ده عيب السودانيين باكملهم
ونتاج طبيعي عن التربيه القديمه
الحنين للماضي
مابفيد ولا بقدم ولا باخر
لو الماضي ممكن يقدم اوروبا تاريخا كلو انجازات ولكنها تتلفت للمستقبل
لم نسمع باحدهم يقول كنا كذا وكذا
فما بال قومي لا يبارحون محلهم
افيقو ,,,, ايئتو لنا بالجديد من الافكار
ارونا نظراتكم الثاقبه تجاه مستقبل مشرق للمشروع
افيدونا في مستقبل خصخصه المشروع ولمن الفايده

اعكسو لنا ماذا سيكون غدا في امر مشروع هو الاكبر في افريقيا
الا ترون ان سياسه اتجاه المشروع هو انعكاس عاااااااااام عن حاله السياسه في وطني
من عدم تخطيط وعدم كفاءه حتي

ودمتم

لي كم ضحوه مالاقيتكم اهامع الخراب الشفناهو ده وقبال مايجي الجديد المامعروف شنو بعاتي ولاغيرو يابقيناناس عديل يانبقى ناس ؟نعاين للقديم وبركاتكم وكهربتاومويتاوالفواتير والتلفون وعربات المفتشين ومفتشين العربات واسطول الصيانه والورش وحوافز الاداره وادارة الحوافز وشركة الاقطان وجييك وجاك وده كلو البدفعو منو ومن وين

