سلام حبايبنا ..

جينا ليكم والشوق دفرنا .....

( هييي يا ود بلال لازينى وين ) ..؟؟

الحكاية شنو يا خونا ؟؟

وأنا داخل المنتدى بعد غيبة كم يوم كدا ..

لأ فاجاْ عند البوابة : ــ ثاااااااااااااااااابييييييت !! قف مكانك !!

وقفت ولا أقوى على الوقوف من شدة الخلعة والرجفة ..!!

بطاقتك ؟؟ , ماشى وين ؟؟ جاي من وين ؟؟

يا جماعة انا عضو فى هذا المنتدى وداخل بالبوابة عديييل

اسطول من عربات التشريفة والحرس الجمهورى !!.. وحكمة الله السواقين كلهم عوامرة !!

ياربى البلد دى حصل فيها شنو ؟؟

قالوا : الرئيس فى المنتدى ..

طارق المامون كتب:

تراودني احلام كثيرة ..
حلم القيادة والريادة والزعامة ..
احلم بأن اكون رئيس .. أحكم وأتحكم في دولة كبيرة حدادي مدادي .. .. وارتع وأبرطع سااااي (زي ماقال عبدالرحمن مدثر ) ..

. لكن ارجع وأقول : للرئاسة والسيادة والزعامة .. شروط : وكلها غير متوفرة عندي ..
فمثلا .. لا أملك البسطة في الجسم والطول .. وأنا زول عامري مربوع مع شوية كرش ..
وأذا قلنا سعــة في المال : فبرضو دي غير متوفرة .. يا دوب الأمور ماشة كدى بالبركة ..والحمد لله ..
وإذا جينا للعلم .. فبرضو دي مامتوفرة لأني لآ أحمل من الشهادات بعد الثانوية إلا دبلوم ترجمة وشهادات آلة كاتبة وتلكس ودى حاجات بقت ما بتأكل عيش ذاتو خلي .. تخلي الواحد يبقي رئيس ..
يا عم .. تبقي رئيس لي منو ؟ .. وعشان تعمل شنو ؟ .. اقوم وإستغفر الله وأقول الله يلعنك يا أبليس .. الواحد ناقص ..
هل إنتو راودتكم يوم مثل هذه الأحلام ..

هنيئا لك عمنا طارق بهذا الحلم الضخم ( هو والتوج ) !!

تذكرت ايام زمان عندما تكون لاحدنا مناسبة ( سماية ) يتجمع حوله كل الصحاب والكل يمنى نفسة بالعزومة .. !!

والان يا سيادة الرئيس المامون يتجمع حولك كل الاعضاء والكل يمنى نفسه بوزارة !!

وزارة الماليه ما عندنا ليها جيب لكن شوف لينا وزارة الزراعة عشان تكتر ليك من (الموليتا )الرئاسية !!

تذكرت مقولة قديمة منسوبة لعمنا امام ود ابوشنب : حينما ادعى احد الجماعة النبوة !! واتى للصادق حمد له الرحمة

فقال له : اذهب من دربك دا لامام ,, فذهب لامام وحكى له حكاية النبوة الجاتو ..

فقال له امام : يا سلااااااام والله نحن الحلاوين ديييل مظلومين ,, اصلو ما ظهر عندنا نبى ,, بركة الجيتنا ..!!

فطبطب عليه وهدىْ من ثائرته وقال له : لا نبى بعد محمد (ص) وذهب به الى الطبيب ..!!

وكذلك العوامرة مظلوميييييييين يا طارق ,,, أصلو ما ظهر عندهم رئيس .. !!

