شمس التهانى اشرقت ولم تغب حتى الآن
الكثيرون الجمتهم الدهشة وهم يسمعون
اصوات الميكرفونات تتعالى كاصوات
الضفادع فى الخريف ال فلان الفلانى
............ تاهيل ابنهم (.........)
زفاف الاميرة (.........)
حقا انها انتفاضة الشباب فى تحدى الايام
وسباق الجمع .
والطريف فى الامر هنالك بعض الناس
يطلقون على الجمع بتسمية انتفاضة الشعوب العربية
مثلا الجمعة الماضية (جمعة الغضب ) نسبة
لكثافة المناسبات فى الهدى وماجاورها من القرى
مدينة الهدى 12 مناسبة العقدة 10 مناسبات شندى
5مناسبات الكارناب 3مناسبات والدبيبة وداغيبش
وا وا وا

وما من جمعة تمر الا وكانت بها على
الاقل تلاتة اربعة مناسبات زواج
وطهورين تلاتة هوادة .
كما تم الاستعداد كاملا للجمعة القادمة
(جمعة الصمود) وحفظ ماتبقى فى الجيب
فاذا كنت ترغب فى التحدى فاحجز جمعتك
من الان قبل ان تاتى (جمعة الرحيل ).

هذا الامر يجعل كل ناس البيت
فى حالة استنفار وتقسيم للادوار
والمشاركة انت تمشى ناس فلان
وانا ناس فلان والماعندو زول
اقاسموا ولا جماعتوا فارين
او مغتربين اشيل شيلتو
وماقصر اخونا الهادى محمد يحى
الجمعة الفاتت مثل ناس الهدى
خير تمثيل فى عرس الاميرة
والامير وليام . وشايلوا الفين
وختاهن فى الدفتر جت
وقال انا زول واجبات .

سلام ياحبيب
وحمدا لله على سلامة الظهور
ومبرك لكل العرسان جميعا
ومن الان فصاعدا هذه هي نوعية الكروت الجديده من ايميل حسن اسماعيل

[ندعوك للتسجيل في المنتدى أو التعريف بنفسك لمعاينة هذه الصورة]

لكل العرسان

وعقبال للما عرسوا ,,,,,

سافية جحا
المناسبات الكتيرة يا علاء الدين فعلا مشكلة وقد تسبب احراجا لمعظم العباد
ومن الممكن ان تدمر اى ميزانية مسبقة وطبعا نحن ما عندنا ثقافة ميزانية مسبقة دى وهذه المشكلة فى عدم التنسيق ما بين الدخل الفعلى (المرتب الغلبان )والصرق الغير مؤسس بتخطيط يتناسب مع الدخل الفعلى وينتج عنه تهبط عشوائى يعيشه الفرد كل مراحل حياته
المشكلة دى خطيرة جدا ومعظم المجتمعات التى استطاعت ان تتغلب على هذه المشكلة تقدمت بشكل فعلى فى حياتها وتطورت الى الأحسن
المناسبات مربوطة بالدفتر والدفتر مربوط بدخل الفرد وهى معادلة صعبة جدا تعلمك ان تكون منافقا ومدائما فى حالة اقتراض للمال او تدبيره خارج دخلك الذى هو أصلا غير صامد للاحتياجات الضرورية
الحل فى رأئى ...
ميزانية البيت او الفرد لابد ان تدرس تماما وهذه انا استفدتها من الاخوة المصريين وهى تحديد الاحتياجات فى حدود الدخل فقط وعدم الحوجة الى اى لخبطة

لك التحية أخى علاء على طرحك الإجتماعى بأسلوب جميل ، ظاهرة النفاق الاجتماعى التى تمددت فينا كان سببها الرؤية الخاطئة لمعنى التكافل ،فإذا إلتزمنا مبدأ "لايكلف الله نفسا إلا وسعها" وقبلنا بعضنا على هذا المبدأ لما تفشت هذه الظاهرة ،هناك كثير من القيود الاحتماعية التى تجبر الإنسان الغير مستطيع على التظاهر بالإستطاعة خوفا من الإعتزال وغذا لم نجرؤ على الصدق فى هذا المنحى سيجر بنا الى ظواهر أخرى كثيرة ،تحياتى وربنا يكتر المسرات
ا

سلام ياناس المنتدى التحية ليك علاءالدين وتسلم ع الطرح الجميل باسلوب درامى احلى ودا الحوار الكل مدور ف الشاى والفطور والجبنةوالعرس وين ا لصاح وين الغلط اداني عشرة خمستاشر مناسبة ؟وداخمسة كتيرة فيهو بعرف منو بمش لي منو
طيب مانخليها ع الظروف الوضع جيد نصلح الدعم تعبان نجتهد في حدود!
من بوست علاءالدين تعالو نشرط الدفتر يكفي نعرف انوفلان جا وشارك وبارك

ربنا يديم الافراح

ويا شمس التهانى اشرقى لا تغيبى !!

اها الجمعة دى اخبارها إيييييييييييييييييييه

وليد التلب كتب:

ربنا يديم الافراح

ويا شمس التهانى اشرقى لا تغيبى !!

اها الجمعة دى اخبارها إيييييييييييييييييييه

الجمعة دى
عندنا خوجلى عريسا
باقى لى الجمع دى كان مشت على المنوال
دا الدور بجينا !!!!!!!!!!!!!!!

اقتباس :

الجمعة دى
عندنا خوجلى عريسا
باقى لى الجمع دى كان مشت على المنوال
دا الدور بجينا !!!!!!!!!!!!!!!

الف مبروووووووك للاخ خوجلى عبد الرازق

وربنا يجعله زواج خير

لكن ياخينا حكاية الدور جاييك دى , ,

بتقولها كدا بالصوت العالى ؟؟؟؟؟؟

( يا معاين من الشباك اعمل حسابك المفراكة جاياك )

الف مبروك خوجلي ع الرازق وربنا يسعدكم

ويا شمس يا شمس ياشمس لا تغيبي




2000سلام

يا حبة الدار خلا
واخوك ضارب الهمبريب
اشان كدى بجدع
يعنى كان كوركنا مافى زول بسمع !