الاخ سراج
لك ودي وتحياتي وحاجات تانية انت عارفها براك
الكلام خش الحوش
وقد هبشت وتر حساس وهم كبير حول مصير قاتم
فالصحة التي تتحدث عنها ام ضحي والمدارس التي ارقت مسره والسوق الذي تسال عنه ودالياس والكهرباء والمياه وغيرها من القضايا التي تبحث عن حلول كلها كوم لان المعني بها ابناء الهدي ويمكن ان تتحقق بمذيد من التعاون والتفاعل والتنسيق .ولكن مشكلة الزراعة والحنين للحواشة بالمفهوم القديم والمزارع ذو الصولة والجولة ومشروع الجزيرة ومالت اليه الاوضاع هم فوق طاقة الجميع (ابناء الهدي) وانما هم عام ومشكلة امن قومي وقضية عادلة تشكو الي الله الضياع مابين البائع والمشتري والضحية الذي لم يحرك ساكن وقبل ايام دعيت لمنتدي اتحاد الصحفيين وكان حول الموضوع وتحدث فيه المتعافي والشريف بدر وغيرهم واكدوا جميعهم رفع الحكومة يدها تماما من المشروع وكلام كثير يفقع المرارة ويورم الفشفاش ...
اليك اخي رائي الذي نشر بصحيفة الصحافة قبل الانتقال للحقيقة :
تحت عنوان: مشروع الجزيرة من الخصخصة الي المنهبة
التحرير الاقتصادي والخصخصة ذلك الشبح المدمر طالت يده اضخم المشاريع الاقتصادية والاجتماعية (مشروع الجزيرة) ضمن سلسلة من الخصخصة والتي تعنى لدينا في السودان (التصفية) والبيع لكل مقومات دولة الرعاية الاجتماعية ليحل محلها اقتصاد السوق المتوحش والمشوه في ظل تراجع دول المنبع عنه والاعتراف بالاخفاق في رفاهية الشعوب وازالة الفقر والعطالة وتحنط النقيض (الاشتراكية) عن التطور وتحقيق جنة الله في الارض التي وعدت بها البشرية ونمو اتجاه عالمي للبحث عن طريق ثالث كمخرج من الأزمة الاقتصادية العالمية، في هذه الاجواء التي تستدعى الحفاظ على مقومات الاقتصاد الوطني وركائز التنمية والعمل من اجل اصلاحها، نجد ان الحكومة السودانية اتجهت للعكس والخلط ما بين الخصخصة والتصفية للخروج بشئ مشوه وصفه الامام الصادق المهدي في المؤتمر الخامس لتحالف مزارعي الجزيرة والمناقل بطيبة (المنهبة) لأكبر مشروع زراعي في العالم وعملاق الاقتصاد الوطني مساحةً وعطاءً وانتاجاً. فنهب مشروع الجزيرة بهذه الصورة ذات عدة مؤشرات بما له من أهمية وتاريخ واعتبارية لدى الشعب السوداني، منها ما هو خارجي يتعلق بسياسة التحرير الاقتصادي وفق رؤية وضغوط البنك الدولي وابراز الهيمنة على مكتسبات البلاد، واشارة واضحة لدعاة الرأسمالية (اننا جئنا بما لم تستطعيوه)، ودعوة صريحة للمستثمرين الاجانب، ولعل الجميع قد لاحظ تعدد مؤتمرات الاستثمار في الاونة الاخيرة والاهتمام بالاجنبي أكثر من المواطن السوداني أما المؤشرات الداخلية فتتجلى في افقار وتشريد المزارعين والعاملين (جزاء سنمار) والاستحواذ على مشاريع القطاع العام لقيادات الدولة لخلق ثروة اقتصادية بهدف التمكين، وهذا تنطبق ايضاً عليه سياسة (جوع كلبك يتبعك) وادخال عناصر جديدة في الصراع السياسي وتغيير الولايات السياسية خاصة والانتخابات على الابواب والجزيرة ثالث ولاية من حيث الكثافة السكانية والدوائر الجغرافية (41 دائرة) ، والتعويل عليها في ترجيح الكفة لصالح الحزب الحاكم وفقه هذا المعيار (الخطاب البطني) لذا كان الاستهداف المنظم لأهم ما لدى أهل الجزيرة ومن خلفهم الشعب السوداني وهو مشروع الجزيرة مصدر الرزق والأمن الغذائي.
فمشروع الجزيرة منذ تأسيسه وحتى نهاية الثمانينات يمثل اليد الطولي لمصانع الغزل والنسيج في أوربا وآسيا وعماد الاقتصاد السوداني اذ يمثل 70% من ايرادات خزانة الدولة، وقد قامت على اكتافه المدارس والمستشفيات والوزارات وجامعة الخرطوم وميناء بورتسودان، وظل يساهم بنصيب الأسد في توفير الأمن الغذائي ولقمة العيش لكافة أهل السودان عندما تشتد الحالة المعيشية وخلق استقرار أمني واجتماعي واقتصادي، فقد صهر جميع قبائل السودان في بوتقة واحدة متجانسة وتدفق انتاجه خيراً وفيراً لكل الشعب السوداني، ووفر عمالة وتوظيفا واستقرارا لأسر العاملين بالمشروع والمزارعين والمتعاملين مع الحقل الزراعي، فوفدت إليه جموع الشعب السوداني من الشمال والشرق والغرب والجنوب، وقدم نموذجا اداريا متميزا اداءً وانتاجاً واتاح بحوثا ودراسات علمية مدهشة، هذه الصورة الزاهية عكستها سياسات الانقاذ الطائشة بتبني سياسة السوق الحر والخصخصة منذ العام 1992م بصورة تستهدف المشاريع المنتجة ، ونحن هنا لا نرفض الخصخصة كخيار اقتصادي، فالمشروع نفسه وضعية العلاقة مبنية على شئ من هذا القبيل 40% للمزارع و40% للشركة السودانية و20% للحكومة واستخراج نسبة للرعاية الاجتماعية، ولكن نرفض السياسات الخرقاء باسم الخصخصة وهذا ما خرجت به لجنة خصخصة المشروع برئاسة د. تاج السر مصطفى (التخلص من البنيات الأساسية واعادة الهيكلة)، وتبعتها في ذات المضمار اللجنة الوزارية برئاسة وزير المالية لتنفيذ توصيات لجنة د. تاج السر مصطفى وذلك بضغط من البنك