كوسين ،

لا لا لا احسن ينخنخ وينور لينا البلد انشاءالله

ياصديق لك التحية
احسن نصبر على الدغمسة دى
ونكون مع المدغمسين

مهند الأمين عبد النبي كتب:

ياصديق لك التحية
احسن نصبر على الدغمسة دى
ونكون مع المدغمسين

شيخ مهند حمد لله على السلامة

لكن قالوا : الدغمسة ولا صرة الوش

ههههههههههههههههههههههههههه

ياشيخ وليد
نحن مع الشريعة ولكن
شريعة عمر ابن الخطاب
وشريعة لو سرقت فاطمة بنت محمد لقطع محمد يدها

عشرين سنة دغمسة ساااااااى

ههههههههههههههههههههههههههههههههههههههههههههههههههههه
كدي اصبروا يا جماعة الصبر مفتتتتتتتتتتتتتتتتتتتتتتتتتتاح الفرج
لكم التحية

مهند الأمين عبد النبي كتب:

ياشيخ وليد
نحن مع الشريعة ولكن
شريعة عمر ابن الخطاب
وشريعة لو سرقت فاطمة بنت محمد لقطع محمد يدها

عشرين سنة دغمسة ساااااااى

ربنا يستر البلاد والعباد يا شيخ مهند ويجعلنا نقف على الحدود ولا نحيد

للاسف الشديد نسمع بالشريعة فى السودان لا نرى لها ملامـــح

يا جماعة هسي بحالته دي كلب ما برضي بيها ...الله يستر

محمد قسم الله محمد فضل ال كتب:

الرئيس يتنحي يخليها لمنو نحن مادايرنو يتنحي عشان نحاسبو في نهاية الفترة,يجب ان نكون امينين رقصتو دي كلنا عارفين اسمها العرضة,نسبة البطالة زادت نتيجة للزيادة السكانية التي تبعتها زيادة في عدد الجامعات
وبالتالي ازدياد عدد الخريجين ولكن ذلك لايمنعناالقول ان
التوظيف علي قلته لم يكن بالشفافية المطلوبة.تفتيت البلد اختاره اهله جميعا ابتداء من تمرد توريت الاول والمطالبة بحق استقلال الجنوب ثم التجمع الوطني الديمقراطي بالقاهرة اقر حق تقرير المصير ثم اكدته نيفاشا واصر عليه الجنوبيين ,انتخاب الرئيس لم يكن نزيها وفي نفس الوقت لم يكن له منافس,اما المعارضة التي قلتم انها لم تتفق علي كلمة لاسقاط النظام اسألوا اسحق احمد فضل الله عن ادني درجات اختلافهم.

انت قلت معارضه
؟؟؟؟
معارضه شنو ياخي
مما قمت ماسمعت لي معارضه شغاله بالدفره
دي وقت تجي تعارض بتاخد اذن
اهااااااااااااااااااا
ان من منو ؟؟
ماتوقعني في الكلام ارجوك
طيب فوتناها ليك
اها تاني شنو
معارضه قال
في واحد مره قال داير يعارض
لما سالوهو بتعارض عشان شنو
قال عشان يقولو علئ معارض
شفتو المعارضه دي كيف
المعارضه عندنا بالرجاله ساااااااااااااااي قايمه
يادينا معاك منصب وزاري قروشو كتيييييييييييره عشان نسف معاك
يا نعارض
مره كده في جماعه في حله فوق كونو ليهم فريق لكره القدم
قالو دايرين يلعبو مع فريق حله تحت
اها الجماعه شيل وخت شيل وخت طلعو بالتشكيله اللي حتلعب
ناس لعبو اساسيين وناس ختوهم في دكه الاحتياطي
لمن المباراه قربت تنتهي جماعتك ناس دكه الاحتياطي شافو خلاص مافي طريه العبو في الزمن الضائع
قامو دقو جرس
شالو ليك عدتهم ومشو قعدو مع احتياطي الفريق التاني
ههههههههههههههههه
سالوهم مالك جايينا هنا
قالو ليهم اصلو نحن قلبنا معارضه
ههههههههههههههههههههههههههههههه

ياخي ماتقول ليك كلمه تاني غير كلمه معارضه اللي هي اصلا غير موجوده

بعد نشوف نتيجة الاستفتاء
ياالرئيس والرقيص يا المعارضة والدفيس .

معارضة شنو ؟ دي ممارضة متمارضة محتاجة درب (سكر وملح) عشان حالا ينصلح وتبقى قدر هموم الوطن والمواطن .
لك التحية أخي / صديق حماد شرف
الباقي كم يوم ما كتير علي حق تقرير المصير .
مع إنتظار صدق توقعاتي وتحياتي . ودبتول

تشكر يا شيخ مهند علي التعقيب

نعم يا الاخ مضوي الله يستر....