وليد التلب بركة الجيت متلب
مشتاقين لي صورة حمودى مرات بجيني احساس انو هو القاعد اعمل القفشات دى

أخي عوض لك التحية

صاحبك وليد كان مدروش يرجع بالليل مرات يورق الخدرة ومرات يغسل العدة وما لاقي وقت يخش المنتدى

وابنه محمد يردد- بابا بغسل العده



2000سلام

اولا حمدا لله على السلامة سعادة الوزير المتخفي ..
ولولا ظهورك العلني كنت قد إستخدمت كل الصلاحيات المنصوصة لي قانونا ودستورا .. وإستصدرت مذكرة توقيف .. وإحضار بالقوة الجبرية .. ولكن بظهورك .. عفونا عنك .. وشملك العفو العام ..
وكويس إنه تم إستقبالك بالمشهيات الرئاسية ( الموليتا ).. عشان تفتح شهيتك للوجبة والوليمة الرئاسية والتحلية أكيد حتكون بعكارة آخل موديل( رئاسية ايضا ) من الشيف أسامة طاهي قناة الشروق .. بعد إضافة التمر وبدل دقيق الذرة إستخدام طحين الدخن .. والحليب وتقدم ليك في كاسة على شكل هرم مع مصاصة على شكل حلزوني .. وبالهناء والشفاء ..
وطبعا إنت وزارتك محجوزة من زمان .. لأنك رجل أخضر .. وتحب الشدر .. ( وزير الزراعة ) .. وهي قطعا أحسن من وزارة الكورة واللعب ( الشباب والرياضة ) ووزارة الثروة السمكية والحيوانية ..
وطبعا .. السودان دا كلو مظاليم .. ونسأل الله أن يعيننا لرد المظاليم عن أهلنا الطيبين ..
أشكر لك دعمك .. لمشروع حلمي الرئاسي والذي أتمنى أن لايكون هو والتوج أو آخرتها زيارة للطيبب النفسي ..

عوض خيارى كتب:

وليد التلب بركة الجيت متلب
مشتاقين لي صورة حمودى مرات بجيني احساس انو هو القاعد اعمل القفشات دى

الله يديك العافية (( سيد القرع )) !!

اها امشى من دربك دا ,, ادى اوراقك لى السيد الرئيس

يمكن يديك الحكومة الالكترونية !!

محمد احمد الصادق المقبول كتب:

أخي عوض لك التحية

صاحبك وليد كان مدروش يرجع بالليل مرات يورق الخدرة ومرات يغسل العدة وما لاقي وقت يخش المنتدى

وابنه محمد يردد- بابا بغسل العده



2000سلام

اها يا اللخضر ,, بصراحة كدا ,, الواحد يغسل العدة وللا يخش المنتدى ؟؟

وبعدين انت من زمن يورقوا الخدرة ؟ ,, الناس بقت تورق الموليتا !!

طارق المامون كتب:

..
ولولا ظهورك العلني كنت قد إستخدمت كل الصلاحيات المنصوصة لي قانونا ودستورا .. وإستصدرت مذكرة توقيف .. وإحضار بالقوة الجبرية .. ولكن بظهورك ..

الشعب يريد اسقاط النظام ..!!

حمد لله علي السلامه يا باشمهندس
خلي السيد الريس يتوهط كويس في الكرسي وبعد نسمع برنامجه
وبعد داك نكابس في الوزارات
السيد الريس الجمهور يطالب بتكملة الظلط ..
نطالب بحاجات كتار
المهله محدوده يا ريس رئيس اتحاد الكوره ما دايرنو لانو بنحاز للجماعه
موسي الزومه ما ينشطب والعجب كان عمرو الافتراضي انتهي برضو ما ينشطب
توصي اتحاد سيكافا عدم مشاركه الفرق البتعمل فضايح للجماعه والهدري ما يدخل فيهو قينان كتار

محمد الطيب ابراهيم كتب:

حمد لله علي السلامه يا باشمهندس
خلي السيد الريس يتوهط كويس في الكرسي وبعد نسمع برنامجه
وبعد داك نكابس في الوزارات
نطالب بحاجات كتار
المهله محدوده يا ريس رئيس اتحاد الكوره ما دايرنو لانو بنحاز للجماعه

الله يسلم ويديك العافية ابو ريان ..