الدولي ليكون اعداد قانون مشروع الجزيرة 2005م والذي اجيز على عجل ليخدم الغرض، احد المحطات الخطيرة في منهبة خيرات البلاد وفق سياسة البنك الدولي بايدٍ سودانية ليضاف لانجازات الانقاذ ويلحق بقائمة مهزلة التشريد والتصفية لموسسات المشروع (المحالج - المخازن - الهندسة الزراعية - الاتصالات) لصالح التجار والقطاع الخاص (مقاولين ومتعهدين) ، وحلت محلها شركة دال ورونيا والوادي الأخضر والبابونيل ومحفظة البنوك وشركات الترحيل والنقل دون اعتبار لأهل الملكية الذين أسسوا هذه المؤسسات بدمائهم وعرقهم، واكمل بيع المشروع على مرامى ومسمع وفق قانون 2005م والذي يعتبر دساً للسم في الدسم ،فالذي يقرأ اهداف المشروع في القانون وينظر للواقع يجد التناقض البين وما يجري من دمار ونهب للمشروع لا علاقة له البتة بأهداف المشروع، فالقانون غير صيغة التمويل بدلاً من ضمان الانتاج إلى ضمان الأرض ليستهدف بذلك حيازة (حواشة) المزارع، وعمل على تقنين تمليكها للرأسماليين ورفع يده عن كل شئ وترك الحبل على القارب ليواجه المزارع مصيره مع البنك الزراعي، والذي اعطى حق التصرف وبيع الحواشة ،وعمل القانون على اسناد عمليات الري لروابط مستخدمي المياه بدلاً عن وزارة الري وخلق كما هائلا من العطالة لكل العاملين والمتعاملين مع الحقل الزراعي، وذلك بخروج محصول القطن من المشروع ، ومنح المزارع حرية اختيار المحاصيل الزراعية. هذا القانون سبب اساسي في تدهور ونهب المشروع وافقده عافيته فأصبحت حاله أشبه بحال صخر التي وصفتها الخنساء (لا هو حي فيرجى ولا هو ميت فينعى) فهو الآن يحتضر ويعاني من تدهور حاد في بنيات الري مع هدر المياه وتصلد التربة وفقدان خصوبتها وسوء استخدامها وتكاثر الحشائش وتباين وتنوع المحاصيل وتقلص صلاحيات الادارة وانعدام الشفافية والمصداقية والثقة بين المزارع والحكومة وضعف العائد وتدني الانتاجية، هذا الواقع كشفه تقرير لجنة الخبراء التي كونها وزير الزراعة برئاسة السيد عبد الله عبد السلام. وقد أصبح حال العاملين بالمشروع يعانون التشريد والاذلال والهوان وتأخير الاجور والمرتبات التي لم تدفع لأكثر من ثلاثة أشهر وعزف المزارعون عن الارض واصبحوا في هجرة ونزوح للعاصمة والمدن بحثاً عن مصدر آخر للرزق، وقد اجتاحت الولاية وما جاورها موجة كساد عارمة لتصبح الزراعة للتجار لأن كل تمويل العمليات الزراعية على الزراع ومع ذلك يواجه بمشاكل التسويق والترحيل والجبايات. أما عن البنيات التحتية والاصول فحدث ولا حرج فقد بيعت السكة حديد أهم مقومات المشروع (النقل) والتي تقدر بـ 700 مليون دولار فقد بيعت قضبانها وقطاراتها وفلنكاتها إلى شركة جياد بمبلغ زهيد، أما المحالج فقد حولت بثمن بخس إلى شركة أرض المحنة والتي تملكها قيادات من الحزب الحاكم، وأصبحت عمل شهر واحد في السنة نسبة لقلة الانتاج لمحصول القطن. وقد قضت لجنة التخلص من مرافق القطاع العام التابعة لوزارة المالية على جميع آليات ومعدات الهندسة الزراعية بدلالة كبرى وتم بيعها لرجال الأعمال والمقاولين وشرد مهندسوها. وتدهورت قنوات الري بصورة مريعة بفعل تراكم الطمي والاهمال مما اثر على محاصيل العروة الصيفية وقد بنى العنكبوت على التفاتيش والأقسام الزراعية بعد أن سكنتها الحيوانات الزاحفة وتصدعت جدرانها والآن تباشر لجنة فنية من وزارة المالية وادارة المشروع ونقابة العاملين عملها لتمليك المنازل للعاملين بحيث تخصم من سنوات الخدمة اذ تبلغ قيمة هذه المنازل مليار دولار من جملة 13 مليار دولار قيمة أصول المشروع دفع فاتورتها المزارع (المسكين) ، هذا هو وضع المشروع الآن أضف إليه العطش في الموسم الحالي وتأخير الزراعة وقلة الامطار وزيادة التكاليف فالانتاج المتوقع أقل بكثير عن الموسم السابق، الأمر الذي ينذر بنقص حاد في الغذاء هذا العام، هذا الوضع حذرت منه أكثر من جهة (حكومة ومعارضة) (ولا حياة لمن تنادى) مما يتطلب عجلة في تنفيذ توصيات لجنة الخبراء برئاسة عبد الله عبد السلام وقرارات المؤتمر الخامس لتحالف مزارعي الجزيرة والمناقل بالغاء قانون مشروع الجزيرة 2005م ، وايقاف بيع المشروع وممتلكاته (المباني والوحدات الخدمية) وحل مجلس ادارة المشروع واتحاد المزارعين لضلوعهما في المنهبة ومحاسبة كل من شارك فيها… ولإعادة الحياة للمشروع لابد من تمويل كامل للعملية الانتاجية وتأهيل قنوات الري وتدريب عالٍ للمزارعين والعاملين على التقنيات الحديثة وخلق سوق لمنتجات المزارعين ومعالجة أوضاع المعسرين واعادة الدور الاجتماعي والانساني للمشروع، هذه الأشياء ممكن تحقيقها إذا ما تم استغلال أموال البترول لهذا الغرض وتوفرت الارادة السياسية وعين مجلس ادارة بعيداً عن التعيين السياسي بمعيار (الكفاءة بدلاً عن الولاء) ونمو احساس حقيقي بعظمة وأهمية بقاء المشروع والا اتسع الخرق على الراتق وربنا يكذب الشينة.