اخي المهدي ابرهيم المهدي
شكرا علي المرور

حبيبي /حسن اسماعيل

لو اتفقنا معك بأن الأحزاب ضعيفة وغير قادرة على احداث اي تغيير بسبب ضعف قياداتها وانتهازيتهم
السؤال
هل لديك وسيلة اخري لتغيير هذا النظام ام انك تريد استمرار هذا النظام الفاسد؟؟؟؟

لك التحية

صديق حماد شرف كتب:

حبيبي /حسن اسماعيل

لو اتفقنا معك بأن الأحزاب ضعيفة وغير قادرة على احداث اي تغيير بسبب ضعف قياداتها وانتهازيتهم
السؤال
هل لديك وسيلة اخري لتغيير هذا النظام ام انك تريد استمرار هذا النظام الفاسد؟؟؟؟

لك التحية

التغيير عبر صناديق الاقتراع
طالما ان المعارضه كل وظيفتها ان تشكك وتدين فقط
اا ارادت التغيير كما قال السيد الريئس عليها ان تستعد للانتخابات القادمه من الان
عليها ان تنزل للقواعد
عليها ان تتبنا برامج يحس بها محمد احمد
عليها ان تعلن وجودها علي ارض الواقع
عليها ان تصبح رقما لا يمكن تجاوزه
عليها تتخلي عن الانسلاخات والانفصالات التي تحدث بسبب وبدون سبب

أخي حسن اسماعيل لك التحية لم أشأ أن اذكر المعارضة
لولا انها جاءت في صياغ الكلام,اما اسحق احمد فضل الله عندما ذكر إختلاف المعارضة قال ان احد المعارضين في ليلة ندم قال للبقية عندما سكروا بحثوا عن البنات فوجدوهن ثم اختلفوا علي اقتسامهن قال لهم انكم لم تتفقوا علي10(عاهرات) دايرين تتفقوا علي حكم بلد؟

محمد قسم الله محمد فضل ال كتب:

أخي حسن اسماعيل لك التحية لم أشأ أن اذكر المعارضة
لولا انها جاءت في صياغ الكلام,اما اسحق احمد فضل الله عندما ذكر إختلاف المعارضة قال ان احد المعارضين في ليلة ندم قال للبقية عندما سكروا بحثوا عن البنات فوجدوهن ثم اختلفوا علي اقتسامهن قال لهم انكم لم تتفقوا علي10(عاهرات) دايرين تتفقوا علي حكم بلد؟

ههههههههههههههههههههه
ياخي والله انت بتاع فضائح بشكل
ديل البلد انت قايلهم هاماهم
ماعندهم بيها الشغله
والله لو اديك اي واحد فيهم صحن فول ممكن يبيع البلد طوالي
ماكفايه باعوها قبل كده وجو راجعين وجدوا القواعد فااااااااااااااااااااااااااااااااااااااااااااااااااااااااااااااضيه

إنت حسن إسماعيل ولا إسماعيل حسن؟جرحت مشاعرنا عندما ذكرت البيع بصحن الفول

محمد قسم الله محمد فضل ال كتب:

إنت حسن إسماعيل ولا إسماعيل حسن؟جرحت مشاعرنا عندما ذكرت البيع بصحن الفول

لم اقصد واعتذر
فقط كنايه عن المبالغه ليس الا يا حبيب
يمكن لاي شخص مقابل الاقامه والفيزا وبعض الملايين التي تعرض عليه ان يبيع البلد
وما الحركات المسلحه في دارفور كخير مثال
هذا ما قصدته يا حبيب
لك العتبي حتي ترضي

اخي حسن اسماعيل لاعليك لاني لم اقصد عتابك بل قصدت التواصل اما اسماعيل حسن فهو صحفي رياضي مريخي اما قولي فيما يتعلق بصحن الفول سبق وان قال هيثم مصطفي
يمكن للشخص ان يشتري بعض الصحفيين الهلالاب بصحن فول واستغلها المريخاب ضد الهلالاب وسموهم اعلام الفول

محمد قسم الله محمد فضل ال كتب:

اخي حسن اسماعيل لاعليك لاني لم اقصد عتابك بل قصدت التواصل اما اسماعيل حسن فهو صحفي رياضي مريخي اما قولي فيما يتعلق بصحن الفول سبق وان قال هيثم مصطفي
يمكن للشخص ان يشتري بعض الصحفيين الهلالاب بصحن فول واستغلها المريخاب ضد الهلالاب وسموهم اعلام الفول

ياخي قطعت قلبنا ياخ
ماكان تقول كده من الصباح
لو جيت سيره سيدا من الاول كان ارتحت
هههههههههههههههه
الكلام مما يدخل فيهو سيدا خلاص
يادوووووووووب الواحد ممكن ينداح
غايتو لو لقيت لي صليب سكر زايد ده انا حاشكرك مووووووووووت
اصلو السكر بقي غالي النهار ده
ههههههههههههههههههه

اقتباس :

التغيير عبر صناديق الاقتراع

ههههههههههههههههههههه

كما قلت من قبل ان اي انتخابات يشرف عليها المؤتمر الوطني ستكون نتائجها معروفة خاصة ان عضوية هذا التنظيم لا تعرف القيم ولا المبادي ولا الخق القويم وذمتا غرييييييييقة خاصة في المال العام بل بلغت درجة من الاستهتار في سرقة المال العام ان لا تجتهد حتى في تبرير لماذا ترفض وحدات باكلمها مراجعة ماليتها بواسطة المراجع العام ؟؟!!