الرئيس عامرى والعوامرة بزرعوا الطماطم والطماطم حمراء وكذلك الشطة

والاحمر لون الزعيم ..

رئيس الاتحاد امسكوا فيه بايديكم واسنانكم لانو داير يسجل ليكم اربعة محترفين

فى اكبر عملية انحياز يشهدها التاريخ .. !!

محمد احمد الصادق المقبول كتب:

أخي عوض لك التحية

صاحبك وليد كان مدروش يرجع بالليل مرات يورق الخدرة ومرات يغسل العدة وما لاقي وقت يخش المنتدى

وابنه محمد يردد- بابا بغسل العده



2000سلام

ههههههههههههه
ود المقبول العدة والخضرة ما براهن
خليها مستووووووووووورة

طارق المامون كتب:

اولا حمدا لله على السلامة سعادة الوزير المتخفي ..
ولولا ظهورك العلني كنت قد إستخدمت كل الصلاحيات المنصوصة لي قانونا ودستورا .. وإستصدرت مذكرة توقيف .. وإحضار بالقوة الجبرية .. ولكن بظهورك .. عفونا عنك .. وشملك العفو العام ..
وكويس إنه تم إستقبالك بالمشهيات الرئاسية ( الموليتا ).. عشان تفتح شهيتك للوجبة والوليمة الرئاسية والتحلية أكيد حتكون بعكارة آخل موديل( رئاسية ايضا ) من الشيف أسامة طاهي قناة الشروق .. بعد إضافة التمر وبدل دقيق الذرة إستخدام طحين الدخن .. والحليب وتقدم ليك في كاسة على شكل هرم مع مصاصة على شكل حلزوني .. وبالهناء والشفاء ..
وطبعا إنت وزارتك محجوزة من زمان .. لأنك رجل أخضر .. وتحب الشدر .. ( وزير الزراعة ) .. وهي قطعا أحسن من وزارة الكورة واللعب ( الشباب والرياضة ) ووزارة الثروة السمكية والحيوانية ..
وطبعا .. السودان دا كلو مظاليم .. ونسأل الله أن يعيننا لرد المظاليم عن أهلنا الطيبين ..
أشكر لك دعمك .. لمشروع حلمي الرئاسي والذي أتمنى أن لايكون هو والتوج أو آخرتها زيارة للطيبب النفسي ..

سيادة الريس ........
كنا نريد ان نلتمس منكم العذر للمتهم اعلاه ولكن وجدنا سعة صدر ورحمه
ونشكر لك العفو التام والعام للمتهم اعلاه ودمتم ذخرا للوطن
...........
وايضا نشكر لكم كرمكم الفياض فى استقبال المعارضين لنظامك
وحسن بصيرتكم فى التعامل مع القضايا المصيرية
...............
ونشكر لكم ثقتكم فى الاخ الوليد فى توليته وزارة الزراعة وهو اهل لها
.............
ونلتمس منكم ارجاع الحقوق الى اهلها ورد المظالم ونرجو من سيادتكم
تكريس كل جهودكم فى التغليم لانه اساس نهضة الشعوب
ودمت يدا امينة لحماية مكتسبات هذا الشعب الابى .

اقتباس :

ههههههههههههه
ود المقبول العدة والخضرة ما براهن
خليها مستووووووووووورة

وإييييييييييييييييييييييه كمااااااااااااااااان ؟؟

سلام ياسيد وليد حمدا لله على السلامة
يعني كلامنا ما اثر فيك
لكن واسطة سيد الحوش عوض الله جابت خبرك
على كل مرحب بيك تاني وتالت ورابع في بوستك او حوش ود البشرى حوش الريس
وهو غير حوش ود بانقا

نرحب فرحين بعودتك أخ وليد مع التحية ليك والعيال متمنين لكم الخير كله عاجله وآجله ،وبعد ما تخلص من الخدرة والموليتا وبروتوكولات الرئاسة تعال بيغادى لأخونا عادل خيارى الظاهر عايزك فى مواضيع مهمة كتييييير