إن مرت الايام ولم تروني فهذه مشاركاتي فـتذكروني ، وان غبت ولم تجدوني أكون وقتها بحاجة للدعاء فادعولي

من راء ليس كمن سمع ياحسن اسماعيل...........مع محبتي

لكن تمسكنا بهدي النبي والتشبه باخلاقه .مستحيل يكون زي الصحابه الشافوه وعاصروه.....

عثمان الشريف كتب:

لكن تمسكنا بهدي النبي والتشبه باخلاقه .مستحيل يكون زي الصحابه الشافوه وعاصروه.....

اكيييييييييييد مستحيل
لكن عن طريق السمع واحاديث الصحابه والقران كاننا عايشنا العصر
يعني ممكن السمع بس وليس الرؤيه

خصصه المؤسسات رجعت؟ تغير السلم التعليمي رجع؟المفصولين رجعوا؟الساعه رجعت؟مساؤي الحج اتصلحت؟الضرائت نقصت؟مجانيه التعليم رجعت؟ العلاج ؟احلم ياعم وهو الحلم بقروش

ان اى انسان بلا ماضى
هو انسان بلا حاضر وبلا مستقبل ايضا
وبلا هوية.الماضى هو البوصلةالموجهة
من الماضى نستلهم العبر والدروس
هل نسيت اوروبا التى تفخر بها..ماضىها
هل نسىت بريطانيا تشرشل...وحكمها الملكى
امنسى الامريكان جورج واشطن
الم تسمى العاصمة باسمه ويقف تمثاله شاهداعلى التادب الحقيقى..والاحترام..والذى افتقدناه نحن..للجهل والسباحة مع التيار
هل نسوا مارتن لوثر كنج..والاصلاح الاجتماعى
هل نست فرنسانابليون بونابرت
وشارل ديجول..ومتحف اللوفر وبرج ايفل
وماو نسى تونج..فى الصين
وسورهم العظيم
وجوزيف بروز تيتو...وشارل ماركس ولينين
ام هل نسى المصريون الحضارة الفرعونية
والاهرامات..وسر شراء الاوربيون للاثار الفرعونية..والاسلاميه
ام هل نسى المسلمون..صدر الاسلام
والحضارة الاسلامية..التى وصلت اسبانيا
وما زلنا نسترشدونستدل
بهدى سيد الاولين والاخرين
وصحابته الغر الميامين
ونطلق الاسماء تيمنا بهم
كل الحضارة والتقدم الاوروبى الذى تعتز به
مسروق من الحضارة الاسلامية
وما حدث فى القرون الوسطى
هى عصر النهضة الاوروبية
كل النظريات العلمية ترتكز الى نظريات سابقة
تعتبر هى الاساس..
الحلول التى نطرحها لحل مشكلة المشروع
هى ذات الحلول التى طرحتها قوى التحالف الوطنى فى لقاء طيبة الشيخ عبد الباقى

زيادة عبد الباقى كتب:

ان اى انسان بلا ماضى
هو انسان بلا حاضر وبلا مستقبل ايضا
وبلا هوية.الماضى هو البوصلةالموجهة
من الماضى نستلهم العبر والدروس
هل نسيت اوروبا التى تفخر بها..ماضىها
هل نسىت بريطانيا تشرشل...وحكمها الملكى
امنسى الامريكان جورج واشطن
الم تسمى العاصمة باسمه ويقف تمثاله شاهداعلى التادب الحقيقى..والاحترام..والذى افتقدناه نحن..للجهل والسباحة مع التيار
هل نسوا مارتن لوثر كنج..والاصلاح الاجتماعى
هل نست فرنسانابليون بونابرت
وشارل ديجول..ومتحف اللوفر وبرج ايفل
وماو نسى تونج..فى الصين
وسورهم العظيم
وجوزيف بروز تيتو...وشارل ماركس ولينين
ام هل نسى المصريون الحضارة الفرعونية
والاهرامات..وسر شراء الاوربيون للاثار الفرعونية..والاسلاميه
ام هل نسى المسلمون..صدر الاسلام
والحضارة الاسلامية..التى وصلت اسبانيا
وما زلنا نسترشدونستدل
بهدى سيد الاولين والاخرين
وصحابته الغر الميامين
ونطلق الاسماء تيمنا بهم
كل الحضارة والتقدم الاوروبى الذى تعتز به
مسروق من الحضارة الاسلامية
وما حدث فى القرون الوسطى
هى عصر النهضة الاوروبية
كل النظريات العلمية ترتكز الى نظريات سابقة
تعتبر هى الاساس..
الحلول التى نطرحها لحل مشكلة المشروع
هى ذات الحلول التى طرحتها قوى التحالف الوطنى فى لقاء طيبة الشيخ عبد الباقى

اتفق معك في كل ما صغته وستصوغه بخصوص الماضي
كل الدول التي ذكرتها لها ماضي لو وقفت عنده فقط لكفاها كما نفعل نحن
ماضيها اصبح تاريخ
يحترمونه حتي النخاع
لا يتحدثون عنه كثيرا
ينظرون دوما وابدا الي الامام
واشنطن هذا خلدوه بالعاصمه وبدأوا من حيث وقف هو
ماو حكاياته حفظت عن ظهر قلب للصينين ولكنهم تابعو المسيره ولم يقفو
كل التاريخ الاوروبي بكل اشراقاته لا زال يمثل لهم ماضي يستمدون منه القوه
ياخذون دوما دروسهم وعبرهم وحتي قوتهم من ماضيهم المنير اصلا
كما قلت لقد اخذو تاريخهم من حضارتنا الاسلاميه
فهنيئا لهم بالاسلام حتي
لقد شاهدت كيف لهم ان يستفيدو مما سلبوهو مننا
وكيف صدروا الينا ماسلبوهو مننا اصلا
اوكي فلنقل اننا بدانا معهم من نقطه واحده
الا وهي الحضاره الاسلاميه
والان انظر
اين هم
واين نحن
مع العلم كما اسلفت لك نقطه بدايتنا واحده ( فلنعتبر ذلك)
كيف استفادو مما سرقو
وكيف استفدنا نحن مما نملك
لا زلنا نحن نتكر قصص ود حبوبه
كل مجلس ليس به حكي غير ايام زمان
وياريت لو كانت ايام نهضه وطموح
ايام كيلو اللحمه بالشي الفلاني
ياعم كيلو ايه
لا زلنا نتحكي عن طردنا للمستعمر ولا حديث للمستعمر عن السودان
لقد خرجو من السودان ولم يفكرو فيه بل ذهبو للامام
لا زلنا نتذكرهم
دايما نحن هكذا
شاطرين في الحكي
ياريت لو واحد يحكي لينا في المستقبل
احكو لينا افلام خيال علمي
تنبا لنا بمستقبل
لا احد يستطيع
ولكن
قل لاي واحد ماذا كان في الماضي
اول اجابه حيقول ليك ( كيلو اللحمه كان بقرش)