لك التحية يا حسن اسماعيل

شرطونا بالضحك واحدقال هو رجل المرحلة( المرحلة الحرجة)

يعنى قصد كدا ياخوى يتنحى زى الوالى بتاع المريخ؟

يسقط يسقط حكم العسكر

الأخ صديق حماد وكل الاخوه المتاخلين لكم التحيه
-مطالبة الرئيس بالتنحي يتنحي كل السودان ولا يتنحي الرئيس -تنحي 28% من السودان والرئيس هو الرئيس والشعب هو الشعب ولو راح تاني 30% سيظل الرئيس هو الرئيس والشعب هو الشعب سيبقي الرئيس وحزبه يحكمون حتي الجماجم لو تم فناء الشعب السوداني(الكرسي موجود والآلات الموسيقيه موجوده الرئيس وحزبه موجودون أبيتم أم رضيتم).
- الرئيس لما جاء سنة89 شاوركم ولا أخذ اذن منكم جاء علي ظهر الدبابه وسوف لن يترك السلطه بأوراق كما قال ملس زيناوي عند اجراء أول انتخابات بعد توليهم للسلطه لفتره من الزمن وكان حزبه خسر الانتخابات ورفض تسليم السلطه بحجة أنهم أتوا بقوة السلاح والنضال فكيف يسلون السلطه بورق.
-المعارضه حتي الآن ضعيفه وسوف يلعب بها المؤتمر الوطني كما يريد وغير جديره بقيادة الشعب السوداني الأبي ليس تشكيكا في أخلاقياتهم كما يتهكم البعض ولكن لضعفهم القيادي و غياب دورهم الملموس حتي في القضايا المصيريه وهم أصبحوا كالمواطن البسيط يكتفون بالفرجه علي ما يجري في الساحه السياسيه وكأنهم ينسون حجمهم أو أصابتهم عقدة الدونيه والتي غرسها اعلام المؤتمر بكل تمكن في الجسد السوداني.
-أن كانت الأحزاب تريد قيادة السودان فعليها أن تستعيد قواها وأن تتجه نحو قواعدها بكل قوة وأن تبحث عن نفسها بين أشلاء المواطن الضعيف وليس بين النخب السياسيه.
-ان جهزت الاحزاب نفسها ودخلت الانتخابات وبنفس الصوره السابقه فسيكون مصيرها الزوال. يجب ان تبني قواعد جديده للانتخابات وسوف لن يتحقق هذا في ظل أحزاب لاتملك حق السندوتش وعليه وكما قال أهل السلطه سابقا(سوف نسلمها عيسي). فهل عيسي ظهر حتي يتم التنحي عن السلطه؟؟؟
- الآن النغمه السائده(حتي من الرئيس)- قالوا عايزين دوله علمانيه يقصد الأحزاب- وهو الهدف منه زياده المسافه بعدا بين الأحزاب السياسيه والمواطنين ولا يذكر من الحزب الذي طالب بالعلمانيه حتي يتم ضرب كل الأحزاب بهذه المقوله والتي يقصد منها كسب عطف الشارع السوداني والذي يقف موقفا واضحا مع الشريعه بمختلف أحزابه ما عدا الاحزاب اليساريه فهل حقيقة الشريعه بمقاصدها السمحه هي نقطة الخلاف بين المؤتمر المكنكش في السلطه وبقية الأحزاب الضعيفه.
-نحن كشعب تعب وتبهدل كثيرا نريد أحزايا قويه لها كلمه صادقه ولا نريد تصريحات جوفاء لا تخدم الوطن ولا المواطن فهل هذا الطلب صعب المنال والتحقيق.
ولكم تحياتي

اذن نحن فاسدون

كتلوا الجدادة وخمو البيض وهى لله وهى لله لا للسلطة ولا للجاه احالوا موظفين الخدمة المدنية الشرفاء الى الصالح لهم وادخلوا جيوش من ناس زعيط ومعيط الولاء طز فى الكفائة والخبرة ولا لدنيا قد عملنا نبتقى رفع اللواء والجنوب طار والغرب فى الطريق والشريعة سوف تطبق على الغلابة والقطط السمان محمية بامر امير المؤمنين وعشت يا سودان موفور القيم