مع فايق الود والاحترام

سلام سيد البوست الجميل وين مشيت

ابو النســـــــــــــــــــــــــــــــــــــــــــــــب
لك التحية من اب ستة لى اب ستة
وشوقنا جــــــــــــداول
وفي موسم 92-93 رفعت الدولة يدها بصورة كاملة من عملية تمويل العمليات الزراعية وعملت إدارة مشروع الجزيرة والمناقل على هيكلة الديون والضرائب والرسوم المتراكمة التي نتجت من الارتفاع الباهظ لتكلفة العملية الانتاجية وتدهور الانتاج. ويعتبر عدم تمويل محصول القمح وحرمان المزارع من السلفيات النقدية بإعتباره المحصول النقدي الثاني بعد القطن في تعميق الازمــــــة

نرفع ايدينا وندعوا على الذين تقولوا على هذا المشروع من (غفيرن لـــــــــــــــــــــــــــــــــــــــــــــــــــــــــــــــــــــــــى مديرن)
قولو معاى امين على تدميرن

ايها الراوى القدير سراج الدين
ما هذا السرد الرائع الرصين
واصل ونحنا معاك متابعين
تحياتى لك بلا حدود
تحياتى عبرك للاسرة الكريمة
وتحيات خاصة لحبيبنا الهادى الفاضل

اخونا سراج الدين جعلك الله سراجاً منيراً كبوستك المنير

‏*‏ المخازن الكانن بتملن عيش وقمح_الليله مليانات لمبات جاز قديمه وكرعين بنابر_(وابقوا عشره علي البنابر)

اولا بوست جميل وقمة فى الروعة والبركة فينا وفيكم فى مشروع الجزيرة

يلا بدل لمبات الجاز القديمة دى ان بقى فى رتينه طلعوها اصلو قالو بتجيب ملاااااييين فوق تنقيب الدهب حق اليومين ديل علا بتسوى شنو مابعرفا ، يلا العندو رتينه قديمة يطلعا اها كان التراب والواطة هى البتجيب الدهب خليناها ليهم يشبعو بيها النقبل على الرتاين كان تنفع.
احتراماتى

سراج انت وين لقيت ليك دتينة وعملتا
نايم . دايرين عمولتنا اقصد عمولة اختنا
رشا .

بكل الود وفائق الهم غبنا وبزات الذي زكر نعود _بعد ان مدني الاخ العريس عوض الله بجهاز متعدد الوسائط واللعنات

يامهند كيلتين وملوه شوق من الهجين الخالص(الهجين دا براءه)شكرا لمرورك

صلاح الشيخ الله يرد غربتك سالم وغانم _فاقدنك وبنسأل عنك _شكرا

يارشا جميل إرتباطم بالهدي ياأولاد فضل الله رغم المشاغل _تحياتي لك ولإيهاب ومجدي والرايع احمد

الاخ الجار سراج اولاً مبروك مهدى وربنا يخليه ليكم البوست اكتر من رائع وطبعاًانا الجمره واطياها بقوه وعندى كلام كتير بس دايراك تكتب لينا باسلوبك الرائع دا عن التامين الزراعى وماادراك ماالتامين الزراعى وهل هم صحى قاعدين يعوضونا ولا بشيلوا قروش التامين ويعملوا نايمين والاخ حسن مصطفى كتب فى الوضوع دا ممكن تستعين بيه(طبعاًانا مزارعه بترعة معايش).....سلامى لناس الفريق خاصةًالسراجاب وللاخت والوالده .... عــــــــــــوافى

أهلنا المزارعين الشايلين هم الغير والسعيه والطير__عوافي
‏*سؤال مشنق طاقيه_(وين النفرا الخضرا؟ وين النهضه الزراعيه؟ يعني شنو بندق في بحر؟؟
سؤال غتاته_( فراكشن الخزن في المكاتب طلع من نصيب منو؟

*البترول طلع__جلس منا مد البصر أسود الوجه_قبيح المنظر_نتن الرائحه _قلنا من أنت ؟وجهك السيئ لايبشر بالخير_(قال أنا عملكم السيئ)
‏*ناس إكثار البزور بقوا يكسروا تلج

‏*وقفوا الزراعه وقبلوا علي زراعة الكلي والقرنيه_والزرائع القبليه_
‏*الصينين بزرعوا في الجبال ونحن نخصخص الاراضي الافقيه حد الشوف للحشود الجماهيريه والنقزي
‏*المحالج حلجت سنه

‏*(جدادتي كيكت وبيضت في راس زول) دا حال المزارعين
‏*جامعة الجزيره بس إتبنت بعائدات بترول وللا ميثانول؟ (الله يكتر البندول)
‏*مدير مشروع الجزيره يطرح علي نواب المجلس الوطني خطة تنفيذ قانون2005 الزول داكان وين?دافن دقن?

‏*يتباكو علي تشريد الموظفين والعمال(المزارع تبكيه الجوامع الانبنت ضانقيل من باقي الترع)
‏*القصه ياها القصه والسرابه ياها السرابه (خايف القصه تطول ونجري ورا السراب)
‏*بسم الله الرحمن الرحيم الناس ديل قايلننا طرش وللا شنو؟

المراتب والرواتب_الرساله اليومي وارده علي المكاتب_البقوم السربه كارب_فرز واحد للبيرعف وللا زول مفلوق مشاغب__كان قطن_(بارنو نحن شليخ وحش__ماكلنوا كانو شلخ وملخ) عليكم الله تعالوا أكلوا راسنا

ام وائل تحياتنا ليك والاولاد وأبوهم_الديار فاقداكم_المشروع في حالة موت سريري_التامين تحفو ضبابيه_أوعدك أبحث في الموضوع دا وأأتيك بالخبر اليقين

*قبل مايتمزق المشروع مذقنا فاتورة القمح_وإتقمحنا_قال(س) قال
‏*تيراب القمح النضيف يمشي قدام ونحن (يقشولوا) لينا العدار وتيراب الفجله_نحن شيطانين عارفين أي حاجه
‏

التحيةليك يابوالفاضل
كلام المزارع بقي ذي المثل البقول
الكلب ينبح والجمل في مشية

‏*أي زول زرع قمح وماقام نوار أصفر_يصفر للقطر طوالي
‏*المشروع بقا لقمه حاره لا بتتبلع لابتتلاك

أستاز مضوي في بحث مضني عن راس خيط للتواصل_القريب منو يمد ليه إيدو_ياشيخ عوض الله مدد

سراج المنتدى المنير

جيتك ليها طعم ياحبوب

خليك حااااضر ودعنا نستمتع بعذب حديثك

المعز نسيبي حبآ وتقدير شكرآ للاهتمام والهم المشترك

عبدالرحمن مدثر_ياساخر وفاخر_المنتدي بي كتاباتك شيق ومشرق_شكرآ لمرورك_فتش السر دسوقي ومررو لي

سراج الفاضل مرحب بيك وبالدعاش والبئر و كيف اخبار اخونا عبد الله عبد الكريم ما باقي ليك محتاجين ضباط صحة لك التحية مجدد أما عن مشروع الجزيرة سوف أعود لذلك لاحقا

الم تسمع اخى سراج قول الشاعر:
ماتت حلتى
ماتت شتلتى
لكن يوم مات
اتولد جواى الف انسان جديد
(يلا نبحث عن الحلول العلمية والعملية للبناء من الجديد)
لان الدمار والخراب للمشروع شى لايخفى على العيون
والدمار سهل والعمار صعب
يلا نبدا وربنا يهون القواسى

ود هنونه ياحليل مرقات العصاري وأولاد الحله الورانيه_داير أفيق ليك عندي ليك شجون وزكريات

ود ابشنب_خشيت عليك بي هناك محل الضغط العالي والكشافات_الله يسترنا من كشف الحال ولايبتلينا بضغط الدم_بمناسبة الدم_بتعرف التور اب جاعوره الشم الدم وقال حرم؟إنشاءالله نلتقي كثيرا عبرهذا المنتدي اوعلي فضاءالهدي الرحب مباشرة

يا بومهدى ازيك

الزعل على اولاد القناطر ولا على القناطر ؟

طيب اولاد القناطر فاتو....

القناطر ذنبها شنو نعمل فيها كدا؟

هل نتباكى على هدم المشروع سياسيا ولانبكى على هدم

بنياته واقعا بايدينا؟ الم نضع فى بالنا انصلاح الحال

فى يوم ما

والمحافظة على بنياتة التى بنيت بعرق كل مزارع؟

بمناسبة الخمسات دى لوقلت تلاتات كان افتكرناه الفريق

القومى.... لك ودى

ياوليد_أهلآ_القناطر والسكه حديد ومؤسسة مزارعي الجزيره والمناقل والبحوث الزراعيه والاقسام والمكاتب إلخ_كلها كانت لقمه مقنطره للساسه والمسؤلين من إداريين وأنصاف إداريين_مابيدي حيله ولابيد المزارع الغلبان_

ياوليد لوكانت عربية المفتش لسه في المرور ماكان إتشلعت قنطره_دمار المشروع إداري بدا بمدخلات الإنتاج من بذور ضعيفه وتحضير ضعيف ومبيدات منتهية مدة صلاحيتها وسوء إداره وعدم رغابه والحديث يطول_لكن بإختصار ماوصل إليه المشروع كان مدروس بعنايه

يارائع انت
كان فتشتا المحزن اب تلقى لى مووولووود

يا اخوى البركة فى الشوفة

افتقدناك ..ملاييييين السنوات الضوئية..
وجئت ..كما الامل ..
لتنير ..ظلمتى
ظلمة المشروع
والتانية خليها فى سرك
اذن صدقوا
اذ سموك السراج..لتضئ الطريق للناس العمى
والعمى انواع ..اقبحه غمى البصيرة
انها البصيرة ام محمد
الجات تتفولح وجابت ضقلها اتلولح
هى الانقاذ ولا شك
ةقد ظلموا الانقاذ
لغة ومعنى..
ومحمد معانا ماتغشنا
وجيب ليك ملح وشطة
وفكهن فى العصار
عشان الشيطان
وممكن الملح والشطة
مع عصرنة الزمن تتحول
الى كدنكة
وكوريك
وملود
وحربة
وسيف سكين
يا سمح يا زين
نحن واطات الجزيرة
خرجنا من رحمها
وترعرعنا فيها
وان حرت
نقابل الجلة مافى كلام
اجل سموك ابو المهدى
المهدى ابقولن بسر
المن جانا زال الضيق والعسر
وهونا اخى
ان بعد العسر يسر
وما ضاقت الا لتفرج
فرجا قريب..وغدا تشرق الشمس وياتى الصبح
ليس الصبح ببعيد..ولك
انت ..والمشروع
واهل المشروع
نينى اليك وليل الغربة اضنانى
وطيق ذكراك بدمع القلب ابكانى
متين الليل الاقينى ونعود تانى من تانى
والقاك يا وحيد عمرى وتلقانى
لا بنساك ولا بقدر ولا عايز بعد حبك احب تانى

زياده بتخجل تواضعنا بالكلام المنمق والعفوي عندك كماهي تربيتك (المامزيوده مويه) عليك الله قول ليهم الوطن ماالزقاقات والبيوت الساتره الهموم _الوطن إنت وأنا وهم_الوطن التراب_الرزق_الناس_الإنتماء_
لك الحب يازيادو

‏*الشركات الربحيه عندها مؤسسات حسابيه لاتعرف الخساره_المزارع البحسب حساب القفه كدا## البحميه منو؟ وللا الخسران بمرق من المصران!
‏*الجناين الثابته حقة أعضاء الإتحاد_إمتيازاتهم حتحولها لاراضي سكنيه؟كل شي ممكن في الزمن الاشتر دا

‏*عمي أديني قصبه__قصب الزمن دا هجين فصين قصااااار ورقابه طويييله _حسب السياسه الماشه في البلد _بنيه تحتيه ضعيفه وتطاول علي الدول العظمى
‏*في كل القنوات السودانيه نادي الطنبور بي صفقتو_والوازا بي لاويها

الكمبلا بي حريمها_عرضة البجا بي سديريها__ثقافة الوسط وين؟ (الله يكضب الشينه) خايف تكون نهاية مشروع زراعي وثقافي_
‏*جامعة الجزيره بقت مسكييييينه_ومدني المدينه بقت زي الشافع الاضانو تقيله يقولو الزراعه تقول آآآآآآآآآآآآآ

‏*وأنا نايم أحلم بي مزارع عندو فيلا جميله وطائره عموديه صحيت(وجدتني فاقرآ فاهي وهناك زبابه أباتشي تناور لإسقاط حمولة من القنابل المحرمه بقانون الفاو واليونسيف) اللهم أجعله خير
‏*اللوري الكان بجيب لقاطين القطن رفعوه في حجاره ومشوا يكسرو حجارة الجبل